Bomb Threat | బ‌డ్జెట్ స‌మావేశాల వేళ‌.. అసెంబ్లీకి బాంబు బెదిరింపులు

Bomb Threat | గుజ‌రాత్ అసెంబ్లీకి (Gujarat assembly complex) బాంబు బెదిరింపులు (Bomb Threat) క‌ల‌క‌లం రేపాయి. అసెంబ్లీ ప్రాంగ‌ణంలో బాంబు పెట్టిన‌ట్లు బుధ‌వారం ఉద‌యం బెదిరింపు మెయిల్ వ‌చ్చింది. ప్ర‌స్తుతం గుజ‌రాత్ అసెంబ్లీ బ‌డ్జెట్ స‌మావేశాలు (budget session) జ‌రుగుతున్నాయి. ఇందులో భాగంగా మ‌రికాసేప‌ట్లో స‌భా కార్య‌క్ర‌మాలు ప్రారంభం అవుతాయ‌న‌గా.. ఈ బెదిరింపు మెయిల్ రావ‌డం తీవ్ర క‌ల‌క‌లం రేపింది. అప్ర‌మ‌త్త‌మైన అధికారులు వెంట‌నే త‌నిఖీలు చేప‌ట్టారు.

ముందు జాగ్ర‌త్త చ‌ర్య‌గా సిబ్బందిని, ఎమ్మెల్యేల‌ను ప‌రిస‌ర ప్రాంతం నుంచి ఖాళీ చేయించారు. అనంత‌రం బాంబు స్క్వాడ్‌, డాగ్ స్క్వాడ్‌తో అసెంబ్లీ ప్రాంగ‌ణంలో క్షుణ్ణంగా త‌నిఖీలు చేప‌ట్టారు. అయితే, ఈ సోదాల్లో ఇప్ప‌టి వ‌ర‌కూ ఎలాంటి పేలుడు ప‌దార్థాలు, అనుమానాస్ప‌ద వ‌స్తువులూ ల‌భించ‌లేదు. ప్ర‌స్తుతం అసెంబ్లీ ప్రాంగ‌ణంలో సోదాలు కొన‌సాగుతున్నాయి. మ‌రోవైపు బెదిరింపుల నేప‌థ్యంలో ఆ ప్రాంతంలో పోలీసులు భ‌ద్ర‌త‌ను క‌ట్టుదిట్టం చేశారు. బెదిరింపు మెయిల్‌పై ద‌ర్యాప్తు చేప‌ట్టారు.

Also Read..

విమాన ప్ర‌యాణికుల‌కు కేంద్రం భారీ ఊర‌ట‌.. సీట్ల దోపిడీకి చెక్

హ‌ర్మూజ్ స‌మీపంలోని ఇరాన్ క్షిప‌ణి స్థావ‌రాల‌పై బంక‌ర్ బ‌స్ట‌ర్ బాంబులతో విరుచుకుప‌డిన యూఎస్‌

నిద్ర‌, హార్ట్ రేట్‌, వెల్‌నెస్‌ను ట్రాక్ చేసే స‌రికొత్త స్మార్ట్ రింగ్‌.. విడుద‌ల చేసిన ŌURA..