Donald Trump | మిత్ర‌మా.. ఇది గొప్ప డీల్‌.. యుద్ధాన్ని ముగించే సమయం వచ్చింది

Donald Trump | ప‌శ్చిమాసియాలో ఉద్రిక్త‌త‌ల‌కు త్వ‌ర‌లోనే తెర‌ప‌డే అవ‌కాశం క‌నిపిస్తోంది. ఇరాన్‌తో గొప్ప డీల్ (Iran Peace Deal ) కుద‌ర‌బోతోందంటూ అమెరికా అధ్య‌క్షుడు డొనాల్డ్ ట్రంప్ (Donald Trump) ఇప్ప‌టికే ప్ర‌క‌టించిన విష‌యం తెలిసిందే. ఇక ఇదే విష‌యాన్ని ఇజ్రాయెల్ ప్ర‌ధాన మంత్రి బెంజ‌మిన్ నెత‌న్యాహు (Benjamin Netanyahu)కు కూడా ట్రంప్ చెప్పార‌ట‌. యుద్ధాన్ని ముగించే స‌మ‌యం వ‌చ్చిందంటూ నెత‌న్యాహుకు ట్రంప్ ఫోన్ చేసిన చెప్పిన‌ట్లు అమెరికాకు చెందిన‌ ఉన్న‌త‌స్థాయి అధికారిని ఉటంకిస్తూ అంత‌ర్జాతీయ మీడియా నివేదించింది.

యాక్సియోస్‌ కథనం ప్ర‌కారం.. ఇజ్రాయెల్‌ ప్రధాని (Israel PM)తో అధ్య‌క్షుడు ట్రంప్ ఫోన్‌లో మాట్లాడారు. ఇరాన్‌తో శాంతి ఒప్పందం కేవలం మరికొన్ని రోజుల్లోనే కుదిరే అవకాశం ఉందని ఇజ్రాయెల్ ప్ర‌ధానికి ట్రంప్‌ చెప్పారు. "ఇది చాలా గొప్ప ఒప్పందం.. యుద్ధాన్ని ముగించే సమయం వచ్చేసింది" అని నెత‌న్యాహుతో ఫోన్ కాల్ సంభాష‌ణ‌లో ట్రంప్ అన్నారు. ఇరాన్ అణు కార్య‌క్ర‌మానికి సంబంధించిన ఆందోళ‌న‌ల‌ను ప‌రిష్క‌రిస్తార‌న్న న‌మ్మ‌కం త‌న‌కు ఉంద‌ని ఇజ్రాయెల్ ప్ర‌ధాని ట్రంప్‌తో అన్నార‌ట‌. మ‌రోవైపు వాషింగ్ట‌న్‌, టెహ్రాన్ రెండు దేశాల అధికారులు కూడా డీల్ ముగింపు ద‌శ‌కు వ‌చ్చింద‌ని, అయితే అది ఇంకా పూర్తిగా ఖ‌రారు కాలేద‌ని పేర్కొంటున్నారు.

Also Read..

అమెరికా గ్రాండ్ విక్ట‌రీ.. పరాగ్వేపై గోల్స్ మోత

నేల‌కొరుగుతున్న విద్యుత్ తీగ‌లు.. ప్రాణాలు కోల్పోతున్న ప్ర‌జ‌లు.. టీజీఎస్పీడీసీఎల్ కీల‌క ప్ర‌క‌ట‌న‌

అభిషేక్‌ నాకు కొడుకు లాంటివాడు.. క్ష‌మించ‌డం తండ్రిగా నా బాధ్య‌త.. క‌ళ్యాణ్ బెన‌ర్జీ యూటర్న్‌