Donald Trump | అప్ప‌టి వ‌ర‌కూ టెహ్రాన్ చుట్టూనే అమెరికా సైన్యం.. ఇరాన్‌కు ట్రంప్ తాజా హెచ్చ‌రిక‌లు

Donald Trump | పశ్చిమాసియా (West Asia)లో గ‌త 39 రోజులుగా కొన‌సాగుతున్న‌ ఉద్రిక్తతలను తగ్గించే ఉద్దేశంతో అమెరికా-ఇరాన్ (US-Iran) దేశాలు రెండు వారాలపాటూ తాత్కాలికంగా కాల్పుల విరమణ ఒప్పందం (ceasefire) చేసుకున్న విష‌యం తెలిసిందే. అయిన‌ప్ప‌టికీ ప‌లు ప్రాంతాల్లో దాడులు కొన‌సాగుతుండ‌టం ఆందోళ‌న క‌లిగిస్తోంది. ఈ ఆందోళ‌న‌ల వేళ టెహ్రాన్‌కు అమెరికా అధ్య‌క్షుడు డొనాల్డ్ ట్రంప్ (Donald Trump) ఓ కీల‌క హెచ్చ‌రిక చేశారు. యుద్ధం ముగింపున‌కు సంబంధించి ఇరు దేశాల మ‌ధ్య పూర్తిస్థాయి ఒప్పందం అమ‌ల‌య్యే వ‌ర‌కూ అమెరికా ద‌ళాలు ఇరాన్ చుట్టూనే ఉంటాయ‌ని స్ప‌ష్టం చేశారు. ఈ మేర‌కు త‌న సొంత సోష‌ల్ మీడియా ప్లాట్‌ఫామ్ ట్రూత్‌లో పోస్టు పెట్టారు.

"యుద్ధం ముగింపున‌కు సంబంధించి ఇరాన్‌తో పూర్తిస్థాయి ఒప్పందం అమ‌ల‌య్యే వ‌ర‌కూ అమెరిక‌న్ నౌక‌లు, విమానాలు, అద‌న‌పు మందుగుండు సామ‌గ్రి, ఆయుధాలు, సైనిక సిబ్బంది ఇరాన్, దాని ప‌రిస‌ర ప్రాంతాల్లోనే మోహ‌రించి ఉంటాయి" అని ట్రంప్ స్ప‌ష్టం చేశారు. ఒప్పందం ప్ర‌కారం.. ఇరాన్ వ‌ద్ద ఎట్టిప‌రిస్థితుల్లోనూ అణ్వాయుధాలు ఉండ‌కూడ‌దు, హ‌ర్మూజ్‌ను తెరిచే ఉంచాల‌ని ట్రంప్ పేర్కొన్నారు. ఈ నిబంధనలను ఉల్లంఘిస్తే గతంలో ఎన్నడూ చూడని విధంగా అమెరికా భారీ దాడికి దిగుతుందని హెచ్చరించారు.

Also Read..

ప్ర‌తి బ్యారెల్‌కు ఒక డాల‌ర్‌.. లేదంటూ ధ్వంస‌మే.. హ‌ర్మూజ్‌పై ప‌ట్టుకు ఇరాన్ కొత్త ప్లాన్‌

లెబ‌నాన్‌పై ఇజ్రాయెల్ భీక‌ర దాడులు.. 250 మంది మృతి.. హ‌ర్మూజ్‌ను మూసివేసిన ఇరాన్

హెచ్‌ఐవీ ఒక‌ప్పుడు ప్రాణాంతక‌మే.. కానీ ఇప్పుడు కాదు: కేబుల్ బ్రిడ్జ్‌పై అవ‌గాహ‌న కార్య‌క్ర‌మంలో మంత్రి దామోద‌ర‌