Yuval Blumberg | ట్రంప్ ఉన్న ఈ రెండేళ్లలోనే ఇరాన్ పని పూర్తి చేయాలి.. లేదంటే ఇజ్రాయెల్ ఉనికికే ముప్పు

• ఇజ్రాయెల్ ఉనికికే పెను ముప్పు
• ట్రంప్ ఉన్న రెండేళ్లే కీలకం
• అంతర్గత వివాదాలు కేవలం డైవర్షన్ మాత్రమే
• నెతన్యాహు నాయకత్వమే శ్రీరామరక్ష
• సంచలన ప్రకటనను షేర్ చేసిన ఇజ్రాయెల్ ప్రధాని

Yuval Blumberg | త్రినేత్ర న్యూస్ : ఇరాన్ అణు కార్యక్రమం, ఇజ్రాయెల్ భద్రతపై ప్రధాని బెంజమిన్ నెతన్యాహు సోషల్ మీడియా (X) వేదికగా షేర్ చేసిన ఒక సుదీర్ఘ ప్రకటన ఇప్పుడు అంతర్జాతీయ రాజకీయాల్లో పెను సంచలనం రేపుతోంది.  "యువల్ బ్లుమ్‌బర్గ్ (Yuval Blumberg) చేసిన ఈ కీలక వ్యాఖ్యలను చదవండి" అంటూ నెతన్యాహు ఈ పోస్ట్‌ను పంచుకున్నారు. యువల్ బ్లుమ్‌బర్గ్ ఎవరో కాదు ఇజ్రాయెల్‌కు చెందిన ఇంజినీర్, రైట్ వింగ్ పొలిటికల్ కామెంటేటర్, రచయిత. ఇరాన్ నుంచి పొంచి ఉన్న అణు ముప్పును ఎదుర్కోవడానికి అమెరికా అధ్యక్షుడు డొనాల్డ్ ట్రంప్ పదవీకాలంలో మిగిలి ఉన్న ఈ రెండేళ్లే ఇజ్రాయెల్‌కు అత్యంత కీలకమైన సమయమని ఆయన స్పష్టం చేశారు.

"దేశం మధ్యలో రెండు అణుబాంబులు పడితే ఎవరు పట్టించుకుంటారు?"

ఇజ్రాయెల్ ప్రస్తుతం అత్యంత తీవ్రమైన ఉనికి సంక్షోభాన్ని (Existential Danger) ఎదుర్కొంటోందని ఆ ప్రకటనలో పేర్కొన్నారు. ఇరాన్ గనుక న్యూక్లియర్ వెపన్స్ (అణ్వాయుధాలు) సొంతం చేసుకుంటే ఇక ఏదీ మునుపటిలా ఉండదని.. ఇరాన్, షియా కూటమి నుంచి పొంచి ఉన్న ముప్పు ముందు మిగతా విషయాలన్నీ చాలా చిన్నవని స్పష్టం చేశారు.

"దేశంలో అప్పుడప్పుడూ ఉద్దేశపూర్వకంగా సృష్టిస్తున్న రాజకీయ తుపానులు, వివాదాలన్నీ అసలు సమస్య నుంచి దృష్టి మళ్లించే కుట్రలే. ఖతార్ వ్యవహారం, హరేదిమ్ (Haredim) సైనిక నియామకాలు, ఉరిక్ (Urik), అలర్ట్స్.. ఇవన్నీ ఇరాన్‌లో మనం పూర్తి చేయాల్సిన అసలు పనిని మరుగున పెట్టేందుకు వేస్తున్న ఒక భారీ స్మోక్‌స్క్రీన్ (Smokescreen) మాత్రమే. ఒకవేళ దేశం నడిబొడ్డున రెండు అణుబాంబులు పడితే.. ఈ ఫేక్ వివాదాల గురించి అప్పుడు ఎవరు పట్టించుకుంటారు?" అని బ్లుమ్‌బర్గ్ ప్రశ్నించారు.

"ట్రంప్ ఉన్న ఈ రెండేళ్లే మనకు చారిత్రక అవకాశం"

ఇరాన్‌లో చేపట్టిన మిషన్‌ను పూర్తి చేయడానికి ఇజ్రాయెల్‌కు ఉన్న సమయం చాలా తక్కువని ఆ పోస్ట్‌లో హెచ్చరించారు.

"ఇరాన్‌లో అసంపూర్తిగా ఉన్న పనిని ముగించడానికి మనకు ట్రంప్ హయాంలో మరో రెండేళ్ల సమయం మాత్రమే ఉంది. ఆ తర్వాత అమెరికాలో ఎవరు అధికారంలోకి వస్తారో చెప్పలేం.. అది కమలా హారిస్ కావచ్చు లేదా మరెవరైనా సాధారణ వ్యక్తి కావచ్చు. కాబట్టి రాబోయే ఏళ్లలో మన భౌతిక ఉనికిని కాపాడుకోవడానికి ఉన్న ఈ కొద్దిపాటి సమయాన్ని సద్వినియోగం చేసుకోవాలి. దేశంలోని సమస్త వనరులను ఈ మిషన్ కోసమే పెట్టుబడిగా పెట్టాలి. ఈ చారిత్రక అవకాశాన్ని గనుక మనం జారవిడుచుకుంటే భవిష్యత్ తరాలు మనల్ని ఎప్పటికీ క్షమించవు" అని పేర్కొన్నారు.

"ట్రంప్‌తో నేరుగా మాట్లాడగలిగే సత్తా ఉన్న ప్రధానే కావాలి"

ఇజ్రాయెల్‌లో నెతన్యాహును వ్యతిరేకిస్తున్న ప్రతిపక్ష శిబిరంపై కూడా ఈ ప్రకటనలో తీవ్రస్థాయిలో విమర్శలు గుప్పించారు. ఇరాన్ అణు ముప్పును ఎదుర్కోవడం బలహీనమైన నేతల వల్ల కాదని తేల్చిచెప్పారు.

ముస్లిం బ్రదర్‌హుడ్, ఉగ్రవాద మద్దతుదారుల గుప్పిట్లో ఇరుక్కుపోయిన ప్రధానితో ఈ పని సాధ్యం కాదు.

అవసరమైనప్పుడు ఫోన్ తీసి అమెరికా అధ్యక్షుడు ట్రంప్‌తో నేరుగా, సన్నిహితంగా నిరంతరం మాట్లాడలేని ప్రధానితో ఇది జరగదు.

కనీసం ఒక టీవీ ఇంటర్వ్యూ ఒత్తిడిని కూడా తట్టుకోలేని ప్రధానితో ఈ భారీ మిషన్ పూర్తవ్వదు.

"ఒక వర్గం ప్రజల్లో నెతన్యాహుపై ఎంత తీవ్రమైన ద్వేషం ఉన్నప్పటికీ, ఆ ద్వేషం ఇరాన్ అణు ముప్పు నుంచి దేశాన్ని కాపాడలేదు. తమ ప్రాణాలు, తమ కుటుంబం, తమ ప్రియమైన వారి భవిష్యత్తుపై నిజంగానే ఆందోళన ఉన్న ప్రతి ఒక్కరూ.. ఈ మిషన్‌ను పూర్తి చేయలేని వ్యక్తులకు ఓటు వేసే ముందు ఒకటికి పదిసార్లు ఆలోచించాలి. కేవలం రాజకీయ ద్వేషంతోనో, నిరాధారమైన ఆరోపణలను నమ్మో తప్పుడు నిర్ణయం తీసుకుంటే.. తమను, తమ కుటుంబాలను 'రెండో హోలోకాస్ట్' (Second Holocaust - మారణహోమం) అనే మహా విపత్తులోకి నెట్టేసినట్లే అవుతుంది" అంటూ ఆ ప్రకటనలో హెచ్చరించారు.

תקראו את הדברים החשובים של יובל בלומברג:

מדינת ישראל נמצאת בסכנה קיומית אמיתית ומוחשית. אם האיראנים ישיגו גרעין, שום דבר כבר לא ישנה יותר. הכל כל כך טפל אל מול הסכנה הקיומית של איראן והציר השיעי.

הסערות המבוימות והמומצאות חדשות לבקרים נועדו להסיט את תשומת הלב מהדבר האחד שהוא החשוב ביותר: סיום העבודה באיראן.

זה נוגע בקיום הפיזי של כל אדם ואדם כאן.

יש לנו עוד שנתיים של טראמפ לסיים את העבודה באיראן, ואין לדעת מה יהיה לאחר מכן, אם זו תהיה קמאלה האריס, או תואם מאמדני כלשהו.

זה חלון הזמן שנותר לנו כדי להשלים את העבודה הנדרשת כדי להבטיח את הקיום הפיזי שלנו לשנים הבאות. כל משאבי המדינה הנדרשים, צריכים להיות מושקעים במשימה הזו.

קטאר, חרדים, אוריך, גיוס, התראות.
הכל מסך עשן ענקי כדי להסתיר את הנושא היחיד שניצב מעל כולם בפער.
אם יפלו במרכז הארץ שתי פצצות אטום, את מי יעניינו כל סערות הסרק האלה?

הדורות הבאים לא יסלחו לנו אם נפספס את חלון ההזדמנויות ההיסטורי שמאפשר לנו לנסות ולהשלים את המשימה הקריטית ביותר שעומדת בפני הדור שלנו.

זה לא יקרה עם ראש ממשלה שמוחזק בצווארו על ידי האחים המוסלמים וסייעני הטרור.

זה לא יקרה עם ראש ממשלה שלא מסוגל להרים את הטלפון ולנהל שיחה אינטימית רציפה עם טראמפ.

זה לא יקרה עם ראש ממשלה שלא מסוגל לעמוד בלחץ של ראיון טלויזיה.

השינאה לנתניהו, ככל שהיא עולם ומלואו עבור מחנה שלם, לא תעזור מול הגרעין האיראני.

כל אחד שדואג לקיום הפיזי שלו, של משפחתו, ושל אהוביו, ידו צריכה לרעוד לפני שהוא בוחר במישהו שלא יהיה מסוגל להשלים את המשימה, ובכך לדון את עצמו ואת משפחתו לסכנה של שואה שניה, בגלל השינאה הפוליטית שלו או בגלל סערת דמה מטופשת וחסרת חשיבות.

— Benjamin Netanyahu - בנימין נתניהו (@netanyahu) October 25, 2026