Surat textile market | సూర‌త్ టెక్స్‌టైల్ మార్కెట్‌లో భారీ అగ్నిప్ర‌మాదం.. దుకాణాలు ధ్వంసం

Surat textile market | త్రినేత్ర‌.న్యూస్ : టెక్స్‌టైల్ హబ్‌గా పేరుగాంచిన గుజ‌రాత్‌ (Gujarat)లోని సూర‌త్‌లో భారీ అగ్నిప్ర‌మాదం (Fire Accident) సంభ‌వించింది. సరోలీ ప్రాంతంలోని ఓ బ‌హుళ అంత‌స్తుల వ‌స్త్ర మార్కెట్‌లో అర్ధ‌రాత్రి స‌మ‌యంలో పెద్ద ఎత్తున మంట‌లు చెల‌రేగాయి. క్ష‌ణాల్లోనే మంట‌లు భ‌వ‌నం మొత్తం వ్యాపించాయి. ఈ ఘ‌ట‌న‌లో డ‌జ‌నుకుపైగా దుకాణాలు దెబ్బ‌తిన్నాయి (shops damaged).

స‌మాచారం అందుకున్న అగ్నిమాప‌క సిబ్బంది హుటాహుటిన ఘ‌ట‌నాస్థ‌లికి చేరుకొని స‌హాయ‌క చ‌ర్య‌లు చేప‌ట్టింది. 25 అగ్నిమాప‌క శ‌క‌టాల‌తో దాదాపు 150 మంది సిబ్బంది మంట‌లు ఆర్పేందుకు తీవ్రంగా శ్ర‌మించారు. ఈ క్ర‌మంలో ఓ ఫైర్‌ఫైట‌ర్‌కి గాయాలైన‌ట్లు చీఫ్ ఫైర్ ఆఫీసర్ బసంత్ పరేక్ తెలిపారు. గాయ‌ప‌డిన సిబ్బందిని చికిత్స నిమిత్తం ఆసుప‌త్రికి త‌ర‌లించిన‌ట్లు చెప్పారు. మ‌రోవైపు ఈ ప్ర‌మాదంలో భారీగా ఆస్తి న‌ష్టం సంభ‌వించిన‌ట్లు తెలుస్తోంది. అయితే, అదృష్ట‌వశాత్తూ ఎలాంటి ప్రాణ న‌ష్టం సంభ‌వించ‌క‌పోవ‌డంతో అంతా ఊపిరిపీల్చుకున్నారు. ఈ ఘ‌ట‌న‌పై పోలీసులు ద‌ర్యాప్తు చేప‌ట్టారు.

Also Read..

ఆ మెజిస్ట్రేట్‌కు ఎంత ధైర్యం..? లా విద్యార్థిని నోటీసులు ఇవ్వ‌డంపై సుప్రీం ఆగ్ర‌హం

పోలీసుల తీరుతో కన్నీరు పెట్టుకున్నా మమ్మల్ని కనీసం పట్టించుకోలే..

కేటీఆర్‌కు అహంకారం తగ్గలేదు.. భాష మార్చుకోకపోతే తరిమికొడతారు