CJP | జులై 20 నిరసనలు కేవ‌లం ట్రైలర్ మాత్రమే.. కేంద్రం స్పందించ‌క‌పోతే తీవ్ర ప‌రిణామాలు త‌ప్ప‌వు : సీజేపీ

CJP | జులై 20 నిరసన కేవలం ట్రైలర్ మాత్రమేన‌ని కాక్రోచ్ జ‌న‌తాపార్టీ స్ప‌ష్టం చేసింది. కేంద్ర ప్ర‌భుత్వం త‌మ డిమాండ్ల‌ను అంగీక‌రించ‌క‌పోతే తీవ్ర ప‌రిణామాలు ఉంటాయ‌ని హెచ్చ‌రించింది. త‌మ నిర‌స‌న‌ల‌ను మ‌రింత తీవ్ర‌స్థాయిలో చేప‌డ‌తామ‌ని స్ప‌ష్టం చేసింది. ల‌క్ష‌లాది మంది విద్యార్థులతో ఢిల్లీలో పెద్ద ఎత్తున ఆందోళ‌న‌ల‌ను నిర్వ‌హిస్తామ‌ని హెచ్చ‌రించింది.

సీజేపీ జాతీయ అధికార ప్ర‌తినిధి అశుతోష్ రంకా (Ashutosh Ranka) బుధ‌వారం ఉద‌యం ఏఎన్ఐతో మాట్లాడారు. ప్ర‌స్తుతం సీజేపీ ఆధ్వ‌ర్యంలో జ‌రుగుతున్న నిర‌స‌న‌ల‌ను స్వాతంత్రం త‌ర్వాత భార‌తదేశ చ‌రిత్ర‌లోనే అతిపెద్ద ఉద్య‌మంగా అభివ‌ర్ణించారు. తమ ఆందోళనలు పూర్తిగా శాంతియుతంగానే సాగుతున్నాయని స్పష్టం చేశారు. గత 31 రోజులుగా గాంధీ, అంబేడ్కర్ సిద్ధాంతాలను అనుసరిస్తూ శాంతియుత నిరసన కొనసాగిస్తున్నామని చెప్పారు.

సోమ‌వారం సీజేపీ చేప‌ట్టిన చ‌లో పార్ల‌మెంట్ మార్చ్‌ని కూడా విద్యార్థులు శాంతియుతంగానే కొన‌సాగించిన‌ట్లు చెప్పారు. అయితే, ఈ మార్చ్ సంద‌ర్భంగా విద్యార్థుల‌పై పోలీసులు విచ‌క్ష‌ణార‌హితంగా దాడి చేశార‌ని ఆరోపించారు. పోలీసులు బ‌ల‌ప్ర‌యోగం చేయ‌డంతోనే ఉద్రిక్త ప‌రిస్థితులు ఏర్ప‌డ్డాయ‌ని ఆరోపించారు. దేశవ్యాప్తంగా కొనసాగుతున్న తమ ఉద్యమంపై కేంద్ర ప్రభుత్వం సానుకూల నిర్ణయం తీసుకోకపోతే మరింత భారీ స్థాయిలో ఆందోళనలు చేపడతామని ఈ సంద‌ర్భంగా ఆయ‌న హెచ్చ‌రించారు. ఎన్‌ఎస్‌ఏ, ఉపా కేసుల‌ను కూడా ఎదుర్కొనేందుకు తాము సిద్ధంగా ఉన్న‌ట్లు స్ప‌ష్టం చేశారు.

#WATCH | Delhi | Cockroach Janta Party (CJP) National Spokesperson Ashutosh Ranka says, "This is the biggest movement in India's post-independence history...We have said this very clearly, what happened on 20th was a trailer. If the Govt doesn't agree, millions more will come to… pic.twitter.com/YwBpgeGkXc

— ANI (@ANI) July 22, 2026

Also Read..

వీడియోలు చూసేంత టైమ్ మాకు లేదు.. నిర‌స‌న‌కారుల‌పై పోలీసుల చ‌ర్య‌లో జోక్యం చేసుకునేందుకు సుప్రీం నిరాక‌ర‌ణ‌

ప్ర‌ధాని మోదీతో ఎన్సీపీ చీఫ్ శ‌ర‌ద్ ప‌వార్ భేటీ

మూడో రోజూ అదే ప‌రిస్థితి.. ఉభ‌య‌స‌భ‌లు ప్రారంభ‌మైన వెంట‌నే వాయిదా