TVK Chief Vijay | త‌ల‌వంచేదే లేదు.. త‌మిళ ఓట‌ర్ల‌కు టీవీకే చీఫ్ విజ‌య్ బ‌హిరంగ లేఖ‌

TVK Chief Vijay | త‌మిళ‌నాడు అసెంబ్లీ ఎన్నిక‌ల‌కు (Tamilanadu Assembly Election) స‌మ‌యం ద‌గ్గ‌ర‌ప‌డుతోంది. ఎన్నిక‌ల ప్ర‌చారం కూడా చివ‌రి ద‌శ‌కు చేరుకుంది. ఈ నేప‌థ్యంలో టీవీకే చీఫ్ విజ‌య్ (TVK Chief Vijay) తమిళ ప్రజలకు (Voters) భావోద్వేగంతో కూడిన‌ బహిరంగ లేఖ రాశారు. రాజకీయాల్లోకి వచ్చినప్పటి నుంచి తనను ఎన్నో శక్తులు అడ్డుకోవాలని చూశాయని అందులో పేర్కొన్నారు. కానీ తాను ఎవరికీ తలవంచే ప్రసక్తే లేదని లేఖలో ఆయన స్పష్టం చేశారు. త‌న పార్టీ ఈల (Whistle) గుర్తుకు మ‌ద్ద‌తు ఇవ్వాల‌ని ఈ సంద‌ర్భంగా ప్ర‌జ‌ల‌ను కోరారు.

డీఎంకే, బీజేపీ పార్టీలు తనను తీవ్ర‌ ఇబ్బందులకు గురిచేస్తున్నాయని విజ‌య్‌ ఆరోపించారు. తాను ఎలాంటి ఒత్తిళ్లు, అధికారానికి లొంగ‌బోన‌ని స్ప‌ష్టం చేశారు. ప్రజల సంక్షేమమే తన లక్ష్యమని విజయ్ పేర్కొన్నారు. ఈ ఎన్నిక‌ల్లో ఓట‌ర్లే ఆ పార్టీల‌కు త‌గిన బుద్ధి చెబుతార‌ని విశ్వాసం వ్య‌క్తం చేశారు. యువ‌త‌, మ‌హిళ‌ల అండ ఉన్న త‌మ పార్టీని ఏ శ‌క్తీ క‌దిలించ‌లేద‌ని వ్యాఖ్యానించారు. త‌న పార్టీ కేవలం రాజకీయ విభాగం కాదని పేర్కొన్నారు. చిత్తశుద్ధి కలిగిన నిప్పుకణికగా అభివ‌ర్ణించారు. ఏప్రిల్ 23న జరగనున్న ఎన్నికల్లో కుటుంబ సమేతంగా వచ్చి 'విజిల్' గుర్తుకు ఓటు వేయాలని, మార్పు కోసం పోరాడాలని పిలుపునిచ్చారు.

Also Read..

రేవంత్ రెడ్డి ఇప్ప‌టికే బీజేపీలో చేరాడు.. రాయ‌బారిగా చంద్ర‌బాబు

25న కొత్త రాజకీయ శక్తిగా వస్తున్నాం: క‌విత‌

రేవంత్ రెడ్డి యాక్సిడెంట‌ల్‌ ముఖ్య‌మంత్రి : గండ్ర వెంక‌ట ర‌మ‌ణారెడ్డి