House collapses | భారీ వ‌ర్షానికి కూలిన ఇల్లు.. నాలుగు నెల‌ల ప‌సికందు స‌హా ఆరుగురు మృతి

House collapses | త్రినేత్ర‌.న్యూస్ : ఉత్త‌ర‌ప్ర‌దేశ్‌లో (Uttar Pradesh) ఘోర ప్ర‌మాదం చోటు చేసుకుంది. భారీ వ‌ర్షాల కార‌ణంగా ప్ర‌తాప్‌గ‌ఢ్ (Pratapgarh) జిల్లాలో సుమారు వందేళ్ల నాటి పురాత‌న భ‌వ‌నం కుప్ప‌కూలిపోయింది (House collapses). ఈ ఘ‌ట‌న‌లో ఒకే కుటుంబానికి చెందిన ఆరుగురు మృతి చెందారు. మృతుల్లో నాలుగు నెల‌ల ప‌సికందు కూడా ఉండ‌టం క‌ల‌చివేస్తోంది.

యూపీ వ్యాప్తంగా భారీ వ‌ర్షాలు కురుస్తున్నాయి. ప్ర‌తాప్‌గ‌ఢ్ జిల్లాలో బుధ‌వారం రాత్రి నుంచి కుండ‌పోత వ‌ర్షం ప‌డుతోంది. ఈ వ‌ర్షానికి మ‌హూలీ బ‌జార్‌లో ఉన్న ఓ పురాత‌న ఇల్లు తెల్ల‌వారుజామున 2 గంట‌ల ప్రాంతంలో ఒక్క‌సారిగా కూలిపోయింది. ఆ స‌మ‌యంలో ఆ ఇంట్లోని వాళ్లంతా గాఢ నిద్ర‌లో ఉన్నారు. వారంతా శిథిలాల కిందే స‌మాధి అయ్యారు. మృతుల్లో ఇద్ద‌రు శిశువులు (నాలులు నెల‌లు, రెండేళ్ల పిల్ల‌లు) కూడా ఉన్నట్లు పోలీసులు తెలిపారు. ఈ ప్ర‌మాదంలో ఓ యువ‌కుడు గాయాల‌తో బ‌య‌ట‌ప‌డ్డారు. ప్ర‌స్తుతం అత‌ను ఆసుప‌త్రిలో చికిత్స పొందుతున్న‌ట్లు సిటీ స‌ర్కిల్ ఆఫీస‌ర్ ఆశుతోష్ మిశ్రా తెలిపారు.

Also Read..

ఉన్న ఒక్క ఎమ్మెల్యే కూడా క‌న్నుమూశారు.. యూపీలో బీఎస్పీకి ఎదురుదెబ్బ‌

స్వ‌ల్ప లాభాల్లో ట్రేడ‌వుతున్న సూచీలు.. పెట్టుబ‌డిదారుల‌పై అమ్మ‌కాల ఒత్తిడి..

4098 పోస్టుల‌తో ఆర్ఆర్‌బీ జూనియ‌ర్ ఇంజినీర్ నోటిఫికేష‌న్‌..