Russian Oil Tanker | నల్లసముద్రంలో రష్యా చమురు ట్యాంకర్‌పై దాడి

Russian Oil Tanker | న‌ల్ల‌స‌ముద్రంలో (Black Sea) ర‌ష్యా చ‌మురు ట్యాంక‌ర్ (Russian Oil Tanker)పై దాడి జ‌రిగింది. గురువారం తెల్లవారుజామున ఈ ఘటన చోటుచేసుకుంది. ఈ విష‌యాన్ని తుర్కియే (Turkey) రవాణా శాఖ మంత్రి అబ్దుల్ ఖాదిర్ వెల్లడించారు. తుర్కియే కంపెనీ ఆధ్వర్యంలో నడుస్తున్న ఈ నౌక విదేశీ జెండాతో ప్రయాణిస్తోంది. 10 లక్షల బ్యారెల్స్‌ ముడి చమురుతో రష్యాలోని నోవోరోస్సిస్క్ ఓడరేవు నుంచి బ‌య‌ల్దేరిన‌ట్లు స్థానిక మీడియా తెలిపింది. అర్ధ‌రాత్రి దాటిన త‌ర్వాత ఈ నౌక‌పై దాడి జ‌రిగింది.

ఇస్తాంబుల్ బోస్ఫరస్ జలసంధికి 30 కిలోమీట‌ర్ల దూరంలో ఈ దాడి జ‌రిగిన‌ట్లు మంత్రి తెలిపారు. ఓడ‌ను పూర్తిగా నిర్వీర్యం చేసే ఉద్దేశంతోనే ఇంజిన్ గ‌దిని ల‌క్ష్యంగా చేసుకుని దాడి జ‌రిపిన‌ట్లు పేర్కొన్నారు. ఇది డ్రోన్ దాడి కాద‌ని, స‌ముద్రంలోప‌ల ప్ర‌యాణించే మాన‌వ ర‌హిత నౌక ద్వారా జ‌రిగింద‌ని మంత్రి పేర్కొన్నారు. ఘటనా స్థలానికి అవసరమైన రక్షణ బృందాలను పంపిన‌ట్లు తెలిపారు. పరిస్థితిని నిరంతరం పర్యవేక్షిస్తున్నట్లు వెల్ల‌డించారు.

Also Read..

వినియోగ‌దారుల‌కు షాక్‌.. పెట్రోల్‌, డీజిల్ ధ‌ర‌లు భారీగా పెంపు

నాన్న ప్రాణాల‌తో బ‌య‌ట‌ప‌డ్డాడు.. కానీ రూ. 5 ల‌క్ష‌లు కాలిపోయాయి..

వ‌దంతులు న‌మ్మొద్దు.. స‌రిప‌డా పెట్రోల్‌, డీజిల్ ఉంది: స్టీఫెన్ రవీంద్ర