Womens Reservation Act 2023 | అమల్లోకి మహిళా రిజర్వేషన్ చట్టం.. గెజిట్ విడుద‌ల చేసిన న్యాయ‌శాఖ‌

Womens Reservation Act 2023 | చ‌ట్ట‌స‌భ‌ల్లో మ‌హిళ‌ల‌కు 33 శాతం రిజ‌ర్వేష‌న్లు క‌ల్పించేందుకు ఉద్దేశించిన మ‌హిళా రిజ‌ర్వేష‌న్ చ‌ట్టం-2023 (Womens Reservation Act 2023) అమ‌ల్లోకి వ‌చ్చింది. గురువారం నుంచి ఈ చ‌ట్టం అమ‌ల్లోకి వ‌చ్చిన‌ట్లు కేంద్రం ప్ర‌భుత్వం ప్ర‌క‌టించింది. ఈ మేర‌కు గురువారం అర్ధ‌రాత్రి త‌ర్వాత కేంద్ర న్యాయ‌శాఖ (Union Law Ministry) గెజిట్ నోటిఫికేష‌న్ (Gazette notification) విడుద‌ల చేసింది. 106వ రాజ్యాంగ సవరణ చట్టం-2023లోని సెక్షన్‌-1లో ఉన్న సబ్‌ సెక్షన్‌-2 ప్రకారం 2026 ఏప్రిల్‌ 16వ తేదీని మహిళా రిజర్వేషన్ల చట్టం అమల్లోకి వచ్చే తేదీగా ప్రభుత్వం నిర్ణయించిందని నోటిఫికేషన్‌లో న్యాయశాఖ పేర్కొంది.

2029లో ఈ చ‌ట్టాన్ని అమ‌లు చేయ‌డం కోసం ప్ర‌స్తుతం పార్ల‌మెంటులో చ‌ర్చ జ‌రుగుతున్న త‌రుణంలో.. ఏప్రిల్ 16 నుంచి ఈ చ‌ట్టాన్ని అమ‌ల్లోకి తెస్తున్న‌ట్లు నోటిఫికేష‌న్ జారీ చేయ‌డానికి గ‌ల కార‌ణాలు మాత్రం వెంట‌నే తెలియ‌రాలేదు. చట్టం అమల్లోకి వచ్చిందని ప్రకటించడానికి సాంకేతిక కారణాలున్నాయని, అంతే తప్ప ప్రస్తుత సభకు ఇది వర్తించదని ఓ అధికారి తెలిపారు. తదుపరి జనగణన తర్వాత చేపట్టే డీలిమిటేషన్‌ ఆధారంగా మహిళలకు రిజర్వేషన్లు అమలవుతాయని అందులో ఉన్నట్లు వివరించారు.

Also Read..

స్త్రీ శ‌క్తే.. బ‌ల‌మైన భార‌త్‌కు గుర్తింపు : ప్ర‌ధాని మోదీ

స్వ‌ల్ప లాభాల్లో కొన‌సాగుతున్న స్టాక్ మార్కెట్లు.. యుద్ధం వార్త‌లపైనే ఎదురు చూపులు..

కేంద్ర మంత్రితో బాలీవుడ్‌ న‌టి ప్రేమాయ‌ణం.. క్లారిటీ ఇచ్చిన కంగ‌నా ర‌నౌత్