LPG Cylinder | తాళం వేసిన ఉన్న ఇంట్లో.. న‌గ‌ల‌తోపాటు గ్యాస్ సిలిండ‌ర్ ఎత్తుకెళ్లిన దొంగ‌

LPG Cylinder | త్రినేత్ర‌.న్యూస్‌: ఇరాన్‌, ఇజ్రాయెల్‌-అమెరికా యుద్ధంతో దేశంలో వంట‌ గ్యాస్ కొర‌త ఏర్ప‌డింది. దీంతో దొంగ‌లూ ఇండ్ల‌లో నుంచి ఎల్పీజీ సిలిండ‌ర్లు (LPG Cylinder) ఎత్తుకెళ్తున్నారు. ఈ ఘ‌ట‌న మ‌ధ్య‌ప్ర‌దేశ్‌లోని (Madhya Pradesh) శివ‌పురి జిల్లాలో చోటుచేసుకున్న‌ది.

శివ‌పురి ప‌ట్ట‌ణంలోని కృష్ణాపురం కాల‌నీకి చెందిన నీతు రావ‌త్ సోమ‌వారం త‌న త‌ల్లిగారింటికి వెళ్లారు. మరుస‌టి రోజు సాయంత్రం (మార్చి 17) త‌న నివాసానికి తిరిగి వ‌చ్చారు. దీంతో తాళం తీసి ఇంట్లో చూడ‌గా అంతా చింద‌ర‌వంద‌ర‌గా ప‌డి ఉన్నాయి. బంగారు వెండి న‌గ‌ల‌తోపాటు న‌గ‌దు, విలువైన డాక్యుమెంట్లు, గ్యాస్ సిలిండ‌ర్ కూడా ఎత్తుకెళ్లాడు.

బాధితురాలి ఫిర్యాదుతో కేసు న‌మోదుచేసిన పోలీసులు ద‌ర్యాప్తు ప్రారంభించారు. ఇంటి స‌మీపంలో ఉన్న సీసీటీవీ ఫుటేజీని ప‌రిశీలించ‌గా.. దుండ‌గుడు త‌న భుజంపై గ్యాస్ సిలిండ‌ర్ తీసుకెళ్తు క‌నిపించాడు. దీని ఆధారంగా దొంగ‌ను ప‌ట్టుకునేందుకు గాలింపు చేప‌ట్టారు.