TVK | సొంతంగానే ప్ర‌భుత్వాన్ని ఏర్పాటు చేస్తాం : టీవీకే

TVK | త‌మిళ‌నాడు అసెంబ్లీ ఎన్నిక‌ల ఫ‌లితాల్లో విజిల్ మోత మోగుతోంది. ఇప్ప‌టి వ‌ర‌కూ వెలువ‌డిన ఫ‌లితాల్లో విజ‌య్ స్థాపించిన టీవీకే (TVK) పార్టీ ఏకంగా 106 స్థానాల్లో ఆధిక్యంలో దూసుకెళ్తోంది. దీంతో పార్టీ కార్య‌క‌ర్త‌ల్లో ఉత్సాహం రెట్టింపైంది. ఇప్ప‌టికే విజ‌య్ ఇంటి వ‌ద్ద సంద‌డి వాతావ‌ర‌ణం నెల‌కొంది. ఇక ఈ ఎన్నిక‌ల్లో టీవీకే పార్టీ.. బీజేపీతో పొత్తు పెట్టుకునే అవ‌కాశం ఉంద‌ని ప్ర‌చారం జ‌రుగుతోంది. ఆ ప్ర‌చారం నేప‌థ్యంలో టీవీకే కీల‌క ప్ర‌క‌ట‌న చేసింది. రాష్ట్రంలో తాము సొంతంగానే ప్ర‌భుత్వాన్ని ఏర్పాటు చేస్తామ‌ని స్ప‌ష్టం చేసింది. ఈ మేర‌కు ఆ పార్టీ జాతీయ అధికార ప్ర‌తినిధి ఫెలిక్స్ గెరాల్డ్ (Felix Gerald) వెల్ల‌డించారు.

ఎన్నిక‌ల ఫ‌లితాల నేప‌థ్యంలో ఆయ‌న మీడియా ప్ర‌తినిధుల‌తో మాట్లాడారు. త‌మిళ‌నాడు ప్ర‌జ‌లు స్ప‌ష్ట‌మైన తీర్పు ఇచ్చార‌ని తెలిపారు. డీఎంకే శ‌కం ముగింద‌న్నారు. ద్రావిడ పార్టీల‌తో (డీఎంకే, ఏఐఏడీఎంకే) ప్ర‌జ‌లు విసిగిపోయారని.. అందుకే మార్పు కోరుకున్నార‌ని చెప్పుకొచ్చారు. రాష్ట్రంలో తామే సొంతంగా ప్ర‌భుత్వాన్ని ఏర్పాటు చేస్తామ‌ని స్ప‌ష్టం చేశారు. ఇందులో ఎలాంటి అనుమానం లేద‌ని వ్యాఖ్యానించారు. యువ‌త‌, మ‌హిళ‌లు త‌మ పార్టీకి మ‌ద్ద‌తుగా నిలిచార‌న్నారు. "ప్ర‌జ‌లు విజ‌య్‌పై న‌మ్మ‌కం ఉంచారు. అందుకే ఈరోజు అతిపెద్ద పార్టీగా టీవీకే అవ‌త‌రించింది. దోపిడీ, అవినీతి, బంధుప్రీతి, కుటుంబ రాజ‌కీయాల‌కు ప్ర‌జ‌లు ఫుల్‌స్టాప్ పెట్టారు" అని ఆయ‌న తెలిపారు. ఈ ఎన్నిక‌ల్లో టీవీకేకి అండ‌గా నిలిచిన‌ వారంద‌రికీ ఈ సంద‌ర్భంగా కృత‌జ్ఞ‌త‌లు తెలిపారు.

Also Read..

త‌మిళ‌నాట విజిల్ మోత‌.. ఆ గ్యారంటీలే టీవీకేకి క‌లిసొచ్చాయా..?

సిల్వ‌ర్ స్క్రీన్ టూ సీఎం సీట్ - రాజ‌కీయాల్లో చ‌క్రం తిప్పిన టాప్ స్టార్లు వీళ్లే

త్రిష బ‌ర్త్‌డే ట్రీట్ - విశ్వంభ‌ర నుంచి స్పెష‌ల్ పోస్ట‌ర్ రిలీజ్‌