Minor Girls | 180 మంది మైన‌ర్ బాలిక‌ల‌ను లైంగికంగా వేధించి.. 350 అస‌భ్య‌క‌ర వీడియోలు తీసి..

Minor Girls | హత్యలు, లైంగిక దాడులు, హింసాత్మ‌క ఘ‌ట‌న‌లు పెరిగిపోతున్నాయి. తాజాగా 100 మందికిపైగా మైన‌ర్ బాలిక‌ల‌ను (Minor Girls) లైంగింకంగా వేధించిన ఓ యువ‌కుడిని మ‌హారాష్ట్ర (Maharashtra) పోలీసులు అరెస్ట్ చేశారు. అత‌డు అమ‌రావ‌తి (Amravati) జిల్లా ప‌ర‌ట్వాడాకు (Paratwada) చెందిన మొహ‌మ్మ‌ద్ అయాజ్ (Mohammad Ayaz) అలియాస్ త‌న్వీర్‌గా గుర్తించారు.

పోలీసులు తెలిపిన వివ‌రాల ప్ర‌కారం.. అత‌డు సుమారు 180 మంది మైన‌ర్ బాలిక‌ల‌ను లైంగికంగా వేధించాడు. వారితో 350 అస‌భ్య‌క‌ర వీడియోల‌ను కూడా చిత్రీక‌రించాడు. తొలుత‌ ప్రేమ పేరుతో అమ్మాయిల‌ను ట్రాప్ చేసి వారిని ముంబై, పూణెకి తీసుకెళ్లి అశ్లీల వీడియోలు తీసిన‌ట్లు ఆరోప‌ణ‌లు ఉన్నాయి. ఆ వీడియోల‌ను చూపించి బాలిక‌ల‌ను బ్లాక్‌మెయిల్ చేసేవాడ‌ని తెలిసింది. అంతేకాదు, వారిని బ‌ల‌వంతంగా వ్య‌భిచారంలోకి కూడా దించేవాడు.

బీజేపీకి చెందిన రాజ్య‌స‌భ‌ ఎంపీ అనిల్ బోండే (Rajya Sabha MP Anil Bonde) ఇచ్చిన ఫిర్యాదు మేర‌కు పోలీసులు ఆ యువ‌కుడిపై చ‌ర్య‌లు తీసుకున్నారు. వాట్సాప్‌, స్నాప్‌చాట్ గ్రూపుల ద్వారా మైన‌ర్ల‌ను అత‌ను టార్గెట్ చేసిన‌ట్లు ఎంపీ త‌న ఫిర్యాదులో పేర్కొన్నారు. ఈ ఘ‌ట‌న‌పై ద‌ర్యాప్తు చేప‌ట్టాల‌ని కోరారు. లేదంటే ఎస్పీ ఆఫీసు ముందు ధ‌ర్నా చేప‌డ‌తామ‌ని ఎంపీ వార్నింగ్ ఇచ్చారు. ముస్లిం క‌మ్మూనిటీకి చెందిన కొంద‌రు స‌భ్యులు కూడా పోలీసు స్టేష‌న్‌కు వెళ్లి నిందితుడిపై క‌ఠిన చ‌ర్య‌లు తీసుకోవాల‌ని డిమాండ్ చేశారు.

కాగా, నిందితుడు ఎంఐఎం పార్టీ ఆఫీస్‌లో బాయ్‌గా ప‌నిచేశాడు. పార్టీ కార్య‌క్ర‌మాల‌కు చెందిన కొన్ని ఫొటోలు, వీడియోల‌ను నిందితుడు త‌న సోష‌ల్ మీడియా ఖాతాలో షేర్ చేశాడు. ఎంఐఎం అమ‌రావ‌తి అధ్య‌క్షుడు హ‌జి ఇర్ఫాన్ ఖాన్ నుంచి అత‌ను ఓ లేఖ‌ను అందుకుంటున్న ఫొటో కూడా ఉంది. ర్యాలీల‌కు చెందిన వీడియోలు కూడా ఉన్నాయి. అయితే, ఈ కేసు న‌మోదైన నేప‌థ్యంలో అత‌ని సోష‌ల్ మీడియా ఖాతాల నుంచి ఎంఐఎం పార్టీకి చెందిన ఫొటోలు, వీడియోల‌ను తొల‌గించారు.

ఇక ఈ కేసులో పోలీసులు అయాజ్‌ను అరెస్ట్ చేసి కోర్టులో హాజ‌రుప‌రిచారు. కోర్టు అత‌డికి ఏడు రోజుల పోలీస్ క‌స్ట‌డీ విధించింది. పోలీసులు అతని మొబైల్ ఫోన్‌ను కూడా స్వాధీనం చేసుకున్నారు. అందులో అనేక అభ్యంతరకరమైన వీడియోలు ఉన్నట్లు సమాచారం. ఆ వీడియోల‌ను నిందితుడు త‌న స్నేహితుల‌కు లేదా ఇత‌ర క్రిమిన‌ల్ ముఠాల‌కు షేర్ చేశాడా అనే కోణంలో పోలీసులు కేసును ద‌ర్యాప్తు చేస్తున్నారు. అంతేకాదు, సైబ‌ర్ సెల్ సాయంతో సోష‌ల్ మీడియాలో షేర్ చేసిన వీడియోల గురించి కూడా ఆరా తీస్తున్నారు.

Also Read..

బాహుబ‌లి, పుష్పని వెన‌క్కి నెట్టి.. రూ.3వేల‌కోట్ల‌కుపైగా క‌లెక్ష‌న్స్‌తో రికార్డును సృష్టించిన ధురంధ‌ర్‌..!

బీహార్ ముఖ్య‌మంత్రిగా సామ్రాట్ చౌద‌రి ప్ర‌మాణం.. ఆ ప‌ద‌వి చేప‌ట్టిన తొలి నేత‌గా రికార్డు

అండ‌మాన్ స‌ముద్రంలో ప‌డ‌వ బోల్తా.. 250 మంది గ‌ల్లంతు