MK Stalin | షాకింగ్‌.. సీఎం ఎంకే స్టాలిన్ ఓట‌మి

MK Stalin | త‌మిళ‌నాడు అసెంబ్లీ ఎన్నిక‌ల ఫ‌లితాల్లో అనూహ్య ప‌రిణామం చోటు చేసుకుంది. కొళత్తూరు (Kolathur) అసెంబ్లీ నియోజ‌క‌వ‌ర్గంలో డీఎంకే చీఫ్‌, త‌మిళ‌నాడు ముఖ్య‌మంత్రి ఎంకే స్టాలిన్ (MK Stalin) ఓడిపోయారు. టీవీకే అభ్యర్థి వీఎస్ బాబు చేతిలో ఘోర పరాజయం పాల‌య్యారు. దాదాపు 7వేల‌కుపైగా ఓట్ల తేడాతో ఓడిపోయారు. సీఎం ఓట‌మి ఆ పార్టీకి గ‌ట్టి ఎదురుదెబ్బే అని చెప్పాలి. మ‌రోవైపు చెపాక్‌లో డిప్యూటీ సీఎం ఉద‌నిధి స్టాలిన్ లీడింగ్‌లోకి వ‌చ్చారు.

కొళ‌త్తూరు నియోజ‌క‌వ‌ర్గం డీఎంకేకి కంచుకోట‌. 2011 నుంచి ఎంకే స్టాలిన్ ఇక్క‌డి నుంచే పోటీ చేసి గెలుపొందుతున్నారు. 2021 అసెంబ్లీ ఎన్నిక‌ల్లో ఏఐఏడీఎంకే అభ్యర్థి ఆది రాజారాంపై ఎంకే స్టాలిన్ 70,384 ఓట్ల మెజారిటీతో విజ‌యం సాధించారు. అయితే, ప్ర‌స్తుతం ఇక్క‌డ స్టాలిన్ ఓటమిపాల‌వ‌డం పార్టీ వ‌ర్గాల్లో ఆందోళ‌న వ్య‌క్త‌మ‌వుతోంది.

మ‌రోవైపు ఈ ఎన్నిక‌ల్లో విజ‌య్ టీవీకే పార్టీ దూసుకెళ్తోంది. 234 స్థానాల‌కు గానూ 105 స్థానాల్లో ఆధిక్యంలో కొన‌సాగుతోంది. రెండు స్థానాల్లో విజ‌యం సాధించింది. విజ‌య్ తాను పోటీ చేసిన రెండు నియోజ‌క‌వ‌ర్గాల్లోనూ ముందంజ‌లో ఉన్నారు.

Also Read..

విజ‌య్ ఎంట్రీతో కొత్త మ‌లుపుతిరిగిన త‌మిళ రాజ‌కీయాలు.. పెద్ద పార్టీల ప‌రిస్థితి ఏంటి..?

సినీ రంగం నుంచి టీవీకే వ‌ర‌కు.. విజ‌య్ త‌ళ‌ప‌తి ప్ర‌స్థానం..!

16 ఏళ్ల‌కే మిస్ చెన్నై... ఎంగేజ్‌మెంట్ క్యాన్సిల్‌...త్రిష కెరీర్ గురించిన ఆస‌క్తిక‌ర విష‌యాలు ఇవే...