Nizamabad | నిజామాబాద్‌లో కాంగ్రెస్ నేత దారుణ హ‌త్య‌..

Nizamabad | నిజామాబాద్ జిల్లా (Nizamabad) కాంగ్రెస్ సీనియర్ నేత‌, ఇందల్వాయి మాజీ ఎంపీపీ ఇమ్మడి గోపీ దారుణ హత్యకు గురయ్యారు. గురువారం ఉద‌యం ఇంద‌రల్వాయి మండ‌లం గౌరారం వ‌ద్ద దుండ‌గ‌లు కారుతో వేగంగా వ‌చ్చి గోపిని ఢీకొట్టారు.

Ganesh sunkari

Telangana | Published On Mar 12, 2026, 10.24 am IST

Nizamabad | నిజామాబాద్‌లో కాంగ్రెస్ నేత దారుణ హ‌త్య‌..

Nizamabad | త్రినేత్ర‌.న్యూస్‌: నిజామాబాద్ జిల్లా (Nizamabad) కాంగ్రెస్ సీనియర్ నేత‌, ఇందల్వాయి మాజీ ఎంపీపీ ఇమ్మడి గోపీ దారుణ హత్యకు గురయ్యారు. గురువారం ఉద‌యం ఇంద‌రల్వాయి మండ‌లం గౌరారం వ‌ద్ద దుండ‌గ‌లు కారుతో వేగంగా వ‌చ్చి గోపిని ఢీకొట్టారు. దీంతో తీవ్రంగా గాయ‌ప‌డిన ఆయ‌న అక్క‌డిక‌క్క‌డే మృతిచెందారు. అనంత‌రం నిందితుడు పోలీసు స్టేష‌న్‌లో లొంగిపోయాడు. నిందితుడిని గోపి ద‌గ్గ‌రి బంధువైన సతీశ్‌గా గుర్తించారు.

ఈ ఘ‌ట‌న‌పై విచార‌ణ చేప‌ట్టిన పోలీసులు.. హత్యకు గ‌ల‌ కారణాలు ఏమిటి?, ముందస్తు ప్రణాళికతోనే హత్య చేశాడా?.. అనే కోణాల్లో దర్యాప్తు చేస్తున్నారు. కుటుంబ రాజకీయ విభేదాల నేప‌థ్యంలోనే ఈ హత్య జ‌రిగిన‌ట్లు పోలీసులు ప్రాథ‌మికంగా భావిస్తున్నారు. దీనికి సంబంధించి పూర్తి వివరాలు తెలియాల్సి ఉన్న‌ది.

కాగా, ఇమ్మడి గోపీ హత్యతో గౌరవరంలో తీవ్ర ఉద్రిక్త పరిస్థితులు నెలకొన్నాయి. ఘటన తెలిసిన వెంటనే గ్రామానికి పెద్దఎత్తున చేరుకున్న‌ పోలీసులు.. ఎలాంటి అవాంఛనీయ సంఘటనలు జరగకుండా భద్రతను పెంచారు. గోపీ మరణంతో స్థానిక ప్రజలు తీవ్ర దిగ్భ్రాంతికి లోన‌య్యారు.