CJPs X handle | కాక్రోచ్ పార్టీ ఎక్స్ ఖాతాపై బ్యాన్ ఎత్తివేయాలంటూ కోర్టు ఆదేశం

CJPs X handle | సోషల్ మీడియాలో రాజ‌కీయ ఉద్య‌మంగా పుట్టుకొచ్చిన‌ ‘కాక్రోచ్‌ జనతా పార్టీ’ (Cockroach Janata Party)కి భారీ ఊర‌ట ల‌భించింది. గ‌తంలో బ్లాక్ చేసిన‌ సీజేపీ ఎక్స్ ఖాతాను (CJPs X handle) పున‌రుద్ధ‌రించాల‌ని కేంద్ర ప్ర‌భుత్వాన్ని ఢిల్లీ హైకోర్టు (Delhi High Court) ఆదేశించింది.

ఈ కేసు విచారణ సందర్భంగా కేంద్రం తరఫున సొలిసిటర్ జనరల్ తుషార్ మెహతా వాదనలు వినిపించారు. నీట్ పునఃపరీక్ష నేపథ్యంలోనే తాము ఈ ఖాతాను బ్లాక్ చేసినట్లు ఆయన కోర్టుకు తెలిపారు. ఆ స‌మ‌యంలో ఆ ఖాతా నుంచి వ‌చ్చిన కొన్ని పోస్టులు విద్యార్థులు, త‌ల్లిదండ్రుల్లో గంద‌ర‌గోళాన్ని సృష్టించేలా ఉన్నాయ‌ని చెప్పారు. అయితే, ఇప్పుడు నీట్ ప‌రీక్ష పూర్తైన నేప‌థ్యంలో ఖాతాను అన్‌బ్లాక్ చేసేందుకు త‌మ‌కు ఎలాంటి అభ్యంత‌రం లేద‌ని తెలిపారు. వాదనలు విన్న జస్టిస్ స్వర్ణ కాంత శర్మ నేతృత్వంలోని ధర్మాసనం కేంద్ర ప్రభుత్వ ప్రాథమిక ఆందోళనకు ఇప్పుడు ఎలాంటి ప్రాధాన్యత లేదని అభిప్రాయపడింది. ఈ మేర‌కు 'కాక్రోచ్ జనతా పార్టీ' ఎక్స్ ఖాతాను నిలిపివేస్తూ కేంద్రం ఇచ్చిన బ్లాకింగ్ ఆర్డర్‌ను న్యాయస్థానం రద్దు చేసింది. కాగా, కాక్రోచ్‌ జనతా పార్టీ ఎక్స్ ఖాతాను మేలో కేంద్రం బ్లాక్ చేసిన విష‌యం తెలిసిందే.

Also Read..

సీఎం విజ‌య్‌కి భారీ ఊర‌ట‌.. డీఎంకేపై సుప్రీంకోర్టు ఆగ్ర‌హం

ఆ 38 మందికి ఉరిశిక్ష‌.. గుజ‌రాత్ కోర్టు సంచ‌ల‌న తీర్పు

చిన్నారులున్న చోటుకే మొబైల్ అంగ‌న్వాడి కేంద్రాలు