IPL Match Effect | ఐపీఎల్‌ మ్యాచ్ చూస్తూ డ్రైవింగ్‌.. బావిలోకి దూసుకెళ్లిన థార్‌.. యువ‌కుడు మృతి

IPL Match Effect | త్రినేత్ర‌.న్యూస్‌: జగిత్యాల (Jagtial) రూర‌ల్ మండ‌లం మోర‌ప‌ల్లి విషాదం జ‌రిగింది. ఐపీఎల్‌ ఫైనల్‌ మ్యాచ్ (IPL Match Effect) చూస్తూ కారు డ్రైవింగ్‌ చేయడంతో అదుపుత‌ప్పిన బావిలోకి దూసుకెళ్లింది. దీంతో ఓ యువ‌కుడు మృతి చెందారు. మరో ఇద్దరు ప్రాణాల‌తో బయటపడ్డారు.

ఆదివారం రాత్రి జగిత్యాలకు చెందిన అరుణ్‌, నివేష్, అశ్విన్ అనే ముగ్గురు యువ‌కులు థార్‌ వాహనంలో బయటకు వెళ్లారు. మొబైల్ ఫోన్‌లో ఐపీఎల్ ఫైన‌ల్ మ్యాచ్ చూస్తూ కారులో ప్ర‌యాణిస్తున్నారు. ఈ క్ర‌మంగా జగిత్యాల రూరల్ మండలం మోరపెల్లి వద్ద అదుపుత‌ప్పిన థార్ రోడ్డు ప‌క్క‌నే ఉన్న‌ బావిలోకి దూసుకెళ్లింది. కారును నడుపుతున్న అరుణ్‌ బావిలో గల్లంత‌య్యారు. నివేష్, అశ్విన్ మాత్రం అతి కష్టం మీద సుర‌క్షితంగా బయటపడ్డారు.

భారీ శ‌బ్దం రావ‌డంతో..

కారు బావిలో పడిన తర్వాత భారీ శబ్దం రావడంతో స్థానికులు ఘటనా స్థలానికి చేరుకున్నారు. స‌మాచారం అందుకున్న పోలీసులు, రెస్క్యూ సిబ్బంది అక్క‌డికి చేరుకుని స‌హాయ‌క చ‌ర్య‌లు చేప‌ట్టారు. సుమారు రెండు గంట‌ల‌పాలు శ్ర‌మించి కారుతో పాటు అరుణ్ మృతదేహాన్ని బయటకు తీశారు.

pic.twitter.com/82x3F9hfjs

— ganesh sunkari (@ganeshsunk42666) June 1, 2026