Donald Trump | ట్రంప్‌కు గ‌ట్టి షాక్‌.. ఇరాన్‌పై సైనిక చర్యను నిలిపివేసే తీర్మానానికి ప్రతినిధుల సభ ఆమోదం

Donald Trump | ప‌శ్చిమాసియాలో గ‌త మూడు నెల‌లుగా సాగుతున్న యుద్ధాన్ని ముగించే దిశ‌గా కీల‌క ముంద‌డుగు ప‌డింది. ఇరాన్ యుద్ధం (Iran war) విష‌యంలో అమెరికా అధ్య‌క్షుడు డొనాల్డ్ ట్రంప్ (Donald Trump)కు గ‌ట్టి షాక్ త‌గిలింది. టెహ్రాన్‌పై సైనిక చ‌ర్య‌ను నిలిపివేసే తీర్మానానికి అమెరికా ప్రతినిధుల సభ (House of Representatives) బుధవారం ఆమోదం తెలిపింది.

ఇరాన్‌పై సైనిక చర్యలకు దిగే విషయంలో అధ్యక్షుడి అధికారాలను నియంత్రించేందుకు ఉద్దేశించిన వార్ పవర్స్ రిజల్యూషన్ తీర్మానాన్ని స‌భ‌లో (US House) ప్ర‌వేశ‌పెట్టారు. దీనిపై ఓటింగ్ జ‌ర‌గ్గా.. 215 ఓట్లు అనుకూలంగా, 208 ఓట్ల వ్యతిరేకంగా వ‌చ్చాయి. న‌లుగురు రిప‌బ్లిక‌న్ (Republicans) ప్ర‌తినిధులు కూడా డెమోక్రాట్లతో (Democrats) కలిసి ఈ తీర్మానానికి మద్దతు తెలప‌డం ప్ర‌స్తుతం చ‌ర్చ‌నీయాంశంగా మారింది. ఈ తీర్మానం ఆమోదం పొంద‌డంతో.. కాంగ్రెస్‌ స్పష్టమైన అనుమతి లేకుండా ఇరాన్‌లో గానీ, ఇరాన్‌కు వ్యతిరేకంగా గానీ జరిగే ఘర్షణల్లో అమెరికా సైన్యం పాల్గొనేందుకు వీలుండ‌దు. దీంతో ట్రంప్‌ యుద్ద వ్యూహానికి గట్టి ఎదురుదెబ్బ తగిలిన‌ట్లైంది. మరోవైపు ఈ తీర్మానం ఆమోదం పొందడంతో సభలో హర్షధ్వానాలు మిన్నంటాయి.

ఆప‌రేష‌న్ ఎపిక్ ఫ్యూరీ ముగిసింది..

తాజా ప‌రిణామాల నేప‌థ్యంలో అమెరికా విదేశాంగ మంత్రి మార్కో రుబియో కీల‌క ప్ర‌క‌ట‌న చేశారు. ఇరాన్‌పై అమెరికా చేప‌ట్టిన ఆప‌రేష‌న్ ఎపిక్ ఫ్యూరీ ముగిసింద‌ని ప్ర‌క‌టించారు. ఈ ఆప‌రేష‌న్ అమెరికా విజ‌యం సాధించిన‌ట్లు హౌస్ ఫారెన్ అఫైర్స్ క‌మిటీకి చెప్పారు. ఇరాన్ రక్షణ రంగ పరిశ్రమలను దెబ్బతీశామని వెల్లడించారు. ఇకపై ఇరాన్ సైనిక సామర్థ్యాలను దెబ్బ తీసేందుకు అమెరికా దాడులు చేయబోదని స్ప‌ష్టం చేశారు.

Also Read..

న‌ష్టాల్లో ప్రారంభ‌మైన దేశీయ స్టాక్ మార్కెట్లు.. స్వ‌ల్పంగా త‌గ్గిన చ‌మురు ధ‌ర‌లు..

నేడు తెలంగాణ ఉద్య‌మ‌కారుల గుర్తింపు క‌మిటీ భేటీ

ఐసీయూలో చెల‌రేగిన అగ్నికీల‌లు.. న‌లుగురు రోగులు మృతి