Israel Strikes Iran | ఇరాన్‌పై ఇజ్రాయెల్ దాడులు.. ఖ‌మేనీ కార్యాల‌యం స‌మీపంలో పేలుళ్లు

Israel Strikes Iran | మధ్యప్రాచ్యంలో మ‌రో యుద్ధం మొద‌లైంది. అనూహ్యంగా ఇరాన్‌పై ఇజ్రాయెల్ భీక‌ర దాడులకు (Israel Strikes Iran) దిగింది. శ‌నివారం ఉద‌యం టెహ్రాన్ (Tehran)పై క్షిప‌ణులు, డ్రోన్‌ల‌తో విరుచుకుప‌డింది. దీంతో రాజ‌ధానిలో పేలుళ్ల శబ్దాలు వినిపించాయి. ఇరాన్ సుప్రీం లీడ‌ర్ (Iran Supreme Leader) అయొతుల్లా అలీ ఖ‌మేనీ (Ayatollah Ali Khamenei) కార్యాల‌యం స‌మీపంలోనే ఈ దాడులు జ‌రిగిన‌ట్లు తెలుస్తోంది. అయితే, ఆ స‌మ‌యంలో ఖ‌మేనీ త‌న కార్యాల‌యంలో ఉన్నారా..? లేదా..? అనేది తెలియ‌రాలేదు. మ‌రోవైపు ఈ దాడులు చేసింది తామే అని ఇజ్రాయెల్ ప్ర‌క‌టించింది. దీనిని ‘ఆపరేషన్‌ షీల్డ్‌ ఆఫ్‌ జూడా’గా పేర్కొంది.

త‌మ దేశంపై దాడిని అడ్డుకునేందుకు ముందు జాగ్ర‌త్త‌గా ఈ నిర్ణ‌యం తీసుకున్న‌ట్లు ఇజ్రాయెల్ ర‌క్ష‌ణ‌మంత్రి తెలిపారు. ఈ దాడులు అమెరికా-ఇజ్రాయెల్ జాయింట్ ఆప‌రేష‌న్‌గా తెలుస్తోంది. తాజా దాడుల‌ నేప‌థ్యంలో ఇరాన్ ప్ర‌తీకార దాడులు చేసే అవకాశం ఉండ‌టంతో ఇజ్రాయెల్ అప్ర‌మ‌త్త‌మైంది. ఏ క్ష‌ణ‌మైనా దాడులు జ‌రగొచ్చ‌ని పౌరులు జాగ్ర‌త్త‌గా ఉండాల‌ని హెచ్చ‌రించింది. సుర‌క్షిత ప్రాంతాల‌కు వెళ్లాల‌ని సూచించింది. టెల్ అలీవ్ (Tel Aviv)లో ప్ర‌భుత్వం సైర‌న్‌లు మోగించింది.

Also Read..

దేశ‌వ్యాప్తంగా హెచ్‌పీవీ టీకా కార్య‌క్ర‌మాన్ని ప్రారంభించిన ప్ర‌ధాని మోదీ

పెళ్లి ఫొటోలతో చ‌రిత్ర సృష్టించిన‌ విరోష్ జోడీ.. కోహ్లీ రికార్డు కూడా బ‌ద్ద‌లే

వందే భార‌త్ Vs చైనా బుల్లెట్ రైలు.. నెట్టింట విప‌రీతంగా చ‌ర్చ‌