Israel | ట్రంప్ నిర్ణ‌యానికి ఇజ్రాయెల్ మ‌ద్ద‌తు.. కానీ

Israel | ఈ రాత్రి ఇరాన్‌కు కాల‌రాత్రే.. ఈ రాత్రితో ఇరాన్‌ నాగరికత అంతమవుతుందని బీరాలు పోయిన అమెరికా అధ్య‌క్షుడు డొనాల్డ్ ట్రంప్ (Donald Trump) చివ‌రికి కాల్పుల విర‌మ‌ణ‌కు (ceasefire) అంగీక‌రించారు. ఇరాన్‌పై (Iran) దాడిని తాత్కాలికంగా విర‌మించుకున్న‌ట్లు ప్ర‌క‌టించారు. హర్మూజ్‌ జలసంధిని (Strait of Hormuz) తెరిచేందుకు మరో రెండు వారాలు గడువు ఇచ్చారు. ఈ నేప‌థ్యంలో ట్రంప్ నిర్ణ‌యాన్ని ఇజ్రాయెల్ (Israel) స్వాగ‌తించింది. ఇరాన్‌పై దాడులను రెండు వారాల పాటు నిలిపివేయాలన్న అమెరికా నిర్ణయానికి తాము మద్దతు ఇస్తున్నట్లు ఇజ్రాయెల్ ప్ర‌ధాని కార్యాల‌యం ప్రకటించింది. అయితే, ఈ ఒప్పందం లెబనాన్‌కు (Lebanon) వర్తించదని స్పష్టం చేసింది.

అమెరికా, ఇజ్రాయెల్, అరబ్ దేశాలకు ఎటువంటి అణు, క్షిపణి, ఉగ్రవాద ముప్పు లేకుండా చేసేందుకు అమెరికా చేస్తున్న ప్రయత్నాలకు ఇజ్రాయెల్ మద్దతు ఇస్తుందని ప్రధాని బెంజిమిన్ నెతన్యాహు వెల్లడించారు. అయితే రెండు వారాల కాల్పుల విరమణ నిబంధనలు లెబనాన్‌కు వర్తించవని ఆయన వెల్లడించారు. దీంతో హెజ్బొల్లా ల‌క్ష్యంగా టెల్ అవీవ్ విధ్వంస‌కాండ కొన‌సాగే అవ‌కాశం ఉంది.

Also Read..

యుద్ధానికి బ్రేక్‌.. ఇరాన్ 10 సూత్రాల ప్ర‌తిపాద‌న ఇదే..

ఆమె ఆస్తి రూ.1000 కోట్ల పైనే.. త‌మిళ‌నాడు ఎన్నిక‌ల బ‌రిలో సంప‌న్న అభ్య‌ర్థి

ఇండిగో విమానాన్ని ఢీ కొట్టిన కారు