Fire breaks | కేంద్ర విద్యాశాఖ కార్యాల‌యంలో అగ్నిప్ర‌మాదం

Fire breaks | ఢిల్లీ (Delhi)లో భారీ అగ్నిప్ర‌మాదం (Fire breaks) సంభ‌వించింది. వికాస్ మార్గ్‌లోని కేంద్ర విద్యాశాఖ కార్యాల‌యంలో (Ministry of Education office) మంట‌లు చెల‌రేగాయి. 'స్కూల్ ఆఫ్ ప్లానింగ్' భవనం రెండో అంత‌స్తులో ఒక్క‌సారిగా మంట‌లు ఎగ‌సిప‌డ్డాయి. అప్ర‌మ‌త్త‌మైన అధికారులు వెంట‌నే అగ్నిమాప‌క సిబ్బందికి స‌మాచారం అందించారు. రంగంలోకి దిగిన ఫైర్ సిబ్బంది స‌హాయ‌క చ‌ర్య‌లు చేప‌ట్టారు. ఎనిమిది ఫైరింజ‌న్ల‌తో మంట‌ల‌ను అదుపుచేశారు. అదృష్ట‌వ‌శాత్తూ ఈ ప్ర‌మాదంలో ఎలాంటి ప్రాణ న‌ష్టం సంభ‌వించ‌లేదు.

సోమ‌వారం ఉద‌యం 9:37 గంట‌ల ప్రాంతంలో ఈ ఘ‌ట‌న చోటు చేసుకుంది. కేంద్ర విద్యా మంత్రిత్వ శాఖ ఆధ్వ‌ర్యంలోని కార్యాల‌యాలు ఉన్న భ‌వ‌నంలో మంట‌లు చెల‌రేగిన‌ట్లు త‌మ‌కు స‌మాచారం అందింద‌ని ఢిల్లీ ఫైర్ స‌ర్వీస్ అధికారులు తెలిపారు. మ‌రోవైపు ప్ర‌మాదానికి గ‌ల కార‌ణాలు ఇంకా తెలియ‌రాలేదు. దీనిపై అధికారులు ద‌ర్యాప్తు చేస్తున్నారు.

#WATCH | Delhi | Efforts underway to douse the fire on the second floor of the Ministry of Education office, Vikas Marg. Further details awaited. https://t.co/G2ndIHTKFk pic.twitter.com/EUC5RUk3bi

— ANI (@ANI) June 1, 2026

Also Read..

మే నెల‌లో రికార్డు స్థాయికి యూపీఐ లావాదేవీలు

ఐఆర్‌జీసీ తీరుపై తీవ్ర అసంతృప్తి.. ఇరాన్ అధ్య‌క్షుడు రాజీనామా..?

ఐపీఎల్‌ మ్యాచ్ చూస్తూ డ్రైవింగ్‌.. బావిలోకి దూసుకెళ్లిన థార్‌.. యువ‌కుడు మృతి