Supreme Court | సుప్రీంకోర్టులో హిందీని అధికారిక భాష‌గా చేయండి

Supreme Court | త్రినేత్ర న్యూస్ : సుప్రీంకోర్టు (Supreme Court)లో కార్యకలాపాల నిర్వహణకు హిందీని అధికారిక భాషగా ఉపయోగించే అంశాన్ని పరిశీలించేందుకు ప్రత్యేక కమిటీని ఏర్పాటు చేసేలా కేంద్రాన్ని ఆదేశించాలంటూ దాఖలైన ప్రజా ప్రయోజన వ్యాజ్యాన్ని సర్వోన్నత న్యాయస్థానం తిరస్కరించింది. బ్రహ్మేశ్వర్ నాథ్ మిశ్రా అనే వ్యక్తి దాఖ‌లు చేసిన ఈ పిటిష‌న్‌పై ప్ర‌ధాన న్యాయ‌మూర్తి జ‌స్టిస్ సూర్య‌కాంత్‌ (CJI Surya Kant), జ‌స్టిస్ జాయ్‌మాల్య బాగ్చి, జ‌స్టిస్ వి.మోహ‌నాల‌తో కూడిన త్రిస‌భ్య ధ‌ర్మాస‌నం విచారించింది.

ఈ సంద‌ర్భంగా కీల‌క వ్యాఖ్య‌లు చేసింది. రాజ్యాంగంలోని ఆర్టికల్ 348 ప్రకారం సుప్రీంకోర్టు, హైకోర్టుల్లోని వాదనలు, తీర్పులన్నీ ప్రధానంగా ఆంగ్ల భాషలోనే కొనసాగాలని స్పష్టమైన మార్గదర్శకాలు ఉన్నాయని సీజేఐ ధ‌ర్మాస‌నం స్పష్టం చేసింది. కోర్టు భాషకు సంబంధించిన మార్పులు న్యాయపరమైన ఆదేశాల ద్వారా సాధ్యం కావని, దీనికి రాజ్యాంగ సవరణ అవసరమని ధర్మాసనం స్పష్టం చేసింది. అయినప్పటికీ, సామాన్య ప్రజలకు న్యాయాన్ని మరింత చేరువ చేసేందుకు సుప్రీంకోర్టు పరిపాలనా విభాగం ద్వారా క్రమంగా సంస్కరణలు ప్రవేశపెడుతోంద‌ని వివ‌రించింది. సుప్రీంకోర్టులో ప్ర‌స్తుతం అన్ని తీర్పుల వివ‌రాల‌ను హిందీలోనూ ఇస్తున్న‌ట్లు పేర్కొంది. త్వ‌ర‌లోనే ఇత‌ర ప్రాంతీయ భాష‌ల్లోనూ ఈ తీర్పుల వివరాలను అందుబాటులోకి తీసుకువస్తామని సీజేఐ వివ‌రించారు. దేశంలోని భాషా సంస్కృతిని కాపాడుతూ.. ప్రాంతీయ భాషలను గౌరవిస్తామని స్ప‌ష్టం చేశారు.

Also Read..

లైంగిక వేధింపుల కేసు..బ్రిజ్ భూషణ్‌ను నిర్దోషిగా విడుదల చేయడాన్ని ఢిల్లీ కోర్టులో స‌వాల్ చేసిన మ‌హిళా రెజ్లర్లు

జ్ఞానేశ్‌ కుమార్‌ను వెంటనే సీఈసీ పదవి నుంచి తొలగించాలి

కోహినూర్ గేటెడ్ క‌మ్యూనిటీలో రికార్డు ధ‌ర ప‌లికిన వినాయ‌క ల‌డ్డూ.. ఎంతంటే..