Donald Trump | ఇరాన్‌తో యుద్ధం ముగింపుపై ట్రంప్ ఆస‌క్తిక‌ర వ్యాఖ్య‌లు

Donald Trump | మిడిల్ ఈస్ట్‌ (Middle East)లో ప‌రిస్థితులు ఆందోళ‌న‌క‌రంగా మారాయి. ఇరాన్‌ (Iran)పై యుద్ధం ప‌దో రోజుకు చేరింది. టెహ్రాన్‌పై అమెరికా-ఇజ్రాయెల్ ద‌ళాలు క్షిప‌ణులు, డ్రోన్ల‌తో విరుచుకుప‌డుతున్నాయి (Israel-US Strikes). అదే స‌మ‌యంలో ఇరాన్ సైతం ప్రతిదాడులు చేస్తోంది. గ‌ల్ఫ్‌లోని అమెరికా ఎంబ‌సీలు, వైమానిక స్థావ‌రాల‌పై క్షిప‌ణుల వ‌ర్షం కురిపిస్తోంది. ఇలా దాడులు, ప్ర‌తిదాడుల‌తో ప‌శ్చిమాసియా ద‌ద్ద‌రిల్లుతోంది. ఈ క్ర‌మంలో యుద్ధం ముగించే విష‌యంపై అమెరికా అధ్య‌క్షుడు డొనాల్డ్ ట్రంప్ (Donald Trump) తాజాగా కీల‌క వ్యాఖ్య‌లు చేశారు.

 

ఇరాన్‌తో జ‌రుగుతున్న యుద్ధాన్ని ముగించే విష‌యంపై ఇజ్రాయెల్‌తో సంప్ర‌దింపుల త‌ర్వాతే నిర్ణ‌యం తీసుకుంటామ‌ని తెలిపారు. అయితే, ఈ విష‌యంలో అంతిమ నిర్ణ‌యం మాత్రం అమెరికాదేన‌ని స్ప‌ష్టం చేశారు. 'ది టైమ్స్ ఆఫ్ ఇజ్రాయెల్' పత్రికకు ఇచ్చిన టెలిఫోన్ ఇంట‌ర్వ్యూలో ట్రంప్ మాట్లాడుతూ ఈ వ్యాఖ్య‌లు చేశారు. యుద్ధం ముగించే చ‌ర్చ‌ల్లో ఇజ్రాయెల్ ప్ర‌ధాని బెంజిమ‌న్ నెత‌న్యాహు కూడా భాగ‌స్వామి అవుతార‌ని చెప్పారు. అన్ని అంశాల‌ను ప‌రిగ‌ణ‌న‌లోకి తీసుకుని స‌రైన స‌మ‌యంలో నిర్ణ‌యం తీసుకుంటామ‌ని ట్రంప్ స్ప‌ష్టం చేశారు. అయితే, అమెరికా త‌న దాడుల‌ను నిలిపివేయాల‌ని నిర్ణ‌యించుకున్నా.. ఇజ్రాయెల్ యుద్ధాన్ని కొన‌సాగించొచ్చా..? అని ట్రంప్‌ను విలేక‌రు ప్ర‌శ్నించారు. దీనికి ట్రంప్ స్పందిస్తూ.. "అంత‌ అవసరం ఉంటుందని నేను అనుకోవడం లేదు" అని సమాధానమిచ్చారు. ట్రంప్ వ్యాఖ్య‌లు ప్ర‌స్తుతం వైర‌ల్ అవుతున్నాయి.

Also Read..

క‌రూర్ తొక్కిస‌లాట‌ ఘ‌ట‌న‌.. టీవీకే చీఫ్‌ విజ‌య్‌కి మ‌రోసారి స‌మ‌న్లు పంపిన సీబీఐ

IRIS లావన్‌కు ఆశ్ర‌యం క‌ల్పించినందుకు భార‌త్‌కు ఇరాన్ కృత‌జ్ఞ‌త‌లు : జైశంక‌ర్

హింస దేనికీ ప‌రిష్కారం కాదు.. మిడిల్ ఈస్ట్‌లో ప‌రిస్థితుల‌పై రాజ్య‌స‌భ‌లో కేంద్రం ప్ర‌క‌ట‌న‌