mass shooting | 8 మంది చిన్నారుల‌ను కాల్చి చంపిన వ్య‌క్తి.. మృతుల్లో ఏడుగురు అత‌డి పిల్ల‌లే

mass shooting | అమెరికాలోని లూసియానా (Louisiana) రాష్ట్రంలో ఘోరం జ‌రిగింది. ఓ వ్య‌క్తి ఎనిమిది మంది చిన్నారుల‌ను (children) కాల్చి చంపాడు (mass shooting). అందులో ఏడుగురు అత‌డి సొంత పిల్ల‌లే కావ‌డం గ‌మనార్హం. శ్రీ‌వ్‌పోర్ట్ న‌గ‌రంలో ఆదివారం ఉద‌యం ఈ ఘ‌ట‌న చోటు చేసుకుంది. ఈ కాల్పుల ఘ‌ట‌న‌లో మొత్తం 10 మంది ప్రాణాలు కోల్పోయిన‌ట్లు అధికారులు తెలిపారు. మరణించిన పిల్లల వయస్సు ఏడాది నుంచి 12 ఏళ్ల మధ్య ఉంటుందని శ్రీవ్‌పోర్ట్ (Shreveport) పోలీస్ విభాగం ప్రతినిధి క్రిస్ బోర్డెలాన్ వెల్లడించారు. ఈ ఘ‌ట‌న‌లో గాయ‌ప‌డిన వారిని చికిత్స నిమిత్తం స్థానిక ఆసుప‌త్రికి త‌ర‌లించిన‌ట్లు చెప్పారు.

బోర్డెలాన్ తెలిపిన వివ‌రాల ప్ర‌కారం.. నిందితుడిని ష‌మార్ ఎల్కిన్స్‌గా గుర్తించారు. చిన్నారుల‌పై కాల్పులు జ‌రిపిన అనంత‌రం తుపాకీతో బెదిరించి ఓ వాహనాన్ని లాక్కుని పారిపోతుండ‌గా... పోలీసులు అత‌డిపై కాల్పులు జ‌రిపారు. ఈ కాల్పుల్లో నిందితుడు హ‌త‌మ‌య్యాడు. ఈ ఘ‌ట‌న‌కు గ‌ల కార‌ణాల‌ను అధికారులు ఇంకా వెల్ల‌డించ‌లేదు. అయితే, కుటుంబ క‌ల‌హాలే ఈ హింసాకాండ‌కు కార‌ణంగా అనుమానిస్తున్నారు. ఈ మేర‌కు ఘ‌ట‌న‌పై లోతైన విచార‌ణ జ‌రుపుతున్న‌ట్లు బోర్డెలాన్ తెలిపారు. ఇది చాలా భ‌యంక‌ర‌మైన ఘ‌ట‌న‌గా ఆయ‌న అభివ‌ర్ణించారు. ఇలాంటి ఘ‌ట‌న జీవితంలో ఎప్పుడూ చూడ‌లేద‌ని ఆందోళ‌న వ్య‌క్తం చేశారు. ఎల్కిన్స్ గతంలో కూడా ఓ సారి అరెస్ట్ అయిన‌ట్లు ఈ సంద‌ర్భంగా బోర్డెలాన్ వెల్ల‌డించారు.

Also Read..

హ‌ర్మూజ్‌లో టెన్ష‌న్ టెన్ష‌న్‌.. ఇరాన్ జెండాతో వెళ్తున్న నౌక‌ను స్వాధీనం చేసుకున్న అమెరికా

కేబుల్ బ్రిడ్జిపై బెంజ్ కారు బీభ‌త్సం.. వ్య‌క్తి వృతి

హ్యాపీ బర్త్‌డే మావయ్య.. ఏపీ సీఎం చంద్రబాబుకు ఎన్టీఆర్ బ‌ర్త్‌డే విషెస్‌