Donald Trump | ప్ర‌యాణికుల ఫ్లైట్‌కు ద‌గ్గ‌ర‌గా వెళ్లిన ట్రంప్ మెరైన వ‌న్ హెలికాప్ట‌ర్

Donald Trump | త్రినేత్ర‌.న్యూస్ : అమెరికా అధ్య‌క్షుడు డొనాల్డ్ ట్రంప్ (Donald Trump)కు తృటిలో పెను ప్ర‌మాదం త‌ప్పింది. ఆయ‌న ప్ర‌యాణిస్తున్న మెరైన వ‌న్ హెలికాప్ట‌ర్ (Marine One helicopter) ప్ర‌యాణికుల విమానానికి (passenger jet) అతి స‌మీపంలోకి వెళ్లింది. అయితే, ఎయిర్ ట్రాఫిక్ కంట్రోల్ అప్ర‌మ‌త్త‌త‌తో పెను ప్ర‌మాదం త‌ప్పింది.

రోనాల్డ్ రీగన్ వాషింగ్టన్ నేషనల్ ఎయిర్‌పోర్ట్ (Ronald Reagan Washington National Airport) సమీపంలో మంగ‌ళ‌వారం ఈ ఘ‌ట‌న చోటు చేసుకుంది. కాలిఫోర్నియా వెళ్లేందుకు అధ్య‌క్షుడు మ‌ధ్యాహ్నం 2:33 గంటలకు వైట్‌హౌస్ నుంచి మెరైన్ వన్ హెలికాప్టర్‌లో బ‌య‌ల్దేరారు. ట్రంప్ హెలికాప్ట‌ర్ రొనాల్డ్ రీగ‌న్ ఎయిర్‌పోర్ట్ స‌మీపంలోకి వ‌స్తున్న స‌మ‌యంలో ఫ్లోరిడా వెళ్తున్న ప్ర‌యాణికుల విమానం ఒక్క‌సారిగా గాల్లోకి ఎగిరింది. రెండు విమానాలూ దాదాపు చాలా దాగ్గ‌రగా వ‌చ్చాయి. నిబంధనల ప్రకారం ప్రెసిడెంట్ హెలికాప్టర్ వెళ్లే సమయంలో కమర్షియల్ విమానాల రాకపోకలను ట్రాఫిక్ కంట్రోలర్లు నిలిపివేయాలి. కానీ ఆ నిబంధన పాటించకపోవడంతో రెండు విమానాల మధ్య గ్యాప్ తగ్గి 'లాస్ ఆఫ్ సెపరేషన్' ఏర్పడింది. గ‌మ‌నించిన ఎయిర్ ట్రాఫిక్ కంట్రోల్ సిబ్బంది వెంట‌నే పైలెట్ల‌ను అప్ర‌మ‌త్తం చేశారు. దీంతో పెను ప్ర‌మాదం త‌ప్పిన‌ట్లైంది. ఘటనపై ఫెడరల్ ఏవియేషన్ అడ్మినిస్ట్రేషన్ (FAA), నేషనల్ ట్రాన్స్‌పోర్టేషన్ సేఫ్టీ బోర్డ్ (NTSB) దర్యాప్తునకు ఆదేశించాయి.

Also Read..

ఒక్క రోజులోనే రూ.28వేలు పెరిగిన ప‌సిడి ధ‌ర‌.. మ‌ళ్లీ రెక్క‌లు..

భారీ వ‌ర్షానికి కూలిన ఇల్లు.. నాలుగు నెల‌ల ప‌సికందు స‌హా ఆరుగురు మృతి

ఉన్న ఒక్క ఎమ్మెల్యే కూడా క‌న్నుమూశారు.. యూపీలో బీఎస్పీకి ఎదురుదెబ్బ‌