VD Satheesan | యువ‌త కోసం ఎలాంటి రాజీలేని న‌వ కేర‌ళంను నిర్మిస్తాం : సీఎం వీడీ స‌తీశ‌న్‌

VD Satheesan | యువ‌త కోసం ఎలాంటి రాజీలేని న‌వ కేర‌ళంను నిర్మిస్తామ‌ని, ప్ర‌జ‌ల‌కు సుప‌రిపాల‌న అందిస్తామ‌ని కేరళం నూత‌న‌ ముఖ్యమంత్రిగా నియమితులైన వీడీ సతీశన్ (VD Satheesan) హామీ ఇచ్చారు. శాసనసభాపక్ష నేతగా ఎన్నికైన తర్వాత మీడియాతో ఆయ‌న మాట్లాడారు. "ఒక నవ శకం ప్రారంభం కానుంది. నవ కేరళం ఆవిర్భవించబోతోంది. రాష్ట్ర‌ ఆర్థిక పరిస్థితి ప్రస్తుతం బలహీనంగా ఉంది. ఈ విషయం మ‌నంద‌రికీ తెలుసు. ముందుగా ఆర్థిక వ్యవస్థను గాడిలో పెట్టాలి. రాష్ట్రంలో అస్తవ్యస్తంగా ఉన్న ప్రతిదాన్ని మార్చగలమన్న న‌మ్మ‌కం నాకు ఉంది" అని ఆయన అన్నారు. తనకు ఈ అవకాశం కల్పించిన కాంగ్రెస్ అధ్యక్షుడు మల్లికార్జున‌ ఖర్గే, లోక్‌సభలో ప్ర‌ధాన‌ ప్రతిపక్ష నేత రాహుల్ గాంధీ, ప్రియాంక గాంధీ, ఇత‌ర పార్టీ నాయ‌క‌త్వానికి ఆయ‌న ప్ర‌త్యేకంగా కృత‌జ్ఞ‌త‌లు తెలిపారు.

రాష్ట్ర అత్యున్నత పదవి కోసం కాంగ్రెస్ ప్రధాన కార్యదర్శి కేసీ వేణుగోపాల్, సీనియర్ నేత రమేష్ చెన్నితల కూడా రేసులో ఉన్న సంగతి తెలిసిందే. వారిని కాద‌ని త‌న‌కు ఈ ప‌ద‌వి వ‌రించ‌డంపై కూడా స‌తీశ‌న్ స్పందించారు. సీఎం ప‌ద‌వి కోసం పోటీలో నిలిచిన పార్టీ జనరల్‌ సెక్రెటరీ కేసీ వేణుగోపాల్, రమేష్ చెన్నితలను క‌లుపుకుని ముందుకు వెళ్తానని చెప్పారు. "ఈ విజయం నా ఒక్కడిది కాదు. అందరి సమిష్టి కృషి ఫ‌లితం. పార్టీ విజ‌యం కోసం సీనియ‌ర్ నేత‌లు ఎంతో కృషి చేశారు. ఈ విజ‌యంలో కేసీ వేణుగోపాల్‌, పార్టీ ఎన్నికల ప్రచార కమిటీ ఛైర్మన్ రమేశ్‌ చెన్నిత‌ల కృషి ఎంతో ఉంది. వాళ్లిద్ద‌రూ నా నాయ‌కులు. నాకంటే వారు చాలా సీనియ‌ర్లు. కానీ పార్టీ నాకు బాధ్య‌త‌లు అప్ప‌గించింది. సీనియ‌ర్ నేత‌ల‌తో క‌లిసి ముందుకు సాగుతా. నాపై నమ్మకంతో ముఖ్యమంత్రిగా బాధ్యతలు అప్పగించినందుకు పార్టీకి కృతజ్ఞతలు తెలియజేస్తున్నాను. ఏఐసీసీ నాయకత్వానికి నేను ఎంతో రుణపడి ఉంటాను" అని సతీశన్ తెలిపారు.

#WATCH | Thiruvananthapuram | After being named Keralam CM, VD Satheesan says, "There will be a new era, a new Kerala. We know the fiscal situation of Kerala is vulnerable. We are hopeful that we can change everything. All AICC leaders called me and congratulated me."

"I have to… pic.twitter.com/bLe3g9FCLM

— ANI (@ANI) May 14, 2026

Also Read..

రెండు కార్ల కాన్వాయ్‌తోనే ప్ర‌ధాని మోదీ ప్ర‌యాణం.. వాటి ప్ర‌త్యేక‌త‌లు తెలుసా..?

ట్యాంక‌ర్‌ను ఢీ కొట్ట‌డంతో బ‌స్సుకు మంట‌లు.. న‌లుగురు స‌జీవద‌హ‌నం

కేరళం ముఖ్య‌మంత్రిగా వీడీ స‌తీష‌న్‌