Gold And Silver Prices Today | ఒక్క రోజులోనే రూ.17వేలు పెరిగిన బంగారం ధ‌ర‌.. బులియ‌న్ మార్కెట్ల‌లో కొనుగోళ్ల జోరు..

Gold And Silver Prices Today | ప‌శ్చిమ ఆసియాలో యుద్ధ ఉద్రిక్త‌త‌లు త‌గ్గుముఖం ప‌డుతుండ‌డం, గ్లోబ‌ల్ మార్కెట్ల నుంచి వ‌స్తున్న పాజిటివ్ సంకేతాలు, దేశ ఆర్థిక వ్య‌వ‌స్థ తొలి త్రైమాసికంలో మెరుగైన ఆర్థిక వృద్ధిని సాధించడం వంటి కీలక ప‌రిణామాల నేప‌థ్యంలో దేశీయ స్టాక్ మార్కెట్లు లాభాల్లో కొన‌సాగుతున్నాయి. విదేశీ ఈక్విటీ మార్కెట్లు సైతం కొనుగోళ్ల ఉత్సాహాన్ని చూపిస్తుండ‌డం మార్కెట్ సెంటిమెంట్‌ను మ‌రింత బ‌ల‌ప‌రుస్తోంది. పెట్టుబ‌డిదారులు రిస్క్ తీసుకునే ధోర‌ణిని మ‌రింత పెంచుతున్న‌ట్లు స్ప‌ష్ట‌మ‌వుతోంది. అలాగే బులియ‌న్ మార్కెట్ల‌లోనూ కొనుగోళ్ల జోరు మ‌ళ్లీ ఊపందుకుంది. అంత‌ర్జాతీయ బులియ‌న్ మార్కెట్‌ల‌లో ఔన్స్ బంగారం ధ‌ర బుధ‌వారం 1.86 శాతం మేర ఎగ‌బాకి 4,154 డాలర్ల‌కు చేర‌గా, వెండి ధ‌ర 3.33 శాతం మేర ఎగసి 61 డాల‌ర్ల‌కు పెరిగింది. దేశీయ క‌మోడిటీ మార్కెట్ ఎంసీఎక్స్‌లో గోల్డ్ ఫ్యూచ‌ర్స్ కాంట్రాక్టు 2,101 పాయింట్లు పెరిగి 1,46,439 వ‌ద్ద ఉండ‌గా, సిల్వ‌ర్ ఫ్యూచ‌ర్స్ కాంట్రాక్టు 4,783 పాయింట్లు పెరిగి 2,26,105 వద్ద కొన‌సాగుతోంది. దేశీయ స్పాట్ మార్కెట్‌లోనూ బంగారం, వెండి ధ‌ర‌లు భారీగా పెరిగాయి.

స్పాట్ మార్కెట్‌లో బంగారం, వెండి ధ‌ర‌లు..

24 క్యారెట్ల 1 గ్రాము బంగారం ధ‌ర రూ.14,575 ఉండ‌గా, 8 గ్రాముల ధ‌ర రూ.1,16, 600గా ఉంది. 10 గ్రాముల ధ‌ర రూ.1,45,750 గా ఉంది. 100 గ్రాముల బంగారం ధ‌ర రూ.14,57,500 గా ఉంది. ఇది కింద‌టి రోజు ముగింపుతో పోలిస్తే రూ.17,500 పెరిగింది.

22 క్యారెట్ల 1 గ్రాము బంగారం ధ‌ర రూ.13,360 ఉండ‌గా, 8 గ్రాముల ధ‌ర రూ.1,06,880గా ఉంది. 10 గ్రాముల ధ‌ర రూ.1,33,600 ఉండగా, 100 గ్రాముల బంగారం ధ‌ర రూ.13,36,000గా ఉంది. ఇది క్రితం ముగింపుతో పోలిస్తే రూ.16వేలు పెరిగింది.

18 క్యారెట్ల 1 గ్రాము బంగారం ధ‌ర రూ.10,931 ఉండ‌గా, 8 గ్రాముల ధ‌ర రూ.87,448గా ఉంది. 10 గ్రాముల ధ‌ర రూ.1,09,310 ఉండ‌గా, 100 గ్రాముల బంగారం ధ‌ర రూ.10,93,100గా ఉంది. ఇది క్రితం ముగింపుతో పోలిస్తే రూ.13,100 పెరిగింది.

దేశీయ మార్కెట్‌లో 1 కిలో వెండి ధ‌ర రూ.2,40,000 ఉండ‌గా, తులం ధ‌ర రూ.2,400గా ఉంది. క్రితం ముగింపుతో పోలిస్తే వెండి ధ‌ర కిలోకు రూ.5వేలు పెరిగింది. హైద‌రాబాద్‌లో 1 కిలో వెండి ధ‌ర రూ.2,40,000 ఉండ‌గా, తులం ధ‌ర రూ.2,400 గా ఉంది.