Blast Near Mosque | మ‌సీదులో భారీ పేలుడు.. 15 మంది మృతి

Blast Near Mosque | త్రినేత్ర‌.న్యూస్ : పాకిస్థాన్ (Pakistan)లో భారీ పేలుడు సంభ‌వించింది (Blast Near Mosque). ఖైబర్‌ పఖ్తుంఖ్వా ప్రావిన్స్‌లోని కోహట్ (Kohat) ప్రాంతంలో గల ఓల్డ్ పోలీస్ లైన్స్ సమీపంలోని ఓ మ‌సీదులో భారీ శబ్ధంతో పేలుడు సంభ‌వించింది. శుక్ర‌వారం మ‌ధ్యాహ్నం ప్రార్థ‌న స‌మ‌యంలో ఈ ఘ‌ట‌న చోటు చేసుకుంది. ఈ ప్ర‌మాదంలో 15 మంది ప్రాణాలు కోల్పోయారు. 25 మంది గాయ‌ప‌డ్డారు.

స్థానిక పోలీసులు తెలిపిన వివ‌రాల ప్ర‌కారం.. పేలుడు ప‌దార్థాల‌తో నిండిన ఓ వాహ‌నం ఓల్డ్ పోలీసు లైన్ గేటును ఢీ కొట్ట‌డంతో ఈ పేలుడు సంభ‌వించింది. ఆ వెంట‌నే కాల్పుల శ‌బ్దం కూడా వినిపించింది. పేలుడు ధాటికి స‌మీపంలోని మ‌సీదు తీవ్రంగా దెబ్బ‌తిన్న‌ది. స‌మాచారం అందుకున్న రెస్క్యూ టీమ్స్ హుటాహుటిన ఘ‌ట‌నాస్థ‌లికి చేరుకొని స‌హాయ‌క చ‌ర్య‌లు చేప‌ట్టారు. క్ష‌త‌గాత్రుల‌ను ఆసుప‌త్రికి త‌ర‌లించారు. గాయ‌ప‌డిన వారిలో పోలీసు సిబ్బంది కూడా ఉన్నారు.

ఆ ప్రాంతాన్ని పోలీసులు, భ‌ద్ర‌తా బ‌ల‌గాలు పూర్తిగా త‌మ ఆధీనంలోకి తీసుకున్నాయి. ఆ ప్రాంతంలో అద‌న‌పు భ‌ద్ర‌తా సిబ్బందిని మోహ‌రించారు. పేలుడు ధాటికి చుట్టుప‌క్క‌ల ఉన్న నివాస భ‌వ‌నాలు కూడా దెబ్బ‌తిన్నాయి. ఈ దాడికి ఇప్ప‌టి వ‌ర‌కూ ఎవ‌రూ బాధ్య‌త వ‌హించ‌లేదు. కుట్ర‌ వెనుక ఉన్న వ్య‌క్తుల ఆచూకీ కోసం అధికారులు ద‌ర్యాప్తు చేస్తున్నారు. మృతుల సంఖ్య మ‌రింత పెరిగే అవ‌కాశం ఉన్న‌ట్లు తెలుస్తోంది.

Also Read..

నిఠారీ వరుస హత్యల కేసు.. సురేంద‌ర్ కోలీ ఆత్మ‌హ‌త్య‌

ఫుట్‌బాల్ Vs ఎన్వలప్.. తృణ‌మూల్ కాంగ్రెస్‌కు కొత్త పేరు, గుర్తు

మ‌హిళా ఉద్యోగి నుంచి లంచం డిమాండ్‌.. ఏసీబీకి పట్టుబడిన ఇన్‌చార్జ్‌ హాస్టల్ వార్డెన్