PM Modi Convoy | రెండు కార్ల కాన్వాయ్‌తోనే ప్ర‌ధాని మోదీ ప్ర‌యాణం.. వాటి ప్ర‌త్యేక‌త‌లు తెలుసా..?

PM Modi Convoy | ఇంధన పొదుపు (Energy Crisis) చర్యల్లో భాగంగా ప్రధాన మంత్రి నరేంద్ర మోదీ కాన్వాయ్​ (PM Modi Convoy)లో భారీ మార్పులు చోటు చేసుకున్న విష‌యం తెలిసిందే. ఆయ‌న కాన్వాయ్‌లోని వాహ‌నాల సంఖ్య భారీగా త‌గ్గింది. నిత్యం అత్యంత భ‌ద్ర‌త న‌డుమ 20 కార్ల కాన్వాయ్‌తో వెళ్లే ప్ర‌ధాని.. తొలిసారిగా కేవ‌లం రెండంటే రెండే కార్ల కాన్వాయ్‌తో ఢిల్లీలో ప్ర‌యాణించారు. దీంతో ప్ర‌ధాని కాన్వాయ్‌లోని ఆ రెండు కార్ల గురించి ఇప్పుడు నెట్టింట తీవ్రంగా చ‌ర్చ జ‌రుగుతోంది.

రేంజ్ రోవ‌ర్ సెంటిన‌ల్‌..

రెండు కార్ల‌ల్లో ఒక‌టి రేంజ్ రోవ‌ర్ సెంటిన‌ల్‌ (Range Rover Sentinel). ఈ కారు చాలా ప్ర‌త్యేకమైన‌ది. అత్యంత సుర‌క్షిత‌మైన కారు. టాటా మోటార్స్ యాజమాన్యంలోని అనుబంధ సంస్థ అయిన ‘ల్యాండ్ రోవర్’ దీన్ని ప్ర‌త్యేకంగా త‌యారు చేసింది. ల్యాండ్ రోవ‌ర్ స్పెష‌ల్‌ వెహిక‌ల్ ఆప‌రేష‌న్స్ విభాగం (SVO) త‌యారు చేసిన ప్ర‌త్యేక ఆర్మర్డ్ SUV (Armoured) వాహ‌నం ఇది. కారు బాడీని ఎలాంటి దాడుల నుంచైనా రక్షణ కల్పించేందుకు వీలుగా కఠినమైన పదార్థంతో, బలంగా రూపొందించారు.

ఈ కారుకు VR-8 స్థాయి బాలిస్టిక్ సర్టిఫికేషన్ కూడా ఉంది. 7.62mm ఆర్మోర్-పియర్సింగ్ బుల్లెట్లను, 15 కేజీల టీఎన్‌టీ పేలుళ్లను కూడా తట్టుకోగలదు. పైనుంచి లేదా కింద నుంచి గ్రేనేడ్ దాడుల‌ను త‌ట్టుకునే రీతిలో ఈ కారును డిజైన్ చేశారు. డిఫెన్స్ కేపబిలిటీతో పాటు అగ్ని ప్ర‌మాదం నివారించే టెక్నాల‌జీ కూడా దీంట్లో ఉంది. స్మోక్ లేదా గ్యాస్ అటాక్స్ నుంచి ర‌క్షించేందుకు ఆక్సిజ‌న్ స‌ర‌ఫ‌రా కూడా ఉంటుంది. సంక్షోభ స‌మ‌యంలో క‌మ్యూనికేష‌న్ చేసుకునే రీతిలో ఈ కారు నిర్మాణం ఉంది. ఈ కారు ధ‌ర సుమారు రూ.10 కోట్ల‌కుపైనే ఉంటుంద‌ని అంచ‌నా. 10.4 సెకన్లలో 100 కి.మీ. వేగాన్ని అందుకుంటుంది. మోదీ తరచుగా తన అధికారిక పర్యటనలు, ర్యాలీలు, గణతంత్ర దినోత్సవం వంటి ప్రత్యేక కార్యక్రమాల కోసం ఈ కారునే ఉపయోగిస్తారు. సాధార‌ణ రోజుల్లో ఈ కారు ప్ర‌ధాని కాన్వాయ్‌లో కూడా ఉంటుంది.

టొయోటా ఫార్చూన‌ర్‌

మోదీ కాన్వాయ్‌లో ఉన్న మ‌రో కారు టొయోటా ఫార్చూన‌ర్ (Toyota Fortuner). జ‌పాన్‌కు చెందిన ఈ ఎస్‌యూవీకి ఆటోమొబైల్ ప్రపంచంలో ప్ర‌త్యేక గుర్తింపు ఉంది. భార‌తీయ మార్కెట్‌లో ప్ర‌సిద్ధి చెందిన మోడ‌ళ్ల‌లో ఒక‌టైన ఈ ఎస్‌యూవీ కూడా ప్ర‌ధాని కాన్వాయ్‌లో భాగంగా ఉంది. ప్ర‌ధాని భ‌ద్ర‌త‌ను దృష్టిలో ఉంచుకుని .. ఈ కారును ప్ర‌త్యేకంగా భ‌ద్ర‌తా ప్ర‌మాణాల‌తో మ‌రింత పటిష్టం చేశారు. ఇండియ‌న్ మార్కెట్లో రెండు ఇంజిన్ల ఆప్ష‌న్‌తో దీన్ని విక్ర‌యిస్తున్నారు.

పెట్రోల్ వెర్ష‌న్‌ 2.7 లీట‌ర్ల ఇంజిన్‌తో ఉంది. ఇది 166 హార్స్‌ప‌వ‌ర్‌ను ఇస్తుంది. ఇది కేవ‌లం ఆటోమోటిక్ గేర్‌బాక్స్‌తో మాత్రమే వస్తుంది. ఇక డీజిల్ వేరియంట్‌కు 2.8 లీట‌ర్ల ఇంజిన్ ఉంటుంది. దీని కెపాసిటీ 204 హార్స్‌ప‌వ‌ర్‌. ఇది మాన్యువ‌ల్ లేదా ఆటోమెటిక్ వ‌ర్ష‌న్‌లో రెండింటిలోనూ అందుబాటులో ఉంది. అయితే, ఫోర్-వీల్ డ్రైవ్ (4WD) సదుపాయం మాత్రం కేవ‌లం డీజిల్ వేరియంట్ల‌లో మాత్ర‌మే అభిస్తుంది.

Also Read..

రేప‌టి నుంచే సీపీగెట్ ద‌ర‌ఖాస్తులు.. జూన్ 10 వ‌ర‌కు చాన్స్‌

పెట్టుబ‌డిదారులకు కాసుల వ‌ర్షం కురిపించిన పెన్నీ స్టాక్స్‌.. వేలు పెట్టి ఉంటే ఇప్పుడు కోట్లు వ‌చ్చి ఉండేవి..

ట్యాంక‌ర్‌ను ఢీ కొట్ట‌డంతో బ‌స్సుకు మంట‌లు.. న‌లుగురు స‌జీవద‌హ‌నం