S Jaishankar Munich Security Conference | అంతర్జాతీయ వేదికపై ఒంటరిగా మారుతున్న అమెరికా

• మ్యూనిచ్ సదస్సులో జైశంకర్ సంచలన విశ్లేషణ

S Jaishankar Munich Security Conference | త్రినేత్ర న్యూస్ : ప్రపంచ భౌగోళిక రాజకీయాల్లో పెను మార్పులు చోటుచేసుకుంటున్న తరుణంలో.. అమెరికా స్వయంగా ఎంచుకున్న వైఖరి కారణంగానే అంతర్జాతీయంగా క్రమంగా ఒంటరి శక్తిగా మారుతోందని భారత విదేశాంగ శాఖ మంత్రి ఎస్. జైశంకర్ స్పష్టం చేశారు. జర్మనీలో జరిగిన 62వ మ్యూనిచ్ సెక్యూరిటీ కాన్ఫరెన్స్ (Munich Security Conference) వేదికగా ఆయన ప్రసంగిస్తూ.. అమెరికా కొత్త వైఖరి, చైనా తిరుగులేని ఆర్థిక ఎదుగుదల ప్రపంచ క్రమాన్ని పూర్తిగా మార్చేస్తున్నాయని విశ్లేషించారు.

అమెరికా నిర్ణయం.. చైనా వేగవంతమైన ఎదుగుదల

అమెరికా అనుసరిస్తున్న విధానాలు బాహ్య ఒత్తిళ్ల వల్ల కాకుండా.. సొంత నిర్ణయాలతోనే జరుగుతున్నాయని జైశంకర్ అభిప్రాయపడ్డారు. ప్రస్తుతం అంతర్జాతీయ వేదిక ప్రధానంగా వాషింగ్టన్ తీసుకుంటున్న సరికొత్త నిర్ణయాలతో ప్రభావితమవుతోందని అన్నారు.

Also Read | శత్రువుల వెన్నులో వణుకు పుట్టిస్తున్న భారత్ అణుబలం: 190 వార్‌హెడ్‌లు.. ఏ మూలకైనా దూసుకెళ్లే మిస్సైల్ నెట్‌వర్క్!

మరోవైపు చైనా ఎదుగుదలను రెండో ప్రధాన అంశంగా ఆయన ప్రస్తావించారు. ప్రపంచ తయారీ రంగంలో (Global Manufacturing) దాదాపు మూడో వంతు వాటా చైనా వద్దే ఉందని, ఆ ఆర్థిక బలమే ఇప్పుడు బీజింగ్‌కు అంతర్జాతీయంగా భారీ రాజకీయ పలుకుబడిని తెచ్చిపెడుతోందని పేర్కొన్నారు. దీనివల్ల అమెరికా-చైనాల మధ్య తీవ్రమైన ఆధిపత్య పోటీ నెలకొందని, ఆ ప్రభావం మిగతా దేశాలపైనా పడుతోందని తెలిపారు.

మిడిల్ పవర్స్ వైఖరి: 'ఆత్మనిర్భరత' వైపు మొగ్గు

అగ్రరాజ్యాల మధ్య వైరం ముదురుతున్న వేళ భారత్ వంటి వర్ధమాన, మధ్యశ్రేణి దేశాలు (Middle Powers) తమ సొంత ప్రయోజనాల పట్ల స్పష్టమైన అవగాహనతో వ్యవహరిస్తున్నాయని జైశంకర్ వెల్లడించారు.

Also Read | ఉక్రెయిన్‌లో రష్యా డ్రోన్ల బీభత్సం: ఇండియన్ ఫార్మా ప్లాంట్ ధ్వంసం.. ఒకరు మృతి, రూ.400 కోట్ల నష్టం

"వర్ధమాన దేశాలన్నీ ఇప్పుడు స్వయం సమృద్ధిని కోరుకుంటున్నాయి. భారత్‌లో ప్రాచుర్యంలో ఉన్న 'ఆత్మనిర్భర్' (Atmanirbhar) అనే భావన ఇప్పుడు ప్రపంచవ్యాప్తంగా వర్ధమాన దేశాలకు ఏకైక మంత్రంగా మారింది. చర్చల్లో పాల్గొనేటప్పుడు తమ ప్రయోజనాలేమిటో, తాము అందించగల ప్రయోజనాలేమిటో ఈ దేశాలు పక్కాగా బేరీజు వేసుకుంటున్నాయి." అని ఎస్. జైశంకర్ స్పష్టం చేశారు.

అన్ని విషయాల్లో ఏకాభిప్రాయం అక్కర్లేదు

గతంలో మాదిరిగా ప్రతి అంశంపైనా నూటికి నూరు శాతం ఏకాభిప్రాయం ఉంటేనే కలిసి పనిచేయాలనే పాత పద్ధతులకు కాలం చెల్లిందని జైశంకర్ కుండబద్దలు కొట్టారు. దేశాల మధ్య కొన్ని ఉమ్మడి ఆసక్తులు, ఏకాభిప్రాయాలు ఉన్నా సరిపోతుందని.. అజెండా ఆధారిత సహకారంతో ముందుకు సాగవచ్చని చెప్పారు. సప్లై చైన్ సమస్యలను తగ్గించుకుంటూ, రిస్క్‌లను నియంత్రించుకుంటూ కొత్త అంతర్జాతీయ వ్యవస్థ రూపుదిద్దుకుంటోందన్నారు.

క్వాడ్, బ్రిక్స్.. సరికొత్త ప్రయోగాలు

పరస్పర ప్రయోజనాలు దెబ్బతిననంత వరకు అమెరికా, చైనాలతో సంబంధాలు కొనసాగిస్తూనే.. ఇతర దేశాలతో నెట్‌వర్కింగ్ పెంచుకోవడం సాధ్యమేనని ఆయన చెప్పారు.

ఇండో-పసిఫిక్‌లో క్వాడ్ (Quad) భాగస్వామ్యాన్ని, గ్లోబల్ సౌత్ గళాన్ని బలంగా వినిపించే బ్రిక్స్ (BRICS) వేదికలను ఆయన ఉదహరించారు.

Also Read | యావత్ ప్రపంచానికే నువ్వు హీరోవి : స్మిత్‌కు ఇజ్రాయెల్ అత్యున్నత పురస్కారం ప్రకటించిన నెతన్యాహు

అంతేకాకుండా భారత్ నేతృత్వంలోని ఇంటర్నేషనల్ సోలార్ అలయన్స్ (ISA), సీడీఆర్‌ఐ (CDRI) వంటి గ్లోబల్ ప్రాజెక్టులు నేటి తరం సరికొత్త సహకారానికి నిదర్శనమని వివరించారు.

అగ్రరాజ్యాల పట్టు తగ్గుతున్న ప్రస్తుత తరుణంలో.. దేశాలు తమ అవసరాలకు అనుగుణంగా ఫ్లెక్సిబుల్ భాగస్వామ్యాలను ఎంచుకుంటూ, కొత్త గ్లోబల్ ఆర్డర్‌కు బాటలు వేస్తున్నాయని జైశంకర్ తన ప్రసంగంలో స్పష్టం చేశారు.

#WATCH | Delhi: Speaking at the 62nd Munich Security Conference, External Affairs Minister Dr. S. Jaishankar says, "No one in the room would disagree with the fact that the landscape today is primarily marked by a radical repositioning of the United States. A repositioning which is a posture of choice and, in a way, it has deliberately become a lonelier power. The second feature of the landscape is, of course, the rise of China. China, which sees itself as a unique country that is in a way both its self-perception, in many ways, also the reality. And we are looking at very sharp competition. That competition today, not limited to these two countries, has led to a weaponization of any leverage that any country has. And that competition coexists with the complexity of interdependence."

— ANI (@ANI) October 4, 2026

ఇదీ చదవండి | రాజ‌కీయాల్లోకి సీబీఐ మాజీ డైరెక్ట‌ర్‌.. ఎస్ఎస్‌పీ జాతీయ‌ అధ్య‌క్షుడిగా బాధ్య‌తలు