PM Narendra Modi 25 Years | సీఎంగా మొదలై పీఎంగా విశ్వవేదికపైకి.. పాలనాధినేతగా మోదీ 25 ఏళ్ల ప్రభంజనం: కేంద్ర మంత్రివర్గం చారిత్రక తీర్మానం

PM Narendra Modi 25 years | త్రినేత్ర న్యూస్ : ప్రజాస్వామ్య భారతదేశ చరిత్రలో సరికొత్త అధ్యాయం లిఖిస్తూ, ప్రభుత్వ అధినేతగా సుదీర్ఘమైన 25 ఏళ్ల పాలనా ప్రస్థానాన్ని విజయవంతంగా పూర్తి చేసుకున్న ప్రధానమంత్రి నరేంద్ర మోదీకి కేంద్ర మంత్రివర్గం ఘనంగా అభినందనలు తెలిపింది. 'దేశమే ప్రథమం, పౌరుడే ప్రథమం' అనే నినాదంతో సాగుతున్న ఆయన నాయకత్వాన్ని కొనియాడుతూ కేబినెట్ ఒక చారిత్రక తీర్మానాన్ని ఏకగ్రీవంగా ఆమోదించింది. గుజరాత్‌లో వరుసగా మూడుసార్లు ముఖ్యమంత్రిగా, దేశంలో వరుసగా మూడు పర్యాయాలు ప్రధానిగా ప్రజలు అందించిన అఖండ తీర్పులు మోదీ పట్ల ప్రజలకున్న అచంచలమైన విశ్వాసానికి ప్రతీక అని కేబినెట్ పేర్కొంది.

Also Read | రవాణా రంగానికి ‘ఇంటిగ్రేటెడ్’ బూస్ట్‌

ఈ సందర్భంగా మోదీ 25 ఏళ్ల సుపరిపాలనా ప్రయాణాన్ని వివరిస్తూ కేంద్ర మంత్రివర్గం 10 ప్రధాన విజయాలను తీర్మానంలో పొందుపరిచింది.

1. గుజరాత్ మోడల్ నుంచి జాతీయ దార్శనికత వరకు

గుజరాత్‌లో విజయవంతమైన 'స్వాగత్' (SWAGAT) పోర్టల్ ఐక్యరాజ్యసమితి పురస్కారం పొందగా, అదే స్ఫూర్తితో కేంద్రంలో పనుల పర్యవేక్షణకు 'ప్రగతి' (PRAGATI) వేదికను తెచ్చారు. గ్రామాలకు నిరంతర విద్యుత్ అందించిన జ్యోతిగ్రామ్ యోజన జాతీయ విధానాలకు మార్గదర్శకంగా నిలిచింది.

ఇదీ చదవండి | ఆత్మ‌నిర్భ‌ర్ భార‌త్‌లో ముంద‌డుగు.. డీఆర్డీవో హై-ఆల్టిట్యూడ్ ప్లాట్‌ఫామ్ సిస్టమ్ స‌క్సెస్‌..!

2. పేదల సంక్షేమం – ఆత్మగౌరవ జీవితం

బాల్యంలో పేదరికాన్ని స్వయంగా అనుభవించిన మోదీ, ఆ అనుభవాలనే భారీ ప్రజా సంక్షేమ పథకాలుగా మార్చారు. దాదాపు 60 కోట్ల జన్ ధన్ బ్యాంక్ ఖాతాలు, 4 కోట్లకు పైగా పక్కా ఇళ్ల నిర్మాణం ద్వారా దేశంలో 25 కోట్ల మంది పేదరికం నుంచి బయటపడేలా పాలన అందించారు.

Read | బుల్లెట్ రైలు ప్రాజెక్టులో బిగ్ ట్విస్ట్: జపాన్‌తో సిగ్నలింగ్ రగడ.. మేడ్ ఇన్ ఇండియా ట్రైన్‌తోనే తొలి జర్నీ!

3. సబ్బండ వర్ణాల సాధికారత

3.5 కోట్ల మంది మహిళలను 'లఖ్‌పతి దీదీ'లుగా తీర్చిదిద్దడం, చట్టసభల్లో మహిళలకు 33 శాతం రిజర్వేషన్ కల్పించే 'నారీ శక్తి వందన్ అధినియమ్' తీసుకురావడం కీలక మైలురాళ్లు. అన్నదాతలకు పీఎం కిసాన్ ద్వారా రూ. 4 లక్షల కోట్లకు పైగా నిధుల బదిలీతో పాటు, పీఎం-జన్‌మన్ ద్వారా అట్టడుగు గిరిజనులకూ ప్రభుత్వ అండ దక్కింది.

చదవండి | స‌ముద్రంలో నేవీ సింహ‌గ‌ర్జ‌న‌!

4. సాహసోపేత సంస్కరణలు

జీఎస్టీ (GST) అమలు, పాతకాలపు చట్టాల రద్దు, స్వచ్ఛ భారత్, డిజిటల్ పేమెంట్స్ వంటి నిర్ణయాలు రాజకీయ లాభనష్టాలతో సంబంధం లేకుండా దేశ ప్రయోజనాల కోసమే తీసుకున్న సాహసోపేతమైన అడుగులని కేబినెట్ పేర్కొంది.

Also Read | రాహుల్ జీ.. త‌మిళ‌నాడులో ఓట్ల తొలగింపుపై మీ వైఖ‌రేంటి..? : డీఎంకే

5. ఆత్మనిర్భర్ భారత్ – మౌలిక వసతుల విప్లవం

ప్రభుత్వ మూలధన వ్యయం రూ. 2 లక్షల కోట్ల నుంచి రూ.12 లక్షల కోట్లకు పైగా పెరిగింది. దేశంలో ఎలక్ట్రానిక్స్ ఉత్పత్తులు ఏకంగా రూ. 13 లక్షల కోట్లకు చేరాయి. సెమీకండక్టర్ల తయారీ, స్వదేశీ రక్షణ ఉత్పత్తుల్లో భారత్ స్వయం సమృద్ధిని సాధిస్తోంది.

ఇదీ చదవండి | హ‌ర్మూజ్‌లో వాణిజ్య నౌక‌పై దాడి.. 11 మంది భార‌తీయుల‌కు గాయాలు

6. టెక్నాలజీతో ప్రజా సేవ

జామ్ (JAM - జన్ ధన్, ఆధార్, మొబైల్) త్రయం ద్వారా సంక్షేమంలో అవినీతికి అడ్డుకట్ట పడింది. యూపీఐ (UPI) డిజిటల్ విప్లవంతో పాటు, చంద్రయాన్-3 విజయం, ప్రైవేట్ అంతరిక్ష రంగానికి ప్రోత్సాహం, ఏఐ (AI), బయోటెక్నాలజీల్లో భారత్ ప్రపంచానికి దిక్సూచిగా మారింది.

Read | హ‌ర్మూజ్‌లో వాణిజ్య నౌక‌పై దాడి.. 11 మంది భార‌తీయుల‌కు గాయాలు

7. సంక్షోభాల్లో తిరుగులేని స్థిరత్వం

కరోనా విపత్తు సమయంలో సొంతంగా వ్యాక్సిన్లు తయారు చేసి దేశవ్యాప్తంగా విజయవంతంగా అందించడం, పశ్చిమాసియా సంక్షోభం వేళ సకాలంలో వ్యూహాత్మక చర్యలు తీసుకుని దేశ ఇంధన భద్రతను కాపాడటంలో మోదీ నాయకత్వం కీలక పాత్ర పోషించింది.

ఇదీ చదవండి | బీజేపీ అంతు చూస్తాం.. పార్టీని కూల్చేస్తాం, నాశనం చేస్తాం

8. దేశ భద్రతలో రాజీలేని వైఖరి

2016 సర్జికల్ స్ట్రైక్స్, 2019 బాలాకోట్ ఎయిర్ స్ట్రైక్స్, 2025లో చేపట్టిన 'ఆపరేషన్ సిందూర్' భారత రక్షణ వైఖరిని స్పష్టం చేశాయి. ఆర్టికల్ 370 రద్దు, చీఫ్ ఆఫ్ డిఫెన్స్ స్టాఫ్ (CDS) వ్యవస్థ ఏర్పాటు, వన్ ర్యాంక్ వన్ పెన్షన్ అమలుతో పాటు ఈశాన్య రాష్ట్రాల్లో శాంతిభద్రతలు నెలకొల్పారు.

Also Read | విలేక‌రుని క‌సురుకున్న జ‌యా బ‌చ్చ‌న్‌.. మైక్‌ను ప‌క్క‌కు నెట్టేసి

9. గ్లోబల్ వేదికపై గర్జించిన భారత్

జీ20, బ్రిక్స్ సదస్సుల్లో కీలక నిర్ణయాలు, ఆఫ్రికన్ యూనియన్‌ను జీ20లో శాశ్వత సభ్యులుగా చేర్చడం వంటి చర్యలతో గ్లోబల్ సౌత్ దేశాల గొంతుకగా భారత్ మారింది. ప్రపంచవ్యాప్తంగా ఏకంగా 36 దేశాలు ప్రధాని మోదీకి తమ అత్యున్నత పౌర పురస్కారాలు అందించి గౌరవించాయి.

Also Read | నిబంధ‌న‌ల ప్ర‌కారం జ‌రిగుంటే.. ఆ 16 ల‌క్ష‌ల మంది ఓట‌ర్ల‌ వివ‌రాలు ఎందుకు గోప్యంగా ఉంచారు..?

10. సాంస్కృతిక వైభవం – వికసిత్ భారత్ 2047

కాశీ విశ్వనాథ్ కారిడార్, అయోధ్య రామాలయ ప్రాణప్రతిష్ఠ ద్వారా మన ప్రాచీన వారసత్వానికి ప్రాణం పోశారు. అదే సమయంలో గ్రీన్ ఎనర్జీ, అంతర్జాతీయ పర్యావరణ పరిరక్షణలో భారత్‌ను ముందుంచారు. 2047 నాటికి సంపూర్ణ స్వావలంబన సాధించిన 'వికసిత్ భారత్'ను నిర్మించేందుకు ప్రధాని నాయకత్వంలో ముందుకు సాగుతామని తీర్మానం ముగించింది.

Read | యూపీ ఓట‌రు లిస్టులో కొత్త‌గా చేర్చిన ఆ 16 ల‌క్ష‌ల మంది ఎవ‌రు..?