Dubai Bathukamma Celebrations | ఎడారి గడ్డపై పూల సంబురం: దుబాయ్ బతుకమ్మ వేడుకల్లో బీఆర్ఎస్ నేతలు

Dubai Bathukamma Celebrations | త్రినేత్ర న్యూస్ : తెలంగాణ అస్తిత్వానికి, ఆడపడుచుల ఆత్మగౌరవానికి నిలువెత్తు ప్రతీకగా నిలిచే బతుకమ్మ పండుగ సంబురాలు అంతర్జాతీయ వేదికపై అంబరాన్నంటనున్నాయి. ఎమిరేట్స్ తెలంగాణ కల్చరల్ అసోసియేషన్ (ETCA) ఆధ్వర్యంలో యునైటెడ్ అరబ్ ఎమిరేట్స్ (UAE)లోని దుబాయ్‌ నగరంలో అత్యంత వైభవంగా నిర్వహించనున్న బతుకమ్మ వేడుకల్లో భారత రాష్ట్ర సమితి (BRS)కి చెందిన ఎమ్మెల్యేలు, మాజీ ఎమ్మెల్యేల బృందం పాలుపంచుకోనుంది.

కేటీఆర్ ఆదేశాలతో దుబాయ్ టూర్

దుబాయ్‌లో నిర్వహించే బతుకమ్మ ఉత్సవాలకు ముఖ్య అతిథులుగా హాజరుకావాలంటూ ETCA ప్రతినిధులు ఇటీవల బీఆర్ఎస్ వర్కింగ్ ప్రెసిడెంట్ కేటీఆర్‌ను కలిసి అధికారికంగా ఆహ్వానించారు. ప్రవాస తెలంగాణ బిడ్డల ఆహ్వానాన్ని మన్నించిన కేటీఆర్.. మాజీ మంత్రి, బాల్కొండ ఎమ్మెల్యే వేముల ప్రశాంత్ రెడ్డి నేతృత్వంలో ప్రజాప్రతినిధుల ప్రతినిధి బృందాన్ని దుబాయ్ పంపించాలని నిర్ణయించారు. స్వరాష్ట్ర సాంస్కృతిక వారసత్వాన్ని గల్ఫ్ గడ్డపై చాటిచెప్పేందుకు ఈ పర్యటన ఖరారైంది.

షబాబ్ అల్ అహ్లీ స్పోర్ట్స్ క్లబ్‌లో మెగా ఈవెంట్

అక్టోబర్ 11వ తేదీన దుబాయ్‌లోని ప్రఖ్యాత షబాబ్ అల్ అహ్లీ స్పోర్ట్స్ క్లబ్ (Shabab Al Ahli Sports Club) ప్రాంగణంలో ఈ వేడుకలు జరగనున్నాయి. మధ్యాహ్నం 3 గంటల నుంచి రాత్రి 10 గంటల వరకు నిరంతరాయంగా బతుకమ్మ ఆటపాటలు, తెలంగాణ సాంస్కృతిక కార్యక్రమాలు అలరించనున్నాయి. గల్ఫ్‌లోని తెలంగాణ మహిళలు, ప్రవాస కుటుంబాలు పెద్ద సంఖ్యలో తరలివచ్చేందుకు నిర్వాహకులు భారీ ఏర్పాట్లు చేస్తున్నారు.

హాజరుకానున్న ప్రజాప్రతినిధులు వీరే

ఈ ప్రతినిధి బృందంలో నిజామాబాద్, కామారెడ్డి, ఉమ్మడి కరీంనగర్ జిల్లాలకు చెందిన కీలక నేతలు పాల్గొంటున్నారు.

• వేముల ప్రశాంత్ రెడ్డి (ఎమ్మెల్యే, బాల్కొండ)
• కల్వకుంట్ల సంజయ్ (ఎమ్మెల్యే, కోరుట్ల)
• బాజిరెడ్డి గోవర్ధన్ (మాజీ ఎమ్మెల్యే, నిజామాబాద్ రూరల్)
• ఆశన్నగారి జీవన్ రెడ్డి (మాజీ ఎమ్మెల్యే, ఆర్మూర్)
• బిగాల గణేష్ గుప్తా (మాజీ ఎమ్మెల్యే, నిజామాబాద్ అర్బన్)
• జాజుల సురేందర్ (మాజీ ఎమ్మెల్యే, ఎల్లారెడ్డి)
• మహమ్మద్ షకీల్ అహ్మద్ (మాజీ ఎమ్మెల్యే, బోధన్)

విదేశీ గడ్డపై ఉన్నప్పటికీ మాతృభూమి సంస్కృతిని గుండెల్లో మోస్తూ ఏటా ఘనంగా పండుగలు నిర్వహిస్తున్న ఎన్‌ఆర్‌ఐలను, నిర్వాహక సంఘం ప్రతినిధులను ఈ సందర్భంగా బీఆర్ఎస్ నాయకులు అభినందించారు.

Also Read | హ‌రీశ్‌రావు గారూ.. శ్రీశైలం నీటిని బీర్ల ఉత్ప‌త్తికి వినియోగిస్తామ‌ని నేనేక్క‌డా చెప్ప‌లేదు