త్రినేత్ర News Logo
DIGITAL-NEWS

Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్

Ponnam Prabhakar | తెలంగాణ రాష్ట్ర సాధన కోసం పోరాడిన ఉద్యమకారుల (Activists)కు తగిన గుర్తింపు కల్పించడమే త‌మ ప్ర‌భుత్వ లక్ష్యమ‌ని మంత్రి పొన్నం ప్ర‌భాక‌ర్ (Ponnam Prabhakar) అన్నారు.

S

Telangana | Published On Nov 21, 2026, 1.37 pm IST

Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్
Advertisement

Ponnam Prabhakar | త్రినేత్ర న్యూస్‌: తెలంగాణ రాష్ట్ర సాధన కోసం పోరాడిన ఉద్యమకారుల (Activists)కు తగిన గుర్తింపు కల్పించడమే త‌మ ప్ర‌భుత్వ లక్ష్యమ‌ని మంత్రి పొన్నం ప్ర‌భాక‌ర్ (Ponnam Prabhakar) అన్నారు. ఈ ప్రక్రియను త్వరితగతిన పూర్తి చేసేందుకు కమిటీ తరఫున అన్ని విధాలుగా కృషి చేస్తామ‌ని చెప్పారు. హైద‌రాబాద్‌లోని మినిస్టర్ క్వార్టర్స్‌ నివాసంలో శ‌నివారం తెలంగాణ ఉద్యమకారుల గుర్తింపు కమిటీ సమావేశం నిర్వహించిన‌ట్లు తెలిపారు.

వెబ్‌సైట్‌ను అందుబాటులోకి తెస్తాం

తెలంగాణ ఉద్యమకారుల గుర్తింపు కోసం ఇప్పటికే వివిధ యూనివర్సిటీల ఉద్యమకారులు, కళాకారులు, సబ్బండ వర్గాలతో జరిపిన సంప్రదింపులు, ఇప్పటివరకు చేపట్టిన కార్యక్రమాలు, పనుల పురోగతిని సమీక్షించాం. గుర్తింపు ప్రక్రియను మరింత వేగవంతం చేసేందుకు తీసుకోవాల్సిన చర్యలపై చర్చించాం. ఉద్యమకారుల వివరాల నమోదు, గుర్తింపు ప్రక్రియ కోసం ఏర్పాటు చేస్తున్న ప్రత్యేక వెబ్‌సైట్ ప్రస్తుత స్థితిని సమీక్షించి, వీలైనంత త్వరగా వెబ్‌సైట్‌ను పూర్తి చేసి ప్రజలకు అందుబాటులోకి తీసుకురావాలని నిర్ణయించాం. వెబ్‌సైట్ ఏర్పాటుపై తదుపరి పురోగతిని త్వరలోనే సమీక్షించి, ప్రారంభ తేదీతో పాటు తదుపరి కార్యాచరణను ప్రకటిస్తాం.

ఈ స‌మావేశంలో కమిటీ చైర్మన్ కే కేశవరావు, ఎమ్మెల్సీ ప్రొఫెసర్ కోదండరాం, మాజీ ఎమ్మెల్సీ రాములు నాయక్‌, మోతే శోభన్ రెడ్డి, శ్యాం మోహన్ పాల్గొన్నారు.

Advertisement
Advertisement