US Strikes | మ‌రోసారి భ‌గ్గుమ‌న్న ప‌శ్చిమాసియా.. ఇరాన్ స్థావ‌రాల‌పై అమెరికా ఆత్మ‌ర‌క్ష‌ణ‌ దాడులు

US Strikes | ప‌శ్చిమాసియాలో ఉద్రిక్త‌త‌లు ఇప్పుడ‌ప్పుడే చ‌ల్లారేలా క‌నిపించ‌డం లేదు. తాజాగా దాడులు ప్ర‌తిదాడుల‌తో మ‌ధ్య‌ప్రాచ్యం మ‌రోసారి భ‌గ్గుమంది. సంక్షోభానికి ముగింపు పలికేందుకు దోహా వేదిక‌గా కీల‌క చ‌ర్చ‌లు జ‌రుగుతుండ‌గానే.. ఇరాన్‌-అమెరికా మాత్రం భీక‌ర దాడులు చేసుకుంటున్నాయి. తాజాగా ఇరాన్‌లోని సైనిక ల‌క్ష్యాలపై అమెరికా విరుచుకుప‌డింది (US Strikes). రాడార్ వ్య‌వ‌స్థ‌లు, డ్రోన్ క‌మాండ్ అండ్ కంట్రోల్ కేంద్రాల‌పై దాడులు చేసింది. ఈ విష‌యాన్ని అమెరికా సెంట్ర‌ల్ క‌మాండ్ (US Central Command) ఎక్స్ వేదిక‌గా వెల్ల‌డించింది. ఇరాన్‌లోని గోరుక్‌, కేష్మ్ ద్వీపాల్లోని స్థావ‌రాల‌ను ల‌క్ష్యంగా చేసుకొని దాడులు జ‌రిపిన‌ట్లు తెలిపింది.

త‌మ MQ-1 డ్రోన్‌ను కూల్చివేసిన నేపథ్యంలో ఆత్మ‌ర‌క్ష‌ణ కోస‌మే ఈ దాడులు చేసిన‌ట్లు యూఎస్ సెట్ర‌ల్ క‌మాండ్ వెల్ల‌డించింది. "ఇరాన్‌లోని గోరుక్, కేష్మ్ ద్వీపం (Qeshm Island)లో ఉన్న ఇరాన్ రాడార్, డ్రోన్ కమాండ్ అండ్ కంట్రోల్ కేంద్రాలపై యుఎస్ సెంట్రల్ కమాండ్ (CENTCOM) ఆత్మరక్షణ దాడులను నిర్వహించింది" అని పేర్కొంది. అమెరికా డ్రోన్‌ను కూల్చివేసినందుకు ప్రతిచర్యగానే ఈ చర్య తీసుకున్నట్లు స్పష్టం చేసింది. మ‌రోవైపు.. ఇరాన్ భూభాగంపై దాడులు చేసేందుకు అమెరికా ఉప‌యోగించిన సైనిక స్థావ‌రాన్ని తాము ల‌క్ష్యంగా చేసుకున్న‌ట్లు ఇరాన్ ఇస్లామిక్ రివ‌ల్యూష‌న‌రీ గార్డ్ కార్ప్స్ వెల్ల‌డించింది. అయితే, ఆ సైనిక స్థావరం ఎక్క‌డ ఉంద‌నే విష‌యాన్ని మాత్రం ఐఆర్‌జీసీ వెల్ల‌డించలేదు.

Also Read..

సుప్రీంకోర్టుకు ఐదుగురు కొత్త న్యాయమూర్తుల నియామ‌కం

హైదరాబాద్‌లో ఆర్సీబీ అభిమానుల ర‌చ్చ‌.. లాఠీలకు ప‌నిచెప్పిన పోలీసులు.. వీడియో

శంషాబాద్ విమానాశ్ర‌యంలో భారీగా డ్ర‌గ్స్ సీజ్‌