PM Modi | క్షమాపణలు చెప్తారా..? చర్యలు ఎదుర్కొంటారా..? మెటాకు కేంద్రం అల్టిమేటం
PM Modi | ప్రధాన మంత్రి నరేంద్ర మోదీ (PM Modi) వీడియో తొలగింపు ఘటనపై మెటాకు కేంద్రం అల్టిమేటం (ultimatum) జారీ చేసింది. సంస్థ సీఈవో మార్క్జుకర్ బర్గ్ (Mark Zuckerberg) మూడు రోజుల్లోగా బహిరంగ క్షమాపణలు చెప్పాలని స్పష్టం చేసింది. లేదంటే చర్యలు తప్పవని హెచ్చరించింది.
PM Modi | త్రినేత్ర.న్యూస్ : ప్రధాన మంత్రి నరేంద్ర మోదీ వీడియోను ఫేస్బుక్లో కొద్దిసేపు తొలగించిన ఘటనను కేంద్రం సీరియస్గా తీసుకుంది. ఈ విషయంలో మెటా (Meta) అధికారులకు ఇప్పటికే సమన్లు జారీ చేసిన కేంద్ర సర్కార్.. ఇప్పుడు ఆ సంస్థ సీఈవో మార్క్ జుకర్బర్గ్ (Mark Zuckerberg)కు కీలక హెచ్చరికలు జారీ చేసింది.
ఈ ఘటనకు గానూ మూడు రోజుల్లోగా బహిరంగ క్షమాపణలు చెప్పాలని మెటా సీఈవోకు అల్టిమేటం (ultimatum) జారీ చేసింది. లేదంటే చర్యలు ఎదుర్కోక తప్పదని హెచ్చరించింది. అంతేకాదు, బాధ్యులైన వారిపై కఠిన చర్యలు తీసుకోవాలని డిమాండ్ చేసింది. మూడు రోజుల్లో చర్యలు తీసుకోకపోతే ఫేస్బుక్కు ప్రస్తుతం ఉన్న ‘సేఫ్ హార్బర్’ రక్షణను తొలగిస్తామని పార్లమెంట్ కమ్యూనికేషన్స్ అండ్ ఇన్ఫర్మేషన్ టెక్నాలజీ కమిటీ స్పష్టం చేసింది. జుకర్బర్గ్ బహిరంగ క్షమాపణలు చెప్పాల్సిందేనని తేల్చి చెప్పింది. లేదంటే ఆయనపై కేసు నమోదవుతుందని వార్నింగ్ ఇచ్చింది.
సీజేపీ ఆందోళనల సమయంలో విద్యార్థి నిరసనకారులను ఉద్దేశించి ప్రధాన మంత్రి నరేంద్ర మోదీ (PM Modi) ప్రసంగించిన ఓ వీడియో ఫేస్బుక్ (Facebook) నుంచి తొలగించడం (Modis selfie video removed) వివాదాస్పదమైన విషయం తెలిసిందే. ఆ తర్వాత ఆ వీడియోని మెటా పునరుద్ధరించినప్పటికీ ఈ ఘటన అప్పటికే తీవ్ర చర్చనీయాంశమైంది. ఈ ఘటనను తీవ్రంగా పరిగణించిన కేంద్రం వివరణ కోరుతూ మెటా ప్రతినిధులకు నోటీసులు జారీ చేసింది. ఆ తర్వాత మెటా ప్రతినిధులు ప్రభుత్వానికి వివరణ ఇచ్చి, ప్రముఖ ఖాతాలకు అదనపు పర్యవేక్షణ వ్యవస్థను అమలు చేస్తామని హామీ ఇచ్చారు.
ఇక ఇన్స్టాగ్రామ్లో చిన్నారులపై లైంగిక వేధింపులకు సంబంధించిన అసభ్యకర కంటెంట్ ప్రకటనల రూపంలో కనిపిస్తున్న వ్యవహారంపైనా కేంద్రం సీరియస్ యాక్షన్ తీసుకుంది. ఈ విషయంలో మెటాకు కేంద్ర ప్రభుత్వం ఇప్పటికే నోటీసులు కూడా ఇచ్చింది. ఈ అంశంపై పార్లమెంటరీ కమిటీ మరోసారి హెచ్చరిక జారీ చేసింది.
గూగుల్, యూట్యూబ్, ఎక్స్, ఫేస్బుక్, వాట్సాప్, ఇన్స్టాగ్రామ్, స్నాప్చాట్ సహా అన్ని సోషల్ మీడియా వేదికలు చిన్నారులపై లైంగిక దుర్వినియోగానికి సంబంధించిన కంటెంట్ను కట్టడి చేసే నిబంధనలు తప్పనిసరిగా పాటించాలని కమిటీ స్పష్టం చేసింది. ఉల్లంఘనలు జరిగితే చట్టపరమైన చర్యలు తీసుకుంటామని హెచ్చరించింది.
Also Read..
హరీశ్ రావుపై వ్యాఖ్యలకు కట్టుబడి ఉన్నా..: అద్దంకి దయాకర్
ఒక్క రోజులోనే రూ.17వేలు పెరిగిన బంగారం ధర.. బులియన్ మార్కెట్లలో కొనుగోళ్ల జోరు..
కృష్ణానదికి పోటెత్తిన వరద.. సంగమేశ్వర ఆలయం పూర్తిగా జలాధివాసం.. ఫొటోలు
సంబంధిత వార్తలు

Vladimir Putin on India | “అది నిజంగా అద్భుతం!”.. భారత వైవిధ్యంపై పుతిన్ ప్రశంసల జల్లు
నవంబర్ 22, 2026

Nitish Setu Controversy | నితీశ్ సేతుపై హైడ్రామా: ప్రధాని మోదీ పోస్టర్లు చించేసిన ఆర్జేడీ కార్యకర్తలు.. అసలు వివాదం ఇదే!
నవంబర్ 22, 2026

PM Modi Gamcha Swirl Vaishali | ఓపెన్ వాహనంలో మోదీ ‘గమ్చా’ మేనియా.. గంగా నదిపై భారీ బ్రిడ్జికి ‘నితీశ్ సేతు’ పేరు
నవంబర్ 21, 2026
తాజావార్తలు
- ●Serial Actress | సీరియల్స్లోకి ఎంట్రీ ఇస్తున్న తెలుగు హీరోయిన్
- ●ICE Agents Seattle Airport | ఎయిర్పోర్ట్లో హైడ్రామా.. విమానం ఎక్కుతుండగా ప్రయాణికులను ఈడ్చుకెళ్లిన ఆఫీసర్లు
- ●OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?
- ●Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం
- ●JEE Main 2027 | జేఈఈ మెయిన్-2027 వెల్లువెత్తిన దరఖాస్తులు
- ●Revanth Reddy Gandhi Bhavan Speech | కాంగ్రెస్ జెండా మోసి రాహుల్ గాంధీని ప్రధానిని చేయడమే మన బాధ్యత

Serial Actress | సీరియల్స్లోకి ఎంట్రీ ఇస్తున్న తెలుగు హీరోయిన్

ICE Agents Seattle Airport | ఎయిర్పోర్ట్లో హైడ్రామా.. విమానం ఎక్కుతుండగా ప్రయాణికులను ఈడ్చుకెళ్లిన ఆఫీసర్లు

OM vs AOT | ఓం వర్సెస్ ఆకాశంలో ఒక తార - రెండు రోజుల్లో ఏ సినిమాకు ఎక్కువ కలెక్షన్స్ వచ్చాయంటే?

Hyderabad Bomb Threat Email | కాచిగూడ రైల్వే స్టేషన్, హోటల్ టూరిస్ట్ ప్లాజాలను బాంబులతో పేల్చేస్తాం



