Meta India head | ప్ర‌ధాని మోదీపై అభ్యంతరకర పోస్టులు.. మెటా ఇండియా హెడ్‌పై కేసు న‌మోదు

Meta India head | సోష‌ల్ మీడియాలో ప్ర‌ధాన మంత్రి న‌రేంద్ర మోదీని (PM Modi) ల‌క్ష్యంగా చేసుకొని మార్ఫింగ్ చేసిన అభ్యంత‌ర‌క‌ర‌మైన వీడియోలు (AI generated videos), ఫొటోల‌ను ప్ర‌సారం చేశార‌న్న ఆరోప‌ణ‌ల‌పై పోలీసులు చ‌ర్య‌లు చేప‌ట్టారు. మెటా ఇండియా హెడ్ అరుణ్ శ్రీ‌నివాస్ (Arun Srinivas) స‌హా ప‌లు ఫేస్‌బుక్‌, ఇన్‌స్టాగ్రామ్ ఖాతాల నిర్వాహ‌కుల‌పై హైద‌రాబాద్ సైబ‌ర్ క్రైమ్ పోలీసులు (Hyderabad Cyber Crime Police) రెండు కేసులు న‌మోదు చేశారు.

సీజేపీ ఆధ్వ‌ర్యంలో జ‌రిగిన నీట్ పేప‌ర్ లీక్ ఆందోళ‌న‌ల స‌మ‌యంలో ప్ర‌ధాని మోదీని ల‌క్ష్యంగా చేసుకొని మెటా ఆధ్వ‌ర్యంలోని ఫేస్‌బుక్‌, ఇన్‌స్టాగ్రామ్ ఖాతాల్లో అభ్యంత‌ర‌క‌ర పోస్టులు చేస్తున్నారని ఆరోపిస్తూ బీజేపీ నేత‌లు ఇచ్చిన ఫిర్యాదుల మేర‌కు పోలీసులు చ‌ర్య‌లు తీసుకున్నారు. భారతీయ న్యాయ సంహిత (బీఎన్‌ఎస్‌), సమాచార సాంకేతిక చట్టం కింద ఉల్లంఘనలు జరిగాయా అనే అంశాన్ని పోలీసులు పరిశీలిస్తున్నారు. ప్ర‌స్తుతం ఈ ఘ‌ట‌న‌పై పోలీసులు ద‌ర్యాప్తు కొన‌సాగిస్తున్నారు.

ఇదిలా ఉండగా.. సీజేపీ ఆందోళ‌నల స‌మ‌యంలో విద్యార్థి నిర‌స‌న‌కారుల‌ను ఉద్దేశించి ప్ర‌ధాన మంత్రి న‌రేంద్ర మోదీ (PM Modi) ప్ర‌సంగించిన ఓ వీడియో ఫేస్‌బుక్ (Facebook) నుంచి తొల‌గించ‌డం (Modis selfie video removed) వివాదాస్ప‌ద‌మైన విష‌యం తెలిసిందే. ఆ త‌ర్వాత ఆ వీడియోని మెటా పున‌రుద్ధ‌రించిన‌ప్ప‌టికీ ఈ ఘ‌ట‌న అప్ప‌టికే తీవ్ర చ‌ర్చ‌నీయాంశ‌మైంది. ఈ ఘ‌ట‌న‌ను తీవ్రంగా పరిగ‌ణించిన కేంద్రం వివ‌ర‌ణ కోరుతూ మెటా ప్ర‌తినిధుల‌కు నోటీసులు జారీ చేసింది. ఆ తర్వాత మెటా ప్రతినిధులు ప్రభుత్వానికి వివరణ ఇచ్చి, ప్రముఖ ఖాతాలకు అదనపు పర్యవేక్షణ వ్యవస్థను అమలు చేస్తామని హామీ ఇచ్చారు.

Also Read..

కాంగ్రెస్‌కు కొత్త స‌మ‌స్య‌.. అసెంబ్లీలో మాజీ సీఎంకు సీటు ఎక్క‌డ?

స్టేజ్‌పైనే కుప్పకూలిన హ్యూమనాయిడ్ రోబో.. సోషల్ మీడియాలో మీమ్స్..

కుప్ప‌కూలిన నాలుగంత‌స్తుల భ‌వ‌నం.. ఎనిమిది మంది దుర్మ‌ర‌ణం