Benjamin Netanyahu | నేను బ‌తికే ఉన్నాను.. అమెరికా రాయ‌బారితో ఇజ్రాయెల్ ప్ర‌ధాని ఆస‌క్తిక‌ర సంభాష‌ణ‌

Benjamin Netanyahu | ఇరాన్ దాడుల్లో ఇజ్రాయెల్ ప్రధాని బెంజమిన్ నెతన్యాహు (Benjamin Netanyahu) చనిపోయారంటూ గత కొద్ది రోజులుగా జోరుగా ప్రచారం (Death Rumours) జరుగుతోంది. అయితే తాను బతికే ఉన్నానని, ఎలాంటి దాడీ జరగలేదని నిరూపించుకునేందుకు నెతన్యాహు పడుతున్న కష్టాలు అన్నీ ఇన్నీ కావు. ఇప్ప‌టికే ఓ ప‌లు వీడియోలు రిలీజ్ చేసిన నెత‌న్యాహు.. తాజాగా మ‌రోసారి తాను బ‌తికే ఉన్నాన‌ని నిరూపించుకునే ప్ర‌య‌త్నం చేశారు. ఈ సారి ఆయ‌న ఇజ్రాయెల్‌లోని అమెరికా రాయబారి (US Envoy) మైక్ హకబీని క‌లిసిన వీడియోను ఎక్స్‌లో పోస్టు చేశారు.

ఈ వీడియోలో హ‌క‌బీ, నెత‌న్యాహు ఇద్ద‌రూ మాట్లాడుకుంటూ క‌నిపించారు. ఈ సంద‌ర్భంగా హ‌క‌బీ మాట్లాడుతూ.. మీరు క్షేమంగా ఉన్నారో లేదో కనుక్కోవాలని డొనాల్డ్ ట్రంప్ నన్ను వ్య‌క్తిగ‌తంగా ఇక్క‌డికి పంపారు అంటూ ఇజ్రాయెల్ ప్ర‌ధానితో అన్నారు. మిమ్మ‌ల్ని చూసినందుకు సంతోషంగా ఉంది అంటూ పేర్కొన్నారు. దీనికి నెత‌న్యాహు స్పందిస్తూ.. అవును మైక్ నేను బ‌తికే ఉన్నాను అంటూ బ‌దులిచ్చారు. ఈ వీడియో ప్ర‌స్తుతం వైర‌ల్ అవుతోంది.

ఈ సంద‌ర్భంగా అమెరికా రాయ‌బారికి ఓ పంచ్ కార్డును చూపించారు నెత‌న్యాహు. ఇందులో ఉన్న ఇద్ద‌రి పేర్ల‌ను చెరిపేశామ‌ని.. ఈ బ్యాచ్‌లో ఇంకా ఎంతమంది ఉన్నారో చూడండి అంటూ పేర్కొన్నారు. అందులో ఉన్న వారిని తుడిచిపెట్టేస్తున్నాం అంటూ ఇరాన్‌పై త‌న వైఖ‌రిని స్ప‌ష్టం చేశారు. నెత‌న్యాహు పంచ్ కార్డుకు హ‌క‌బీ స్పందిస్తూ.. ఇందులో నాపేరు లేక‌పోవ‌డం మంచి విష‌యం అంటూ చ‌మ‌త్క‌రించారు. దీనికి నెతన్యాహు నవ్వుతూ.. మీరు మంచి వాళ్ల లిస్ట్‌లో ఉన్నారు అంటూ బ‌దులిచ్చారు.

https://x.com/netanyahu/status/2033938254831956091

Also Read..

LPG Cylinder | తాళం వేసిన ఉన్న ఇంట్లో.. న‌గ‌ల‌తోపాటు గ్యాస్ సిలిండ‌ర్ ఎత్తుకెళ్లిన దొంగ‌

Assembly Budget Session | మూడో రోజుకు అసెంబ్లీ స‌మావేశాలు.. నేడు శాస‌న స‌భ‌లో మూసీ పునరుజ్జీవంపై చర్చ

Rythu Bharosa | కొత్త వారికీ రైతుభ‌రోసా.. ప్రారంభ‌మైన‌ ద‌ర‌ఖాస్తులు.. ఏయే ప‌త్రాలు ఉండాలంటే?