PM Modi | ప్ర‌ధాని మోదీతో ఎన్సీపీ చీఫ్ శ‌ర‌ద్ ప‌వార్ భేటీ

PM Modi | కేంద్రంలోని ఎన్డీయే ప్ర‌భుత్వానికి ఎన్సీపీ (ఎస్పీ) మ‌ద్ద‌తు ఇవ్వ‌నుందంటూ (NCP Support To NDA) గ‌త కొన్ని రోజులుగా జోరుగా ప్ర‌చారం జ‌రుగుతున్న విష‌యం తెలిసిందే. ఈ ప్ర‌చారం వేళ తాజాగా కీల‌క ప‌రిణామం చోటు చేసుకుంది. ప్ర‌ధాన మంత్రి న‌రేంద్ర మోదీ (PM Modi)ని ఎన్సీపీ చీఫ్ శ‌ర‌ద్ ప‌వార్ (Sharad Pawar), ఆయ‌న కుమార్తె, ఎంపీ సుప్రియా సూలే (Supriya Sule) మ‌ర్యాద‌పూర్వ‌కంగా క‌లిశారు. బుధ‌వారం ఉద‌యం ప్ర‌ధానితో భేటీ అయ్యారు.

త‌న కార్యాల‌యానికి వ‌చ్చిన ఎన్సీపీ చీఫ్‌ను ప్ర‌ధాని స్వ‌యంగా లోప‌లికి ఆహ్వానించారు. ఈ సంద‌ర్భంగా ప‌లు అంశాల‌పై ఇరువ‌రూ చ‌ర్చించారు. దేశంలో రైతులు ఎదుర్కొంటున్న సమస్యలు, సాగునీటికి సంబంధించిన అంశాలపై ప్ర‌ధాని మోదీకి శ‌ర‌ద్ పవార్ మెమోరాండం స‌మ‌ర్పించారు. ప్రధాన మంత్రి కార్యాలయంలో (PMO) జరిగిన ఈ సమావేశం రాజకీయ వర్గాల్లో చ‌ర్చ‌నీయాంశంగా మారింది. వీరి భేటీకి సంబంధించిన ఫొటోలు ప్ర‌స్తుతం వైర‌ల్ అవుతున్నాయి. ఓ వైపు కాక్రోచ్ పార్టీ నిర‌స‌న‌లు, మ‌రోవైపు కాంగ్రెస్ నిర‌స‌న‌ల మ‌ధ్య వీరి భేటీకి ప్రాధాన్య‌త సంత‌రించుకుంది.

Also Read..

స్టాక్ మార్కెట్ ట్రేడ‌ర్లు ఐటీఆర్‌లో వివ‌రాల‌ను న‌మోదు చేయాలా.. తెలుసుకోవాల్సిన విష‌యాలు..

ఇదీ మానవత్వం అంటే: జంతర్ మంతర్‌‌కు క్యూ కడుతున్న స్విగ్గీ, జొమాటో బాయ్స్.. ఆర్డర్లు పెడుతోంది వీళ్లే!

వీడియోలు చూసేంత టైమ్ మాకు లేదు.. నిర‌స‌న‌కారుల‌పై పోలీసుల చ‌ర్య‌లో జోక్యం చేసుకునేందుకు సుప్రీం నిరాక‌ర‌ణ‌