Iran | ఇరాన్‌కు భారీ షాక్‌.. హ‌ర్మూజ్‌ను బ్లాక్ చేయ‌డంలో కీల‌కంగా వ్య‌వ‌హ‌రించిన నావికా ద‌ళం చీఫ్ హ‌తం

Iran | అమెరికా, ఇజ్రాయెల్ యుద్ధంలో ఇరాన్‌ (Iran)కు మ‌రో షాక్ త‌గిలింది. ఇప్ప‌టికే ప‌లువురు కీల‌క నేత‌ల‌ను టెహ్రాన్‌ కోల్పోయిన విష‌యం తెలిసిందే. తాజాగా ఐడీఎఫ్ దాడుల్లో ఇరాన్‌ ఎలైట్ నావెల్ ఫోర్స్ (నావికా దళం) చీఫ్‌ అలీరెజా తాంగ్సిరి (Alireza Tangsiri) మరణించారు. ఈ విష‌యాన్ని ఇజ్రాయెల్ మీడియా ధృవీక‌రించింది. పోర్ట్ సిటీ బందాకం అబ్బాస్ న‌గ‌రంపై జ‌రిగిన దాడిలో ఆయ‌న మ‌ర‌ణించిన‌ట్లు తెలిపింది. అయితే, ఈ విష‌యాన్ని ఇరాన్ ఇంకా ధృవీక‌రించ‌లేదు.

ఇరాన్ శక్తివంతమైన ఇస్లామిక్ రివల్యూషనరీ గార్డ్ కార్ప్స్ (IRGC) నౌకాదళ విభాగానికి అలీరెజా నాయకత్వం వహిస్తున్నారు. ప్ర‌పంచ ఇంధ‌న ర‌వాణాకు జీవ‌నాడి అయిన హ‌ర్మూజ్‌ జ‌ల‌సంధిని మూసివేయ‌డంలో ఆయ‌న పాత్ర కీల‌కం. ఈ జ‌ల‌సంధిని మూసివేసే బాధ్య‌త‌ను అలీరెజా స్వ‌యంగా ప‌ర్య‌వేక్షించారు. ఇప్పుడు ఆ జ‌ల‌సంధిపై ప‌ట్టు కోసం యుద్ధం సాగుతున్న వేళ ఆయ‌న మ‌ర‌ణం ఇరాన్‌కు గ‌ట్టి దెబ్బే అని చెప్పాలి.

Also Read..

Russian Oil Tanker | నల్లసముద్రంలో రష్యా చమురు ట్యాంకర్‌పై దాడి

ఐసీయూ సేవ‌లను ఆరోగ్య శ్రీలో చేర్చండి : బీఆర్ఎస్ ఎమ్మెల్యే సంజ‌య్

భూ సేక‌ర‌ణ ఆపండి.. లేదంటే ఊరుకోం.. కాంగ్రెస్ ఎమ్మెల్యేపై కాంగ్రెస్ స‌ర్పంచ్ ఫైర్