CM Mamata Banerjee | నామినేష‌న్ దాఖ‌లు చేసిన మ‌మ‌తా బెన‌ర్జీ.. సువేందు అధికారిని దీదీ ఓడించ‌నుందా..?

CM Mamata Banerjee | ప‌శ్చిమ బెంగాల్ ముఖ్య‌మంత్రి మ‌మ‌తా బెన‌ర్జీ (CM Mamata Banerjee) నామినేష‌న్ దాఖ‌లు చేశారు. కోల్‌క‌తాలోని భవానీపూర్ అసెంబ్లీ నియోజకవర్గం (Bhabanipur seat) నుంచి దీదీ పోటీ చేస్తున్న విష‌యం తెలిసిందే. ఈ నేప‌థ్యంలో ఆ స్థానానికి ఇవాళ నామినేష‌న్ వేశారు. ఈ స్థానం నుంచి బీజేపీ (BJP) సీనియ‌ర్ నేత సువేందు అధికారి (Suvendu Adhikari) పోటీకి దిగిన విష‌యం తెలిసిందే. గ‌త వారం ఆయ‌న ఈ స్థానానికి నామినేష‌న్ కూడా దాఖ‌లు చేశారు. ఇక ఈ ఎన్నిక‌ల్లో "బై బై మ‌మ‌తా" నినాదంతో బీజేపీ ఎన్నిక‌ల ప్ర‌చారాన్ని ముమ్మ‌రం చేసింది.

కాగా, 2021 ఎన్నిక‌ల్లో నందిగ్రామ్ నుంచి మ‌మ‌త పోటీ చేసిన విష‌యం తెలిసిందే. అప్పుడు కూడా సువేందు అధికారినే మ‌మ‌త ఢీ కొన్నారు. అయితే, ఆ ఎన్నిక‌ల్లో 1,956 ఓట్ల తేడాతో దీదీపై సువేందు అధికారి విజ‌యం సాధించారు. ఇక ఆ ఓట‌మి త‌ర్వాత భ‌వానీపూర్ ఉప ఎన్నిక‌ల్లో మ‌మ‌తా బెన‌ర్జీ పోటీ చేసి గెలుపొందారు. అప్పుడు భ‌వానీపూర్ ఎమ్మెల్యే శోభందేబ్ చ‌టోపాధ్యాయ రాజీనామా చేయ‌డంతో దీదీ అక్క‌డి నుంచి పోటీ చేశారు. ఇప్పుడు మ‌రోసారి సువేందుకు అధికారిపై పోటీకి దీదీ సిద్ధ‌మ‌వ‌డం ఆస‌క్తిక‌రంగా మారింది. కాగా, 294 మంది స‌భ్యులున్న బెంగాల్ అసెంబ్లీకి ఏప్రిల్ 23, 29 తేదీల్లో రెండు ద‌శ‌ల్లో పోలింగ్ జ‌ర‌గ‌నుంది. మే 4న ఓట్ల లెక్కింపు చేప‌ట్టి ఫ‌లితాల‌ను వెల్ల‌డించ‌నున్నారు.

Also Read..

మ‌రోవివాదంలో డిప్యూటీ సీఎం ఉద‌య‌నిధి స్టాలిన్‌.. హిందూ సంఘాలు ఫైర్‌

గూగుల్ మ్యాప్స్‌లో కొత్త ఫీచ‌ర్లు.. మీడియా షేరింగ్ ఈజీ..

ఐఆర్ఎఫ్‌సీలో అసిస్టెంట్ మేనేజ‌ర్ పోస్టులు.. అర్హులు ఎవ‌రంటే?