Supreme Court | సంక్షేమ పథకాల అమలుకు కులగణన తప్పనిసరి : సుప్రీంకోర్టు

Supreme Court | జనగణనలో కులాల (Caste Census) లెక్కింపునకు వ్య‌తిరేకంగా దాఖలైన ప్ర‌జాప్ర‌యోజ‌న వ్యాజ్యాన్ని సుప్రీంకోర్టు (Supreme Court) కొట్టేసింది. కుల‌గ‌ణ‌న‌కు సీజేఐ జస్టిస్ సూర్యకాంత్ నేతృత్వంలోని త్రిస‌భ ధర్మాసనం అనుమతి ఇచ్చింది. సంక్షేమ పథకాల అమలుకు కులగణన తప్పనిసరని తెలిపింది. కుల గణన ప్రభుత్వ విధానపరమైన నిర్ణయమని చెప్పింది. ఈ అంశంలో కోర్టుల జోక్యం ఉండదని స్పష్టం చేసింది. వెనుకబడిన కులాల జనాభా ఎంత ఉందో కేంద్రప్రభుత్వం తెలుసుకోవాలని ఆదేశించింది.

"అధికారంలో ఉన్న ఏ ప్రభుత్వానికైనా వెనుకబడిన కులాల జనాభా ఎంత ఉంది.. ఎంతమందికి సంక్షేమ పథకాలు అవసరం అనే విషయాలు తప్పనిసరిగా తెలియాలి. ఇది విధానపరమైన నిర్ణయం. ఈ అంశంలో మా జోక్యం ఉండదు" అని ధర్మాసనం స్ప‌ష్టం చేసింది. ఈ మేర‌కు జనగణన సందర్భంగా ఏజెన్సీలు కులగణనను దుర్వినియోగం చేసే అవకాశం ఉందంటూ.. దాఖ‌లైన పిటిష‌న్‌ను సుప్రీం ధర్మాసనం కొట్టివేసింది.

Also Read..

టెట్రా ప్యాక్‌లు, సాచెట్లలో మద్యం అమ్మకాలు.. కేంద్రానికి సుప్రీంకోర్టు నోటీసులు

జనగణనలో కులగణన.. సుప్రీంకోర్టు తీర్పును స్వాగతిస్తున్నాం: పీసీసీ చీఫ్ 

ఇరాన్‌పై యుద్ధం.. ట్రంప్‌ దూకుడుకు అమెరికా సెనేట్‌ బ్రేక్