Road Accident | 250 kmph వేగంతో దూసుకొచ్చిన బీఎండ‌బ్ల్యూ కారు.. ఎగిరిప‌డ్డ మృత‌దేహాలు

Road Accident | పుట్టిన‌రోజు వేడుక తీవ్ర విషాదాంత‌మైంది. ఆదివారం తెల్ల‌వారుజామున మ‌హారాష్ట్ర థానే (Thane) జిల్లాలోని బ‌ద్లాపూర్ (Badlapur) స‌మీపంలో నిర్మాణంలో ఉన్న ముంబై-ఢిల్లీ ఎక్స్‌ప్రెస్ వే (Mumbai-Delhi Expressway)పై ఓ బీఎండ‌బ్ల్యూ కారు (BMW Car) ప్ర‌మాదానికి గురైంది (Road Accident). అతి వేగంగా దూసుకొచ్చిన కారు తొలుత డివైడ‌ర్‌ను ఢీ కొట్టింది. అనంత‌రం ప‌లుమార్లు ప‌ల్టీలు కొట్టింది. ఈ ఘోర ప్ర‌మాదంలో ఓ యువ‌తి, యువ‌కుడు ప్రాణాలు కోల్పోగా.. ఓ యువ‌కుడు గాయాల‌తో బ‌య‌ట‌ప‌డ్డాడు.

పోలీసుల క‌థ‌నం ప్ర‌కారం.. ఈ ప్ర‌మాదం తెల్ల‌వారుజామున 3 గంట‌ల ప్రాంతంలో చోటు చేసుకుంది. బ‌ద్లాపూర్ వెస్ట్‌కు చెందిన యోగేష్ నేగి (26) త‌న పుట్టిన‌రోజు వేడుక‌ల కోసం ఇద్ద‌రు ఫ్రెండ్స్ రెబెక్కా జాకబ్ (24), అంగద్‌తో క‌లిసి కారులో వెళ్లారు. ఆ స‌మ‌యంలో అగంద్ కారును డ్రైవ్ చేస్తున్నారు. గంట‌కు 250 కిలోమీట‌ర్ల వేగంతో కారు దూసుకెళ్తోంది. ఈ క్ర‌మంలో ఏరంజాద్ ప్రాంతం వద్దకు రాగానే కారు అదుపుత‌ప్పింది. డ్రైవ‌ర్ వాహ‌నంపై నియంత్ర‌ణ కోల్పోయాడు. దీంతో రోడ్డు ప‌క్క‌న ఉన్న ఇనుప డివైడ‌ర్‌ను బ‌లంగా ఢీ కొట్టింది. ఆ త‌ర్వాత ప‌ల్టీలు కొట్టుకుంటూ 200 మీట‌ర్ల దూరానికి ఎగిరి ప‌డింది.

ఈ ఘ‌ట‌న‌లో కారు మొత్తం నుజ్జునుజ్జు అయ్యింది. ప్ర‌మాద స‌మ‌యంలో ఎయిర్‌బ్యాగ్స్ ఓపెన్ కావడంతో అంగ‌ద్ ప్రాణాల‌తో బ‌య‌ట‌ప‌డ్డాడు. మిగ‌తా ఇద్ద‌రు ఘ‌ట‌నాస్థ‌లంలోనే మ‌ర‌ణించారు. వారి బాడీపార్ట్స్ కూడా రోడ్డుపై చెల్లా చెద‌రుగా ప‌డిపోయాయంటే ప్ర‌మాదం ఎంత తీవ్రంగా జ‌రిగిందో అర్థం చేసుకోవ‌చ్చు. ఈ ప్ర‌మాదంపై స్థానిక పోలీసులు విచార‌ణ చేప‌డుతున్నారు. అతివేగ‌మే ప్ర‌మాదానికి కార‌ణ‌మ‌ని ప్రాథ‌మిక ద‌ర్యాప్తులో తేల్చారు.

Also Read..

లైంగిక ఆరోప‌ణ‌లు.. కాంగ్రెస్ నుంచి కుంభం శివకుమార్ రెడ్డి సస్పెండ్

నెల రోజుల్లోనే ఓటీటీలోకి పెద్ది - రామ్‌చ‌ర‌ణ్ స్పోర్ట్స్ యాక్ష‌న్ మూవీ స్ట్రీమింగ్ డేట్ ఇదేనా?

కోర్టుకు హాజ‌రుకాని అల్లు అర్జున్.. సంధ్య థియేటర్ కేసు విచార‌ణ వాయిదా