AIADMK | ఏఐఏడీఎంకేలో చీలిక‌.. టీవీకేవైపు 35 మంది ఎమ్మెల్యేల మొగ్గు

AIADMK | త‌మిళ‌నాడులో రాజ‌కీయాలు వేగంగా మారుతున్నాయి. విజ‌య్ నేతృత్వంలోని టీవీకేతో పొత్తు విష‌యంలో ఏఐఏడీఎంకే (AIADMK)లో చీలిక‌ మొద‌లైన‌ట్లు తెలుస్తోంది. మూడింట రెండొంతుల మందికిపైగా పార్టీ ఎమ్మెల్యేలు టీవీకే వైపు మొగ్గుచూపుతున్న‌ట్లు తెలిసింది.

సుమారు 35 మంది ఎమ్మెల్యేలు చెన్నైలోని ఏఐఏడీఎంకే నేత సీవీ ష‌ణ్ముగం (CV Shanmugam) కార్యాల‌యానికి చేరుకున్నారు. వారంతా టీవీకేవైపు మొగ్గు చూపిన‌ట్లు తెలుస్తోంది. ష‌ణ్ముగంతో క‌లిసి విజ‌య్‌తో పొత్తుకు పావులు క‌దుపుతున్న‌ట్లు స‌మాచారం. టీవీకేతో పొత్తుపై ఆలోచించాల‌ని AIADMK ప్రధాన కార్యదర్శి ఎడప్పాడి కె. పళనిస్వామిని కోరినట్లు సమాచారం. కాగా, తాజా ఎన్నిక‌ల్లో ఏఐఏడీఎంకే 47 చోట్ల గెలుపొందిన విష‌యం తెలిసిందే.

ఇదిలా ఉండ‌గా.. విజ‌య్‌కి ఇప్ప‌టికే ఐదుగురు కాంగ్రెస్ ఎమ్మెల్యేల మ‌ద్ద‌తు ల‌భించింది. ఇప్పుడు ఏఐఏడీఎంకే ఎమ్మెల్యేలు కూడా విజ‌య్ టీవీకేవైపు మొగ్గు చూపుతుండ‌టంతో.. ప్ర‌భుత్వ ఏర్పాటుకు అవ‌స‌ర‌మైన మ్యాజిక్ ఫిగ‌ర్‌ను అందుకోవ‌డం ఆ పార్టీకి మ‌రింత సుల‌భ‌త‌రం కానుంది.

Also Read..

విజ‌య్‌కి కాంగ్రెస్ మ‌ద్ద‌తు.. కండిష‌న్స్ అప్లై..!

శాంతి ఒప్పందం దిశ‌గా అమెరికా, ఇరాన్‌.. పాజిటివ్‌గా ట్రేడ‌వుతున్న స్టాక్ మార్కెట్లు..

వ‌య‌స్సును త‌ప్పుగా ఎంట‌ర్ చేసి సోష‌ల్ మీడియా వాడితే ఇక కుద‌ర‌దు.. చిన్నారులు, టీనేజ‌ర్ల‌ను ఇట్టే గుర్తిస్తుంది..