Top ISIS Leader | ఐసిస్‌కు బిగ్ షాక్‌.. టాప్‌ కమాండ‌ర్ అబు బిలాల్ మినూకీ హ‌తం.. ప్ర‌క‌టించిన ట్రంప్‌

Top ISIS Leader | ప్రపంచంలోనే అత్యంత ప్రమాదకరమైన ఉగ్ర‌సంస్థ ఇస్లామిక్ స్టేట్ గ్రూప్‌కు (ISIS) గ‌ట్టి ఎదురుదెబ్బ త‌గిలింది. అమెరికా, నైజీరియా ద‌ళాలు (Nigeria Armed Forces) సంయుక్తంగా జ‌రిపిన సాహ‌సోపేత దాడుల్లో ఈ గ్రూప్ అగ్ర కమాండ‌ర్ అబు బిలాల్ మినూకీ హ‌త‌మ‌య్యాడు. ఈ విష‌యాన్ని అమెరికా అధ్య‌క్షుడు డొనాల్డ్ ట్రంప్ (Donald Trump) స్వ‌యంగా ప్ర‌క‌టించారు. ఈ మేర‌కు త‌న సొంత సోష‌ల్ మీడియా ప్లాట్‌ఫామ్ ట్రూత్‌లో పోస్టు పెట్టారు.

త‌న ఆదేశాల మేర‌కు అమెరికా, నైజీరియా భ‌ద్ర‌తా బ‌ల‌గాలు ప్ర‌పంచంలోనే అత్యంత చురుగ్గా ఉన్న ఉగ్ర‌వాదిని యుద్ధ‌రంగం నుంచి తుడిచిపెట్టేశాయ‌ని ట్రంప్ వెల్ల‌డించారు. "ఐసిస్ ఉగ్ర‌సంస్థ‌లో రెండో స్థానంలో ఉన్న అబు బిలాల్ అల్ మినూకీ.. ఆఫ్రికాలో దాక్కోవచ్చని అనుకున్నాడు. కానీ మా గూఢ‌చార వ‌ర్గాలు అక్క‌డా ఉన్నాయ‌న్న విష‌యం అతడికి తెలియ‌దు. ఇక‌పై అత‌డు ఆఫ్రికా ప్ర‌జ‌ల‌ను భ‌య‌బ్రాంతుల‌కు గురిచేయ‌లేడు. అంతేకాదు, అమెరిక‌న్ల‌ను ల‌క్ష్యంగా చేసుకుని దాడుల‌కు ప్లాన్ చేయ‌లేడు. అత‌డి మృతితో ప్ర‌పంచ వ్యాప్తంగా ఐసిస్ కార్య‌క‌లాపాలు చాలా వ‌ర‌కూ బ‌ల‌హీన‌ప‌డ‌తాయి" అంటూ ట్రంప్ త‌న పోస్టులో రాసుకొచ్చారు. ఈ ఆప‌రేష‌న్‌లో త‌మ‌కు స‌హ‌క‌రించిన నైజీరియా ప్ర‌భుత్వానికి ట్రంప్ ప్ర‌త్యేకంగా ధ‌న్య‌వాదాలు తెలియ‌జేశారు.

Also Read..

ఢిల్లీ ప్రెస్‌మీట్‌లో జ‌ర్న‌లిస్ట్‌పై ర‌ష్యా విదేశాంగ మంత్రి అస‌హ‌నం.. తుపాకీ తీయాల్సి వ‌స్తుందంటూ హెచ్చ‌రిక‌

గ‌ర్ల్‌ఫ్రెండ్‌తో హార్దిక్ పాండ్యా రెండో పెళ్లి.. డేట్ కూడా ఫిక్స్‌..?

రాహుల్.. కేసీఆర్ ఉద్యోగం పీకెస్తే రెండు ల‌క్ష‌ల ఉద్యోగాలిస్త‌మ‌న్న‌వ్‌.. ఏమైంది?: ఎమ్మెల్యే దేవిరెడ్డి సుధీర్‌రెడ్డి