Siddaramaiah | నా కుమారుడికి కీల‌క మంత్రిత్వ శాఖ‌ను కేటాయించండి.. హైక‌మాండ్‌ను కోరిన సిద్ధ‌రామ‌య్య‌

Siddaramaiah | ముఖ్య‌మంత్రి (Karnataka Chief Minister) ప‌ద‌వికి సిద్ధ‌రామ‌య్య (Siddaramaiah) గురువారం రాజీనామా చేసిన విష‌యం తెలిసిందే. అనంత‌రం ఆయ‌న ఢిల్లీ వెళ్లారు. ఈ నేప‌థ్యంలో నేడు కాంగ్రెస్ పెద్ద‌ల‌ను క‌లిశారు. కాంగ్రెస్ చీఫ్ మ‌ల్లికార్జున ఖ‌ర్గే, రాహుల్ గాంధీ (Rahul Gandhi)తో భేటీ అయ్యారు. ఈ సంద‌ర్భంగా ప‌లు డిమాండ్ల‌ను అధిష్టానం ముందు ఉంచిన‌ట్లు తెలిసింది.

రాజ్య‌స‌భ‌, ఎమ్మెల్సీ నియామ‌కాల‌కు సంబంధించిన జాబితాతోపాటూ డీకే (DK Shivakumar) నేతృత్వంలో ఏర్ప‌డ‌బోయే కేబినెట్‌లో త‌న కుమారుడు య‌తీంద్ర‌కు (Yathindra) కీల‌క‌మైన శాఖ‌ల‌ను కేటాయించాల‌ని సిద్ధ‌రామ‌య్య హైక‌మాండ్‌ను కోరిన‌ట్లు సంబంధిత వ‌ర్గాల ద్వారా తెలిసింది. య‌తీంద్ర‌కు వైద్య విద్య‌, సంక్షేమ శాఖ‌, ప‌రిశ్ర‌లు లేదా నీటి వ‌న‌రులు వంటి కీల‌క శాఖ‌ల‌ను కేటాయించాల‌ని విజ్ఞ‌ప్తి చేసిన‌ట్లు స‌ద‌రు వ‌ర్గాలు తెలిపాయి. సిద్ధూ విజ్ఞ‌ప్తికి హైక‌మాండ్ కూడా సానుకూలంగా స్పందించిన‌ట్లుగా తెలిసింది.

ఇదిలా ఉండ‌గా.. సిద్ధరామయ్య (Siddaramaiah) రాజీనామాను గవర్నర్‌ థావర్‌చంద్‌ గహ్లోత్ (Thawar Chand Gehlot) ఆమోదించారు. పార్టీ అధిష్టానం ఆదేశాల‌తో గురువారం త‌న ముఖ్య‌మంత్రి ప‌ద‌వికి సిద్ధ‌రామ‌య్య రాజీనామా చేసిన విషయం తెలిసిందే. అయితే గవర్నర్‌ మధ్యప్రదేశ్ ప‌ర్య‌ట‌న‌లో ఉండటంతో లోక్‌భవన్‌కు వెళ్లిన ఆయ‌న గవర్నర్‌ ప్రత్యేక కార్యదర్శి ప్రభుశంకర్‌కు రాజీనామా పత్రం సమర్పించారు. అర్ధరాత్రి బెంగళూరు చేరుకున్న గవర్నర్‌ థావర్‌చంద్‌ గహ్లోత్‌ శుక్రవారం ఉదయం రాజీనామాను ఆమోదించారు. కొత్త ప్ర‌భుత్వం ఏర్ప‌డే వ‌ర‌కు ఆప‌ధ‌ర్మ ముఖ్య‌మంత్రిగా కొన‌సాగాల‌ని కోరారు.

Also Read..

చాలా ప్ర‌త్యేకం.. సీఎం విజ‌య్‌తో ఎయిర్ హోస్టెస్ ఫొటో వైర‌ల్‌

ఎల్ఈడీ బ‌ల్బును మింగేసిన చిన్నారి.. ఎలా బ‌య‌ట‌కు తీశారంటే..?

న్యాయ‌వాది ఖాజా మొహిజుద్దీన్ హ‌త్య కేసు.. ఐదుగురు నిందితుల అరెస్టు