NEET UG 2026 | పేప‌ర్ లీక్ క‌ల‌క‌లం.. నీట్ ప‌రీక్ష ర‌ద్దు చేస్తూ ఎన్టీయే కీల‌క ప్ర‌క‌ట‌న‌

NEET UG 2026 | వైద్య‌విద్య కోర్సుల్లో ప్ర‌వేశాల కోసం నిర్వ‌హించిన జాతీయ అర్హ‌త ప‌రీక్ష నీట్ యూజీ 2026 (NEET UG 2026)కు సంబంధించి పేప‌ర్ లీకైన‌ట్లు (NEET Paper Leak) ఆరోప‌ణ‌లు వ‌చ్చిన విష‌యం తెలిసిందే. ఈ ఆరోప‌ణ‌ల నేప‌థ్యంలో నేష‌న‌ల్ టెస్టింగ్ ఏజెన్సీ (NTA) తాజాగా కీల‌క నిర్ణ‌యం తీసుకుంది.

దేశ‌వ్యాప్తంగా మే 3న‌ జ‌రిగిన ఈ ప‌రీక్ష‌ను ర‌ద్దు చేస్తున్న‌ట్లు ప్ర‌క‌టించింది. త్వ‌ర‌లో ప‌రీక్ష‌కు సంబంధించిన కొత్త తేదీల‌ను ప్ర‌క‌టించ‌నున్న‌ట్లు వెల్ల‌డించింది. అభ్య‌ర్థులు మ‌ళ్లీ కొత్త‌గా రిజిస్ట్రేష‌న్ చేసుకోవాల్సిన అవ‌స‌రం లేద‌ని ఎన్టీఏ తెలిపింది. అద‌న‌పు ప‌రీక్షా రుసుము కూడా చెల్లించాల్సిన ప‌ని లేద‌ని స్ప‌ష్టం చేసింది. పాత రిజిస్ట్రేష‌న్ డేటా, పరీక్షా కేంద్రాల‌నే ప‌రిగ‌ణ‌న‌లోకి తీసుకుంటామ‌ని తెలిపింది. అంతేకాదు, ఇప్ప‌టికే చెల్లించిన ఫీజును కూడా విద్యార్థుల‌కు రీఫండ్ చేయనున్నట్లు ఎన్టీయే ప్ర‌క‌టించింది. మ‌రోవైపు పేప‌ర్ లీక్ వ్య‌వ‌హారంపై కేంద్ర ప్ర‌భుత్వం సీబీఐ విచార‌ణ‌కు (CBI Investigation) ఆదేశించింది.

Also Read..

అస్సాం సీఎంగా హిమంత బిశ్వశ‌ర్మ ప్ర‌మాణం.. తొలి కాంగ్రెసేతర నాయకుడిగా రికార్డు

స‌నాత‌నధ‌ర్మాన్ని నిర్మూలించాలి : ఉద‌య‌నిధి స్టాలిన్

పెట్రోల్ బంకులో భారీ అగ్నిప్ర‌మాదం.. 12 మందికి గాయాలు.. కాలిబూడిదైన ద్విచ‌క్ర వాహ‌నాలు