Donald Trump | ప్రపంచ శాంతికి ఇది గొప్ప రోజు.. సీజ్​ఫైర్​పై ట్రంప్

Donald Trump | ఇరాన్‌తో కుదిరిన‌ కాల్పుల విర‌మ‌ణ‌పై (ceasefire) అమెరికా అధ్య‌క్షుడు డొనాల్డ్ ట్రంప్ (Donald Trump) తాజాగా స్పందించారు. ప్ర‌పంచ శాంతికి ఇదో గొప్ప రోజుగా అభివ‌ర్ణించారు. ఈ మేరకు ఆయన ట్రూత్‌ సోషల్‌లో ఒక పోస్ట్ చేశారు. హర్మూజ్ జలసంధిలో (Strait of Hormuz) పేరుకుపోయిన ట్రాఫిక్ పునరుద్ధరణకు సాయం చేస్తామ‌ని ఈ సంద‌ర్భంగా ట్రంప్ హామీ ఇచ్చారు.

"ప్రపంచ శాంతికి ఇది ఒక గొప్ప రోజు. ఇరాన్ ఇదే కోరుకుంటోంది. వారు ఇక చాల‌ని భావిస్తున్నారు. అదేవిధంగా యుద్ధం ఆగాల‌ని ప్ర‌పంచం మొత్తం కోరుకుంటోంది. హ‌ర్మూజ్ జ‌ల‌సంధిలో ట్రాఫిక్ పున‌రుద్ధ‌ర‌ణ‌కు అమెరికా సాయం చేస్తుంది. అంతేకాదు, అక్క‌డ చాలా సానుకూల చ‌ర్య‌లు ఉండ‌బోతున్నాయి. పెద్ద మొత్తంలో డ‌బ్బులు సంపాదించే అవ‌కాశం ఉంటుంది. ఇరాన్ త‌న దేశాన్ని పున‌ర్నిర్మించుకునే ప‌నులు మొద‌లు పెట్టొచ్చు. అన్ని విధాలుగా సాయం చేసేందుకు సిద్ధంగా ఉన్నాం. ఇవ‌న్నీ స‌జావుగా సాగుతాయ‌ని నాకు న‌మ్మ‌కం ఉంది. అమెరికాలాగే ఇరాన్‌కు కూడా మంచి రోజులు రానున్నాయి. రాబోయే రోజుల్లో ప‌శ్చిమాసియాలో (Middle East) స్వ‌ర్ణ యుగం ఉండ‌బోతుంది" అని ట్రంప్ త‌న పోస్టులో రాసుకొచ్చారు.

Also Read..

ట్రంప్ నిర్ణ‌యానికి ఇజ్రాయెల్ మ‌ద్ద‌తు.. కానీ

యుద్ధానికి బ్రేక్‌.. ఇరాన్ 10 సూత్రాల ప్ర‌తిపాద‌న ఇదే..

రెపో రేటు య‌థాత‌థం.. ఆర్‌బీఐ కీల‌క నిర్ణ‌యాలు..