Shamshabad | వార్ ఎఫెక్ట్‌.. శంషాబాద్ విమానాశ్ర‌యంలో 24 విమానాలు ర‌ద్దు..

Shamshabad | త్రినేత్ర‌.న్యూస్‌: ప‌శ్చిమాసియాలో ఉద్రిక్త‌త‌ల నేప‌థ్యంలో విమానాల ర‌ద్దు (Flights Cancelled) కొన‌సాగుతున్న‌ది. శంషాబాద్ (Shamshabad) నుంచి వివిధ గల్ఫ్‌ దేశాలకు వెళ్లాల్సిన, అక్క‌డి నుంచి రావాల్సిన 24 విమానాలు ర‌ద్ద‌య్యాయి. ఇందులో హైద‌రాబాద్ నుంచి వెళ్లాల్సిన‌ 12 విమానాలు ఉండ‌గా, అదే సమయంలో గల్ఫ్‌ దేశాల నుంచి శంషాబాద్‌కు రావాల్సిన మరో 12 విమానాలు క్యాన్స‌ల్ అయ్యాయి. వీటిలో ఖతార్‌, యూఏఈ, కువైట్‌, బహ్రెయిన్‌, సౌదీ అరేబియా నుంచి రావాల్సిన, వెళ్లాల్సిన విమానాలు ఉన్న‌ట్లు అధికారులు తెలిపారు.

కాగా, గురువారం కూడా 31 విమానాలు ర‌ద్ద‌య్యాయి. వివిధ గల్ఫ్ దేశాల నుంచి శంషాబాద్ విమానాశ్రయానికి చేరుకోవాల్సిన 16 విమానాలు నిలిచిపోయాయి. అదేవిధంగా హైదరాబాద్ నుండి గల్ఫ్ ప్రాంతాలకు వెళ్లాల్సిన 15 విమాన సర్వీసులను రద్దు చేసిన‌ట్లు విమానయాన సంస్థలు ప్రకటించాయి.

ప్రయాణికులకు తీవ్ర ఇబ్బందులు

ముందస్తు సమాచారం లేకుండా విమానాలు రద్దు కావడంతో ప్రయాణికులు విమానాశ్రయంలో తీవ్ర ఇబ్బందులకు గురవుతున్నారు. గమ్యస్థానాలకు చేరుకోవాల్సిన వారు ప్రత్యామ్నాయ మార్గాల కోసం ఎదురుచూస్తున్నారు.

Also Read.. 
యుద్ధం ఎఫెక్ట్‌.. దేశంలో పెట్రోల్‌, డీజిల్ ధ‌ర‌లు ఎలా ఉన్నాయి..? పెరుగుతాయా..?

క‌ర్ణాట‌క‌లో 16 ఏళ్ల‌లోపు పిల్ల‌ల‌కు సోష‌ల్ మీడియా నిషేధం.. ప్ర‌క‌టించిన సీఎం

ల‌గ్జ‌రీ డూప్లెక్స్ అపార్ట్‌మెంట్ కొనుగోలు చేసిన న‌య‌న‌తార‌.. ధ‌ర తెలిస్తే షాకే..!

ఫైన‌ల్‌లో అభిషేక్‌ను ఆడించ‌డంపై ర‌విశాస్త్రి కీల‌క వ్యాఖ్య‌లు