Mamata Banerjee | మ‌రోసారి లాయ‌ర్ అవ‌తార‌మెత్తిన మ‌మ‌తా బెన‌ర్జీ.. కేసు వాదించేందుకు న‌ల్ల‌కోటు ధ‌రించి కోర్టుకు వెళ్లిన దీదీ

Mamata Banerjee | తృణ‌మూల్ కాంగ్రెస్ (TMC) అధినేత్రి, ప‌శ్చిమ బెంగాల్ (West Bengal) మాజీ ముఖ్య‌మంత్రి మ‌మ‌తా బెన‌ర్జీ (Mamata Banerjee) మ‌రోసారి లాయ‌ర్ అవ‌తార‌మెత్తారు. న‌ల్ల‌కోటు ధ‌రించి (lawyer gown) ఇవాళ క‌ల‌క‌త్తా కోర్టుకు (Calcutta High Court) వ‌చ్చారు. రాష్ట్రంలో అసెంబ్లీ ఎన్నిక‌ల అనంత‌రం జ‌రిగిన హింసాత్మ‌క ఘ‌ట‌న‌ల‌పై దాఖ‌లైన పిటిష‌న్‌పై వాద‌న‌లు వినిపించేందుకు ఆమె లాయ‌ర్ అవ‌తార‌మెత్తారు. హింసాత్మ‌క ఘ‌ర్ష‌ణ‌ల‌పై త‌న పార్టీ సీనియ‌ర్ నేత‌, న్యాయ‌వాది క‌ల్యాణ్ బందోపాధ్యాయ్ కుమారుడు హైకోర్టులో ప్ర‌జాప్ర‌యోజ‌న వాజ్యం దాఖ‌లు చేశారు. పిటిష‌న‌ర్ త‌ర‌ఫున వాద‌న‌లు వినిపించేందుకు దీదీ న‌ల్ల కోటు ధ‌రించి కోర్టుకు హాజ‌ర‌య్యారు.

కాగా, మ‌మ‌త వృత్తిరీత్యా న్యాయ‌వాది. అయితే, ప్ర‌జా సేవ‌లో ఉండ‌టంతో ఆమె గ‌తంలో ఎప్పుడూ లాయ‌ర్ కోటు ధ‌రించ‌లేదు. ఈ ఏడాది ఫిబ్ర‌వ‌రిలో తొలిసారి కేంద్ర ఎన్నికల సంఘం (ECI) చేపట్టిన స్పెషల్ ఇంటెన్సివ్‌ రివిజన్‌ (SIR) ను వ్యతిరేకిస్తూ సుప్రీంకోర్టులో వాదనలు వినిపించారు. ఆ త‌ర్వాత ఇప్పుడు సీఎం ప‌ద‌వి నుంచి దిగిపోయిన దీదీ మ‌ళ్లీ న‌ల్ల‌కోటు ధ‌రించి కోర్టుకు హాజ‌ర‌య్యారు.

Also Read..

యువ‌త కోసం ఎలాంటి రాజీలేని న‌వ కేర‌ళంను నిర్మిస్తాం : సీఎం వీడీ స‌తీశ‌న్‌

రెండు కార్ల కాన్వాయ్‌తోనే ప్ర‌ధాని మోదీ ప్ర‌యాణం.. వాటి ప్ర‌త్యేక‌త‌లు తెలుసా..?

ట్యాంక‌ర్‌ను ఢీ కొట్ట‌డంతో బ‌స్సుకు మంట‌లు.. న‌లుగురు స‌జీవద‌హ‌నం