Bheemgal SI Tirupati | పీఎస్లో వ్యక్తి ఆత్మహత్యాయత్నం: ఎస్సై వేధింపులే కారణమంటూ వేముల ఫైర్.. రేపు ‘భీమ్గల్ బంద్’కు పిలుపు
భీమ్గల్ పోలీస్ స్టేషన్లో ఎస్సై వేధింపులతో వ్యక్తి ఆత్మహత్యాయత్నం. ఎస్సైపై హత్యాయత్నం కేసు పెట్టాలని డిమాండ్ చేస్తూ రేపు భీమ్గల్ బంద్కు వేముల పిలుపునిచ్చారు.
- భీమ్గల్ పోలీస్ స్టేషన్ ఆవరణలో ఎస్సై తిరుపతి వేధింపులు తాళలేక ఒంటిపై పెట్రోల్ పోసుకుని ఆత్మహత్యాయత్నానికి పాల్పడిన టీస్టాల్ నిర్వాహకుడు పొలాస సుధాకర్
- హోప్ హాస్పిటల్లో చికిత్స పొందుతున్న బాధితుడికి రూ.50,000 తక్షణ ఆర్థిక సాయం అందించిన మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి
- ఈ ఘటనలో పోలీసుల ప్రమేయం లేదన్న నిజామాబాద్ సీపీ వ్యాఖ్యలను ఖండిస్తూ మంగళవారం భీమ్గల్ బంద్కు పిలుపు
- ఎస్సై తిరుపతిపై తక్షణమే హత్యాయత్నం కేసు నమోదు చేసి సర్వీస్ నుంచి డిస్మిస్ చేయాలని, వైద్య ఖర్చులు ప్రభుత్వమే భరించాలని డిమాండ్
Bheemgal SI Tirupati | త్రినేత్ర న్యూస్ : నిజామాబాద్ జిల్లా బాల్కొండ నియోజకవర్గ పరిధిలోని భీమ్గల్ పోలీస్ స్టేషన్లో సోమవారం తీవ్ర విషాదం, ఉద్రిక్తత చోటుచేసుకుంది. స్థానిక ఎస్సై తిరుపతి వేధింపులు భరించలేక పొలాస సుధాకర్ అనే చిరువ్యాపారి పోలీస్ స్టేషన్ ప్రాంగణంలోనే ఒంటిపై పెట్రోల్ పోసుకుని నిప్పంటించుకున్నాడు. రోడ్డు పక్కన టీస్టాల్ నడుపుకుంటూ కుటుంబాన్ని పోషించుకునే సామాన్యుడిని ప్రాణాలు తీసుకునే స్థితికి నెట్టడంపై మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి తీవ్ర ఆగ్రహం వ్యక్తం చేశారు.
బాధితుడికి వేముల ఆర్థిక సాయం.. ప్రభుత్వంపై డిమాండ్లు
ఆత్మహత్యాయత్నంలో తీవ్రంగా గాయపడిన సుధాకర్ను తొలుత నిజామాబాద్ ప్రభుత్వ ఆసుపత్రికి, అనంతరం మెరుగైన చికిత్స కోసం ప్రైవేట్ ‘హోప్ హాస్పిటల్’కు తరలించారు. ప్రస్తుతం ఆయన పరిస్థితి విషమంగా ఉంది.
చికిత్స కోసం ఇప్పటికే రూ.80,000 వరకు ఖర్చు కాగా, ఎమ్మెల్యే వేముల ప్రశాంత్ రెడ్డి తనవంతుగా రూ.50,000 ఆర్థిక సాయాన్ని బాధితుడి కుటుంబానికి ప్రకటించారు. సుధాకర్ ప్రాణాలను కాపాడేందుకు అయ్యే మొత్తం వైద్య ఖర్చులను ప్రభుత్వమే పూర్తిస్థాయిలో భరించాలని స్పష్టం చేశారు.
సీపీ ప్రకటనపై మండిపాటు.. రేపు భీమ్గల్ బంద్
ఆసుపత్రి బెడ్పై నుంచే బాధితుడు మీడియాతో మాట్లాడుతూ భీమ్గల్ ఎస్సై తిరుపతి, ఇద్దరు కానిస్టేబుళ్లు తనను తీవ్రంగా వేధించారని స్పష్టంగా చెప్పినప్పటికీ, ఈ ఘటనలో పోలీసుల ప్రమేయం లేదని జిల్లా సీపీ ప్రకటించడం బాధ్యతారాహిత్యమని ఎమ్మెల్యే మండిపడ్డారు. ఉన్నతాధికారుల నిర్లక్ష్య వైఖరికి నిరసనగా మంగళవారం 'భీమ్గల్ బంద్'కు ఆయన పిలుపునిచ్చారు. ఈ నిరసనకు స్థానిక ప్రజలు, వ్యాపారులు సంపూర్ణ మద్దతు తెలిపి బంద్ను విజయవంతం చేయాలని కోరారు.
Also Read | సీఎం రేవంత్ అవినీతిపై రాష్ట్రపతి తక్షణమే జోక్యం చేసుకోవాలి
ఎస్సైలపై వరుస ఆరోపణలు
బాల్కొండ నియోజకవర్గంలో ఖాకీల ఆగడాలు మితిమీరిపోయాయని వేముల ధ్వజమెత్తారు.
భీమ్గల్ ఎస్సై తిరుపతి అక్రమ ఇసుక వ్యాపారులతో కుమ్మక్కై అమాయకులను స్టేషన్కు పిలిపించి చితకబాదడం అలవాటుగా మార్చుకున్నారు.
బాల్కొండ ఎస్సై శైలేందర్ అక్రమ వసూళ్లు, పంచాయితీ సెటిల్మెంట్లతో ప్రజలను భయభ్రాంతులకు గురిచేస్తున్నారు.
మోర్తాడ్ ఎస్సై రాము స్టేషన్లో దళిత వర్గానికి చెందిన గందం మహిపాల్పై దాడి చేసిన ఘటనపై హెచ్ఆర్సీ (HRC), ఎస్సీ కమిషన్కు ఫిర్యాదులు వెళ్లినా ఇప్పటికీ ఎలాంటి చర్యలు తీసుకోలేదు.
ఎస్సై తిరుపతిపై తక్షణమే హత్యాయత్నం కేసు నమోదు చేసి, సర్వీస్ నుంచి డిస్మిస్ చేయాలని వేముల డిమాండ్ చేశారు. బాధితుడు సుధాకర్కు ఏదైనా ప్రాణాపాయం జరిగితే జిల్లా పోలీస్ యంత్రాంగం, రాష్ట్ర ప్రభుత్వమే పూర్తి బాధ్యత వహించాల్సి ఉంటుందని ఆయన హెచ్చరించారు.
ఇదీ చదవండి | కోహినూర్లో 25 శాతం వాటా తీసుకున్నవ్.. అయ్యకు అబ్బకు పుడ్తే అబద్దమని చెప్పు
ట్యాగ్స్:
సంబంధిత వార్తలు

Vemula Prashanth Reddy | మేడిగడ్డ బ్యారేజ్ చెక్కుచెదరలేదు.. కాంగ్రెస్ అబద్ధాల ప్రచారం బట్టబయలైంది
నవంబర్ 3, 2026

Dubai Bathukamma Celebrations | ఎడారి గడ్డపై పూల సంబురం: దుబాయ్ బతుకమ్మ వేడుకల్లో బీఆర్ఎస్ నేతలు
అక్టోబర్ 7, 2026

Vemula Prashanth Reddy | ఎస్సై వేధింపుల వల్లే సుధాకర్ చనిపోయాడు.. ఇది ముమ్మాటికీ ప్రభుత్వ హత్యే
అక్టోబర్ 6, 2026
తాజావార్తలు
- ●Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్
- ●Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్
- ●IRCTC Tour | చలికాలంలో రూ.14 వేలకే ఊటీ టూర్.. హైదరాబాద్ నుంచి ఐఆర్సీటీసీ స్పెషల్ ప్యాకేజీ
- ●MLA Sudarshan Reddy | వచ్చే ఎన్నికల్లో పోటీకి దూరంగా ఉంటా.. కాంగ్రెస్ ఎమ్మెల్యే కీలక వ్యాఖ్యలు
- ●Elderly couple death | వృద్ధాప్య సమస్యలతో భర్త మృతి.. తట్టుకోలేక గంటల వ్యవధిలోనే భార్య కన్నుమూత
- ●Indus Water | సింధూ జలాల ఒప్పందంపై మా వైఖరి స్పష్టంగా ఉంది : భారత్

Ponnam Prabhakar | వేగంగా తెలంగాణ ఉద్యమకారుల గుర్తింపు ప్రక్రియ: పొన్నం ప్రభాకర్

Kavya Maran | సన్ గ్రూప్ ఉద్యోగులకు గోల్డ్ రింగ్స్ను గిఫ్ట్గా ఇచ్చిన కావ్య మారన్

IRCTC Tour | చలికాలంలో రూ.14 వేలకే ఊటీ టూర్.. హైదరాబాద్ నుంచి ఐఆర్సీటీసీ స్పెషల్ ప్యాకేజీ

MLA Sudarshan Reddy | వచ్చే ఎన్నికల్లో పోటీకి దూరంగా ఉంటా.. కాంగ్రెస్ ఎమ్మెల్యే కీలక వ్యాఖ్యలు



